I Sam 18:10 - Sơ̆p Hlabơar Nơ̆r 'Bok Kei-Dei

¹⁰ Năr đơ̆ng rŏng, Kră Yang 'Bok Kei-Dei ăn Yang kơnê̆ mơ̆t lăm Sôl; sư hli tơrơ pơma kư̆ kă lăm hnam sư, thoi bơngai wơnh, na Đawit reh brŏ thoi krô hmă. Sôl chĕp minh hlak tơju tơ ti sư.

I Sam 18:10 Referans Kwoze

II Tes 2:11

Kơlih kơ thoi noh 'Bok Kei-Dei ăn kơ lu sư lui kơ đe hơlĕnh kơ lu sư.

I Pot 18:29

Lăp 'năr kơsơ̆ glơh bơih lu sư krao ôr 'bơ̆r re păng truh jơ pơyơ̆r tơmam soi phe 'ba ăn kơ yang Baal 'bơ̆t jơ kơsơ̆ ei bơih, mă-lei ưh kơ kơtơ̆ng nơ̆r kiơ, kư̆m ưh kơ đei bu tơl păng ưh kơ đei bu mă hiơ̆k ăn.

I Sam 19:9

Kră Yang ăn yang kơnê̆ mơ̆t lăm Sôl kơplah sư oei ngôi lăm hnam chĕp tơju tơ ti sư; 'bơ̆t Đawit oei reh brŏ tĭng-nĭng.

Jang 16:16

Minh năr ei hơtai nhôn năm tơ anih akŭm krao khan nhôn tơ'bơ̆p minh 'nu bơngai adruh sư đĭch đe. Sư bơngai yang mơ̆t pơm kơ sư wơnh. Na yang kơnê̆ ăn kơ sư pơm pơjâu khan lê̆ hơdrol. Lu yŏng đĭch ei yua jên đơ̆ng đĭch sư chă pơma khan kơ đe na đe ăn kơ bơngai adruh yang mơ̆t ei, na lu yŏng sư jing mơdrŏng.

I Sam 16:23

Na mưh Kră Yang 'Bok Kei-Dei ăn yang kơnê̆ mơ̆t pơm kơ Sôl hli, na Đawit iŏk brŏ tĭng-nĭng reh, pơlung Sôl pran hiôk, na yang kơnê̆ noh lĕch đơ̆ng sư.

Je 28:11

Đơ̆ng noh, Hanania tơbăt 'bơ̆t anăp đĭ kon pơlei: “Kră Yang khan: 'Blep lăm 'bar sơnăm Inh gô gơ̆ lê̆ 'long ăt Nebukatnessar pơtao đe Babilôn đơ̆ng ako rim kơ adrĕch adrung.’ ” Jêrêmi 'bok khan lê̆ adrol yak brŏk.

I Pot 22:12

Đĭ-đăng lu bơngai khan lê̆ adrol pơma lei-lăi: “Tŏk blah bĕ pơlei Ramôt Gileat gô jei ih tơpă; “Kră Yang gô pơjao pơlei 'nâu lăm tơpang ti ih.”

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.

I Sam 18:9

Iŏk đơ̆ng năr noh, Sôl klai kơ Đawit dêh,

I Sam 19:7

Na, Jônathan krao Đawit, roi ăn dôm lu nơ̆r ei kơ sư, na chông ba Đawit năm tơ Sôl, na Đawit oei bơ̆jang kơ Sôl thoi adrol ki dơ̆ng.

Lu 16:20

Drŏ-kăn ei khan: Ơ Samsơn bơngai Philistin năm blah rôp ih. Sư iung khan: Inh gô lĕch klaih hlôi thoi brei mơsơ̆ păng inh gô klaih đơ̆ng ti lu sư. Mă-lei sư ưh kơ băt ôh Kră Yang lĕch jăk đơ̆ng sư boih.

I Sam 19:10

Sôl iŏk tơju wă hrăng kơtĭt Đawit tơ tơnăr, mă-lei Đawit pĕch, tơju Sôl 'bơm tơ tơnăr. Đawit kơdâu hloi măng noh.