I Sam 2:33 - Sơ̆p Hlabơar Nơ̆r 'Bok Kei-Dei

³³ Inh gô oei lê̆ minh 'nu đơ̆ng lăm adrĕch iĕm, wă kơ oei bơ̆jang tơ chơnang soi inh, mă-lei bơngai noh arih pơmat-tat chhŭr nuih lăm jơhngơ̆m. Yua kơ lu kon hơ'lơ̆p păng lu bơngai nai gô lôch kơ đao gưm.

I Sam 2:33 Referans Kwoze

I Pot 1:19

Sư pơyơ̆r boih tơmam soi hăm rơmo tơno, rơmo dăm bek păng triu lơ dêh păng sư kư̆m đei krao wơ̆n đĭ-đăng kon drŏ-nglo pơtao, 'bok soi Abiathar păng Jôap yŏng linh, mă-lei đam ih Sôlômôn noh sư ưh kơ wơ̆n ôh.

I Pot 1:7

Sư pơđâu băl hăm Jôap kon drŏ-nglo Sêruia păng hăm 'bok soi Abiathar. Lu sư kiơ̆ Adonija păng tơgŭm sư.

Lêwi 26:16

Mưh lei tơdrong âu Inh gô pơm kơ lu iĕm: Inh gô ăn kơ lu iĕm đei tơdrong hli truh tih, tơdrong jĭ jăn, bơlŏ chĕp tơngiĕt pơm kơ măt iĕm bơbôl, jơhngơ̆m rơmơ̆n rơmok. Lu iĕm rei pơtăm ră mă-lei hŭt đĕch jing tơdrong kơ đei, bơngai ayăt kơ iĕm gô iŏk sa yua đĭ.

I Sam 2:32

Ih gô 'bôh đei tơdrong rŭng răng lăm adrĕch Ih, mă khan đei pơm 'lơ̆ng kơ lu bơngai Isơrael ră mă-lei kư̆m oei ưh kơ đei bu arih dĭng kră lăm adrĕch ih dơ̆ng.

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.

I Sam 22:18

Pơtao, khan kơ Đôe: Ih năm pơlôch lu 'bok soi bĕ. Đôe bơngai Eđôm, pơlôch lu 'bok soi; lăm năr noh đei tơhngam-jĭt pơđăm 'nu bơngai hrŭk ao êphot.