I Sam 18:25 - Sơ̆p Hlabơar Nơ̆r 'Bok Kei-Dei

²⁵ Sôl khan kơ lu sư: Lu iĕm năm roi kơ Đawit; Pơtao ưh kơ đei apinh minh tơdrong kiơ ôh, kăl kơ minh-hrĕng tŏ kơ̆l tơmam drŏ-nglo bơngai Philistin, wă kơ pơm 'mong tơwih kơ lu bơngai ayăt kơ sư. Na Sôl chă đon wă pơm ăn kơ Đawit puh hiong lăm tơpang ti kon pơlei Philistin.

I Sam 18:25 Referans Kwoze

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.

I Sam 14:24

Kŭm lăm năr 'noh, bơngai Isơrael lap pă kĕ boih yua kơ Sôl athei 'blŏk nơ̆r đei pơkă pơkăm: Trŏ kơ hiap pơtê̆ bơngai ayơ mă sa tơmam kiơ adrol kơ 'năr kơsơ̆ huơ huĭnh wă măng, đang adrol kơ inh blah lu bơngai ayăt kơ inh! Yua kơ noh, na đĭ-đăng kon pơlei kơ̆m kơ pơ̆n sa tơmam kiơ hloi.

Bl 34:12

Apinh bĕ tơmam et sa kơ pơkong mă tih, tơmam pơsĭt mă lơ, inh gô ăn kiơ̆ kơ nơ̆r lu iĕm apinh; kư̆ mă iĕm ăn adruh oh iĕm noh jing akăn inh.

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

Jôsuê 5:3

Thoi noh Jôsuê chă hơmet săng pơm păng tơmo kăt tơdra akar ăn kơ kon pơlei Isơrael tơ groi Gibêah Haralôt.

Bl 29:18

Jakôp hưch kơ Rachel na sư khan thoi âu: Yua kơ oh inh Rachel kon adruch mih, mon gô jang tơgŭm mih lăm tơpơh sơnăm.

I Sam 18:24

Lu đĭch đam Sôl roi ăn dơ̆ng kơ pơtao dôm nơ̆r Đawit tơl.

II Sam 3:14

Pơtao Đawit wơh hloi bơngai năm tơ Isbôset kon tơdăm Sôl na khan: Apinh ih pơdrâu Mikal akăn inh mă inh đei oei hăm minh-hrĕng tŏ kơ̆l tơmam drŏ-nglo Philistin.

I Sam 19:1

Sôl pơđâu chă đon hăm Jônathan, kon drŏ-nglo sư păng lu đĭch đam sư wă pơlôch Đawit mă-lei Jônathan, kon drŏ-nglo Sôl, 'mêm dêh kơ Đawit.