I Sam 18:17 - Sơ̆p Hlabơar Nơ̆r 'Bok Kei-Dei

¹⁷ Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.

I Sam 18:17 Referans Kwoze

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.

I Sam 18:25

Sôl khan kơ lu sư: Lu iĕm năm roi kơ Đawit; Pơtao ưh kơ đei apinh minh tơdrong kiơ ôh, kăl kơ minh-hrĕng tŏ kơ̆l tơmam drŏ-nglo bơngai Philistin, wă kơ pơm 'mong tơwih kơ lu bơngai ayăt kơ sư. Na Sôl chă đon wă pơm ăn kơ Đawit puh hiong lăm tơpang ti kon pơlei Philistin.

I Sam 17:25

Lu Sư khan tơduă: Lu iĕm hăm 'bôh bơngai noh to sư lĕch năm? Sư wă pơjăm che bơle kơ bơngai Isơrael, tơdah bơngai bu kĕ pơlôch sư, na pơtao gô apah mŭk tơmam lơ, rôp ăn kon adruh sư ăn kơ bơngai noh oei păng ưh kơ đei iŏk thuê̆ ăn rơngei kơ hnam 'bă.

I Sam 18:21

Sư tơchĕng khan: Inh gô ăn sư oei kơ Đawit, pơm thoi hơđong wă kơ Đawit 'leh lăm ti bơngai Philistin. Thoi noh Sôl pơma dơnuh 'măng mă 'bar hăm Đawit: Ih gô pơm ŏng inh.

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.

Horiso 55:21

'Bơ̆r lu sư pơma rơbơ̆r hloh kơ rơmă. Mă-lei lăm jơhngơ̆m lu sư chă tơdrong tơblah. Nơ̆r lu sư rơngơp hloh kơ rơmă, mă-lei nhen đao toh boih đơ̆ng hơnglop.

Horiso 12:2

Lu sư pơma hơlĕnh pơdăr pơma tơduă lu sư, 'bơ̆r pơma pơ'brơh jơhngơ̆m 'bar trong nơ̆r pơma.

II Sam 12:9

Liơ ih ưh kơ băt hli yom kơ nơ̆r Kră Yang tơtă, na pơm tơdrong kơnê̆ dêh 'bơ̆t anăp Sư? Ih yua đao pơlôch Uri, bơngai Hêtit, iŏk akăn sư pơm akăn ih, ih yua đao gưm linh bơngai Ammôn pơlôch sư.

II Sam 11:15

Lăm kơthơ sư chih thoi âu: “Dan bĕ Uri yak adrol lăm năr tơblah tih, na lu iĕm kơdŭn ataih đơ̆ng sư, wă kơ sư rơka na lôch.”

Both 17:7

Lu bơngai drơ̆ng athei yơ̆r ti adrol hloh pơlôch bơngai noh, pơtrơp đơ̆ng rŏng kơ noh ti lu kon pơlei. Thoi noh, gô pơlôch pơgoh lê̆ lu tơdrong kơnê̆ đơ̆ng lăm kon pơlei iĕm.

Jo 32:29

na khan: Tơdah kon sâu Gat păng kon sâu Rubên chĕp đao hơlă tŏk găn đak Krong Jôrđăn hăm lu iĕm wă năm tơblah 'bơ̆t anăp Kră Yang păng tơdah dêh char noh jei lu iĕm, lei lu iĕm athei ăn kơ lu sư teh tơring Gileat jing teh lu sư jang sa.

Jo 32:27

mă-lei đĭ-đăng lu đĭch đam ih gô chĕp đao hơlă, tŏk tơ pah to, răp găn păng năm tơblah 'bơ̆t anăp Kră Yang, kiơ̆ thoi yŏng nhôn đei tơtă.

Jo 32:20

Môis tơl lu sư khan: Tơdah lu iĕm pơm thoi noh, tơdah chĕp đao kơtuang wă năm tơblah 'bơ̆t anăp Kră Yang,

Jo 21:14

Yua kơ noh đe đei chih boih sơ̆p hla bơar anăn Tơdrong Kră Yang Tơblah khan thoi âu: Wahep oei lăm Supha păng lăm thŭng đak Krong Arnôn,

I Sam 14:49

Pơtao Sôl đei pêng 'nu kon drŏ-nglo Jônathan, Iswi păng Malkisua, sư kư̆m đei 'bar 'nu kon drŏ-kăn; 'lŏ anăn Mêrap, 'lơ̆p anăn Mikal;

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 18:27

Đawit năm hăm lu linh sư năm blah pơlôch 'bar-hrĕng 'nu lu bơngai Philistin. Sư chĕp ba tơm kơ̆l tơmam drŏ-nglo ăn kơ pơtao wă kơ gơh pơm ŏng pơtao. Thoi noh, Sôl kư̆m ăn Mikal, kon drŏ-kăn sư kơ Đawit pơm akăn.

I Sam 30:26

Đawit wih brŏk tơ Siklak păng asong ăn tơmam kơ lu đe kră lăm dêh Juđa păng kư̆m gơih nơ̆r pơma khan: Gơih ăn kơ iĕm tơmam âu. 'Nâu jơ̆ tơmam asong ăn kơ lu iĕm đơ̆ng tơmam bơ̆n blah tơgar iŏk đơ̆ng lu bơngai mă ayăt kơ Kră Yang.

II Sam 6:16

Lăp Hom pơgơ̆p Kră Yang mơ̆t tơ pơlei Đawit, na Mikal kon adruh Sôl, lăng tơmang đơ̆ng 'măng-'mŏk, 'bôh Đawit suang chơt hiôk 'bơ̆t anăp Kră Yang, na sư đei jơhngơ̆m ưh kơ iă kơ Đawit.

Tơdrông Pơđơk 26:24

Bơngai bu hil areh, pơm 'brach gah 'nguaih praih pơrŏ. Lăm jơhngơ̆m hơ-ơ̆m oei răk tơdrong kơnê̆.

Tơdrông Pơđơk 26:25

Tơdah sư pơma 'ngam 'nĕ kơ lui kơ sư. Yua kơ sư đei tơpơh tŏ tơdrong kơnê̆ krưp lăm jơhngơ̆m.

Tơdrông Pơđơk 26:26

Mă sư ôn hlơp tơdrong hil chă pơm pơrŏ, Tơdrong trŏ khĕnh hơwĕng sư gô lĕch tơ tơpôl 'bôh.