I Sam 2:8 - Sơ̆p Hlabơar Nơ̆r 'Bok Kei-Dei

⁸ Sư rô̆ tơiung bơngai dơnuh đơ̆ng 'mui teh; Sư pơdơ̆ng tơiung lu bơngai kơ'bah đơ̆ng lăm 'mui tơnuh, Wă kơ lu sư dơ̆ng hơdai hăm lu bơngai yŏng pơgơ̆r. Păng kư̆m ăn oei lăm anih đe pơyom. Jrăng plei teh noh đơ̆ng Kră Yang, Păng kơpal jrăng noh sư pơdơ̆ng bơih plei teh.

I Sam 2:8 Referans Kwoze

Da 2:48

Pơtao pôk ăn Đaniel pơm tih păng pơjao ăn kơ sư tơmam mă gĭt dêh. Pơtao ăn kơ sư pơgơ̆r đĭ lăm char Babilôn.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

Da 6:3

Na Đaniel pơm yŏng tih hloh 'biơ̆ kơ bre 'bar 'nu noh păng kư̆m tih hloh kơ lu yŏng pơgơ̆r tơring, yua kơ sư đei tơdrong gơh hơgei; na pơtao pôk ăn kơ sư pơm tih hloh kơ đĭ-đăng lăm char sư.

Tơdrông Tơ'bôh 1:6

Sư pơjao bơ̆n kơ 'Bok Kei-Dei wă wei-lăng bơ̆n păng pơgơ̆r bơ̆n, na lu bơ̆n jing bơngai jang kơ 'Bă Sư 'Bok Kei-Dei thoi lu 'bok soi. Thoi noh na bĕ bơ̆n ư-ang Yêsu Krist yua kơ Sư gô pơgơ̆r ling-lang ưh kơ đei layơ tôch. A-men.

Bôk Bơthô 4:14

Bơngai 'lơ̆p 'nao tŏk đơ̆ng sơlŭng đe phak wă pơm pơtao, mă khan đe tơpŭ kơ sư dơnuh hin lăm dêh char sư.

I Sam 15:17

Samuel roi khan: Ih adrĕch iĕ ưh kơ hơnhŏ pơm kơ̆l kơ adrĕch adrung bơngai Isơrael dah kiơ? Kră Yang tuh đak rơmă ăn kơ ih pơm pơtao lu bơngai Isơrael.

Tơdrông Tơ'bôh 22:5

Măng klăm ưh pă đei boih păng lu sư ưh kơ kăl kơ măt 'năr dah ŭnh kiơ pơchrang hơdah kơ lu sư dơ̆ng ôh yua kơ akâu 'Bok Kei-Dei oei tơ noh pơchrang ăn kơ lu sư. Lu sư gô pơgơ̆r ling-lang khŏm khŏm tơ noh.

Tơdrông Tơ'bôh 5:10

Păng Ih ăn kơ kon bơngai jing pơlei pơla 'Bok Kei-Dei wei-lăng păng pơgơ̆r. Ih ăn kon bơngai pơm thoi 'bok soi wă kơ chă pơjing tơdrong jang 'Bok Kei-Dei, păng Ih ăn kơ kon bơngai gơh chă pơgơ̆r tơduă lu sư tơ ala teh.”

II Sam 7:8

Thoi noh dang ei, ih athei roi kơ Đawit, đĭch đam Inh Kră Yang Tih Hloh đei khan thoi âu: “Inh boih đei krao ih đơ̆ng tơmăn 'nhĕt anih ih oei wei triu, pôk ih jing bơngai pơgơ̆r kon pơlei Inh.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Horiso 104:5

Sư dan teh tơ kơpal lu hơnă teh noh, wă kơ teh ưh pă tơdrŏ pơpơ̆ dơ̆ng

Horiso 102:25

Blŭng-a sơ̆ Ih pơjing teh đak păng lu plĕnh đơ̆ng ti Ih pơjing.

Horiso 24:2

Yua kơ Sư pơjing teh kơpal đak krong dơsĭ, Păng dan sư kơjăp kơpal đak tih.

Bl 41:14

Pharaôn athei krao hloi Jôsep; lu sư plôh tơlĕch hloi Jôsep đơ̆ng hnam phak, sư hơkôih sŏk kang tơplih hơbĕn ao tai sư, na năm 'bơ̆t anăp Pharaôn.

Jop 2:8

Jop iŏk đơ̆ng kơcheh gŏ pơchah na hơkôih akâu jăn sư, sư hơ-oei lăm tơnuh.

Bl 41:40

Thoi noh, ih tŏk pơgơ̆r hnam pơtao; đĭ-đăng kon pơlei pơla pơtao gô chu yom kơ ih pơma. Inh tih hloh kơ ih tŏ sĕt yua kơ inh oei lăm tang-dŏ pơtao đĕch.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

I Pot 16:2

Inh tơiung atŏk ih đơ̆ng 'mui teh ăn kơ ih pơm pơtao lu kon pơlei pơla Isơrael Inh. Mă-lei ih năm kiơ̆ trong Jêrôbôam păng pơm kơ lu bơngai Isơrael kon pơlei pơla Inh pơm yoch, pơm tơblĕk Inh hăm tơdrong yoch lu sư.

II Pot 9:6

Thoi noh, Jêhu gruih iung mơ̆t lăm hnam, na bơngai tơdăm ei tuh đak 'bâu phu kơpal kơ̆l sư păng khan: “Kră Yang 'Bok Kei-Dei Isơrael khan thoi âu: Inh rơih iŏk ih ăn kơ đe tuh đak 'bâu phu ăn kơ ih pơm pơtao đe Isơrael wei-lăng kon pơlei Kră Yang.

Jop 1:21

Păng khan: “Mĕ inh tơpŭ kơ inh sơ̆ akâu hoh, păng inh brŏk tơ teh kư̆m gô akâu hoh mơ̆n; Kră Yang asong ăn, Kră Yang pơdrâu iŏk dơ̆ng; trŏ bơnê kơ anăn Kră Yang!”

Horiso 75:3

Mă khan teh păng kon pơlei oei kơpal teh pơpơ̆, Inh boih pơkơ̆ng jrăng sư kơjăp. Sêla

Horiso 75:7

Mă-lei Kră Yang 'Bok Kei-Dei Tơ'ngla sek tơlang; Sư tơjur đe âu păng hơtŏk đe noh.

Horiso 107:41

Mă-lei Sư hơtŏk lu bơngai dơnuh hin klaih đơ̆ng tơdrong pơmat-tat. Ăn kơ hnam dơnŏ hrôh ngôh rai lơ thoi khŭl triu.

Êsai 22:23

Inh gô pơ̆ng sư thoi đe pơ̆ng kơđĭnh 'bơ̆t anih kơjăp păng sư gô jing minh 'nu đe ư-ang ăn kơ hnam 'bă sư.

Horiso 75:4

Inh khan kơ lu pơang: “'Nĕ pă pơang.” Hăm khan kơ lu bơngai kơnê̆: “'Nĕ pă pơư khan pran kơtang.