I Sam 18:21 - Sơ̆p Hlabơar Nơ̆r 'Bok Kei-Dei

²¹ Sư tơchĕng khan: Inh gô ăn sư oei kơ Đawit, pơm thoi hơđong wă kơ Đawit 'leh lăm ti bơngai Philistin. Thoi noh Sôl pơma dơnuh 'măng mă 'bar hăm Đawit: Ih gô pơm ŏng inh.

I Sam 18:21 Referans Kwoze

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.

Je 9:8

Hơpiĕt lu sư jing brơ̆m hơkăm, pơma lĕch nơ̆r hơlĕnh pơdăr; lăm 'bơ̆r lu sư, bu bu kư̆m khan hiôk-hian hăm lu rông 'bôt sư, mă-lei lăm jơhngơ̆m sư, răp wă pơm kơnê̆ kơ buăl sư.

I Sam 18:26

Wă Lu đĭch đam roi ăn dơ̆ng dôm lu nơ̆r 'nâu kơ Đawit mơ̆ng, na Đawit chu kiơ̆ adrol kơ tơm năr pơkă wă pơm ŏng pơtao, adrol kơ năr pơkă.

Le 10:7

Lu bơngai bơ̆jang kơ Pharaôn khan kơ sư. Truh dĭng dang yơ bơngai âu mă lê̆ hơ'năk hơđong kơ lu bơ̆n? Jah achăng lê̆ lu kon pơlei noh năm bĕ, wă kơ lu sư kơkuh kơ Kră Yang 'Bok Kei-Dei lu sư! Pơtao ưh tam băt hă dêh Êyiptơ đei tơdrong răm đĭ boih.

Je 5:26

Đei lu bơngai kơnê̆ oei hơdai lăm lu kon pơlei Inh, lu sư thoi bơngai răp dăng hơnhuăl kơ sem, lu sư đăk hơđong wă rôp bơngai.

Tơdrông Pơđơk 29:5

Bơngai bu hơlĕnh pơhlom kơ rông 'bôt sư, Dăng hơnhuăl dăr kơ jơ̆ng sư kơdih.

Horiso 38:12

Lu bơngai wă pơlôch inh, lu sư hơ'năk kơ inh hơđong. Lu bơngai chơchă wă pơrăm inh tă kơ pơma kơnê̆, Păng prăt năr chă hơlĕnh pơdăr.

I Sam 18:22

Na Sôl athei lu đĭch đam sư: Iĕm năm pơma hơdar hăm Đawit: Ih hăm 'bôh pơtao lăp đon kơ ih păng đĭ-đăng lu đĭch đam pơtao kư̆m 'mêm kơ ih mơ̆n; thoi noh na pơm bĕ ŏng pơtao.