I Sam 17:46 - Sơ̆p Hlabơar Nơ̆r 'Bok Kei-Dei

⁴⁶ Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;

I Sam 17:46 Referans Kwoze

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Jôsuê 4:24

Kră Yang pơm thoi noh wă kơ đĭ-đăng adrĕch adrung lăm ala teh, băt kơ Kră Yang mơsêh pran kơtang, wă kơ rim 'nu lu iĕm chu kiơ̆ Kră Yang 'Bok Kei-Dei lu iĕm ling-lang.

II Pot 19:19

Thoi noh na dang ei, ơ Kră Yang 'Bok kei-Dei nhôn! Pơklaih nhôn đơ̆ng ti pơtao noh bĕ wă kơ đĭ-đăng dêh char tơ teh âu băt minh 'nu Ih đĕch Kră Yang 'Bok Kei-Dei.”

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

Both 28:26

Akâu lôch lu iĕm gô pơm tơmam sa ăn kơ lu sem păr kơpal plĕnh păng ăn kơ lu sem bri lăm teh sa, ưh kơ đei bơngai bu pơpuh lê̆ lu sư weh.

Da 2:47

Đang kơ noh pơtao pơih nơ̆r pơma hăm Đaniel thoi âu: Sĭt tơpă boih, Kră Yang 'Bok Kei-Dei iĕm jơ̆ Yang kơ lu yang păng yŏng kơ lu pơtao, đơ̆ng Sư tơbăt ăn tơdrong hlơp, yua kơ ih đei tơblang boih mă ưh kơ đei bu băt âu.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Mathiơ 24:28

“Bơngai lôch tơ yơ, pă jor grơ̆ gô jur sa tơ ei.

Da 3:29

Thoi noh inh ăn nơ̆r tơtă âu: Mă khan kon pơlei ayơ, dêh char ayơ, nơ̆r pơma kiơ, dah đei bu pơma kơnê̆ kơ Kră Yang 'Bok Kei-Dei Sadrak, Mêsak, Abetnigo gô koh pơhĕch sư, hnam dơnŏ noh kư̆m gô jing mơ̆r kơ teh, yua kơ ưh kơ đei yang kiơ mă gơh dŏng pơklaih thoi 'nâu.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Horiso 46:10

Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

I Sam 17:44

Bơngai Philistin hơnganh: Năm tơ âu wăi, inh gô ăn sĕch ih kơ lu sem păr păng lu sem bri sa.

Both 7:23

Mă-lei Kră Yang 'Bok Kei-Dei iĕm gô jao lu sư kơ iĕm păng gô pơm kơ lu sư đei tơdrong hli rŭng răng tih, dĭng truh layơ mă lu sư lôch hiong đĭ.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Êsai 56:9

Ơ khŭl sem dơrong tơ anih tơmăn glă, Khŭl lu sem bri, đĭ-đăng năm sa bĕ.

Horiso 31:8

Ih ưh kơ đei jao inh tơ lu ayăt. Mă-lei ăn kơ jơ̆ng inh dơ̆ng tơ anih rơhơi.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

II Sam 18:28

Ahimaas krao hloi pơtao păng khan: “Kơkuh kơ pơtao dôm tơdrong hiôk-hian!” Na sư drap kơkuh 'bơ̆t anăp pơtao păng khan: “Bơnê ư-ang kơ Kră Yang 'Bok Kei-Dei pơtao, yua kơ Sư dŏng pơklaih boih pơtao đơ̆ng lu bơngai blah pơtao yŏng tơ'ngla inh!”

II Sam 21:10

Yă Rispa kon drŏ-kăn Aiya, iŏk minh blah 'bi lơ̆k kơpal tơmo, păng yă ei oei tơ noh đơ̆ng bơyan yuă blŭng truh tơ đei 'mi đơ̆ng kơpal plĕnh jruh tơ kơpal akâu lu bơngai lôch. Kơ'năr yă ei ưh kơ ăn sem păr jruh kơpal akâu bơngai lôch, kơmăng yă ei ưh kơ ăn sem bri năm jê̆.

I Pot 8:60

Wă kơ lu kon pơlei pơla lăm ala teh đak băt kơnăl kơ Sư Kră Yang 'Bok Kei-Dei, 'nguaih kơ Sư ưh pă đei yang nai bơih.

II Pot 5:15

Naaman hăm đĭ-đăng bơngai mă kiơ̆ sư wơ̆t dơ̆ng tơ Êlisê păng khan thoi âu: “Dang ei inh băt bơih, jơ̆p-jang lăm teh đak ưh kơ đei yang nai hloh kơ Kră Yang 'Bok kei-Dei lu bơngai Isơrael, thoi noh apinh ih iŏk tơmam inh bơngai mă đĭch đam ih 'nâu.”

Je 34:20

Inh jao lu sư tơ lăm ti lu bơngai ayăt kơ lu sư, lu bơngai 'maih wă pơlôch pơrăm lu sư. Atâu akâu lu sư lôch gô ăn kơ sem grơ̆ păng sem bri sa.

Bl 40:19

Oei pă pêng năr dơ̆ng, Pharaôn sek tơlang kơ ih, athei đe atol ih tơ 'long na sem jur sa sĕch ih.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.