I Sam 19:23 - Sơ̆p Hlabơar Nơ̆r 'Bok Kei-Dei

²³ Sư năm hloi tơ Naiôt lăm pơlei Rama; Yang Bơhngol Kră Yang 'Bok Kei-Dei kư̆m mơ̆t tơ sư, sư kư̆m suang pơma khan lê̆ adrol dĭng truh tơ Naiôt lăm pơlei Rama,

I Sam 19:23 Referans Kwoze

Tơdrông Pơđơk 16:9

Đon tơchĕng bơngai chă rơih trong kơdih wă; Mă-lei Kră Yang ba trong sư.

I Sam 10:10

Wă Sôl truh tơ Gibêah, đei minh khŭl 'bok khan lê̆ adrol sơng sư. Yang Bơhngol Kră Yang mơ̆t lăm sư, sư kư̆m khan lê̆ adrol hơdai lu sư.

I Sam 19:20

Sôl wơh bơngai năm rôp Đawit; na lu sư 'bôh minh khŭl bơngai khan lê̆ adrol oei suang pơma khan lê̆ adrol păng Samuel pơgơ̆r lu bơngai ei, Yang Bơhngol 'Lơ̆ng Kră Yang 'Bok Kei-Dei mơ̆t pơm kơ lu sư lu sư kư̆m suang pơma khan lê̆ adrol mơ̆n.

Jo 24:2

Balaam tơmang 'bôh adrĕch Isơrael pơm bơsŭn kiơ̆ kơ adrĕch păng Yang Bơhngol 'Bok Kei-Dei đei oei hơdai sư,

I Kor 13:2

Dah 'Bok Kei-Dei ăn kơ inh gơh pơtruh nơ̆r Sư păng hlôh tôm tơdrong Sư tam lah tơ'bôh kơ đe đơ̆ng sơ̆ păng dah Sư ăn kơ inh lui kơjăp sơkat kĕ hiŏng tơlơ̆ kông, mă khan Sư ăn kơ inh gơh hơgei dang 'noh ră, mă-lei dah inh ưh kơ băt 'mêm kơ Sư hăm bôl buăl inh, thoi noh akâu inh âu ưh kơ yua kiơ ôh.

Yo 11:51

'Bok Kaiphe pơma tơdrong 'noh ưh kơ sĭ sư pơma kiơ̆ kơ đon sư tơchĕng ôh. Sơnăm noh sơ̆ sư pơm 'bok soi tơm, na 'Bok Kei-Dei ăn kơ sư pơma khan lê̆ hơdrol gah Yêsu wă lôch tang lu bơngai Juđê.

Mathiơ 7:22

Năr tôch ning-mônh đei lơ bơngai pơma lung Inh thoi âu: ‘Ơ Kră Yang, nhôn yua anăn Ih pơtruh nơ̆r 'Bok Kei-Dei, nhôn yua anăn Ih pơpuh yang kơnê̆ lĕch đơ̆ng akâu bơngai păng nhôn pơm lơ tơdrong mơsêh mơyang nai yua anăn Ih.’

Tơdrông Pơđơk 21:1

Jơhngơ̆m pơtao lăm ti Kră Yang thoi đak glung ro; Sư ăn ro tơ yơ mơ̆ng kơ Sư wă.

Jo 23:5

Kră Yang tơtă nơ̆r lăm 'bơ̆r Balaam păng khan. “Wih brŏk bĕ tơ Balak păng khan thoi âu:”

I Sam 10:6

Yang bơhngol Kră Yang gô mơ̆t lăm ih gô suang khan lê̆ adrol hăm lu sư, ih gô jing bơngai nai.

I Sam 10:12

Đei bơngai lăm Gibêah tơl: 'Bă lu sư bu hah? Na đei nơ̆r đơ̆ng sơ̆ khan: Sôl kư̆m dai bơngai khan lê̆ adrol dah kiơ?

I Sam 18:10

Năr đơ̆ng rŏng, Kră Yang 'Bok Kei-Dei ăn Yang kơnê̆ mơ̆t lăm Sôl; sư hli tơrơ pơma kư̆ kă lăm hnam sư, thoi bơngai wơnh, na Đawit reh brŏ thoi krô hmă. Sôl chĕp minh hlak tơju tơ ti sư.

I Sam 19:18

Kơplah noh, Đawit kơdâu klĕnh sư năm tơ Samuel tơ Rama, roi ăn kơ Samuel dôm tơdrong mă Sôl pơm kơ sư. Na Đawit hăm Samuel năm, oei tơ Naiôt.

I Sam 19:22

Na Sôl năm akâu sư kơdih truh tơ pơlei Rama; truh tơ anih sơlŭng mong đak Sêku, na sư jet: Samuel păng Đawit oei tơ yơ? Đe tơl khan: Măr sư oei tơ Naiôt lăm pơlei Rama.