I Sam 17:36 - Sơ̆p Hlabơar Nơ̆r 'Bok Kei-Dei

³⁶ Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 17:36 Referans Kwoze

I Sam 17:10

Bơngai Philistin pơma hơno dơ̆ng: Tơpă, lăm năr 'nâu inh pơma pơlong lăng lu linh bơngai Isơrael; tơlĕch minh 'nu bơngai wăi, na lu bơ̆n tơblah băl.

Sa 12:3

Kŭm gô đei tơdrong truh hloi lăm năr noh Inh gô pơm ăn kơ Jêrusalem thoi tơmo, trăp kơ rim adrĕch adrung kon bơngai. Na dôm lu bơngai mă tung sư đei tơdrong jĭ dêh; păng đĭ dôm lu dêh char kơpal teh âu gô blah sư.”

Sa 2:8

Yua kơ Kră Yang Tih Hloh khan: “Đơ̆ng rŏng kơ tơdrong ư-ang; na Sư wơh inh năm blah lu teh đak pơgŏ lu iĕm; yua kơ tơdah bu hơtŭt 'bơm lu iĕm, noh kư̆m thoi hơtŭt 'bơm kơ kon-ngai lăm măt Sư.

Êsêkiên 32:19

Khan bĕ kơ lu sư, ih 'lơ̆ng guăng hloh kơ bu? Jur bĕ năm 'bĭch hơdai hăm lu bơngai ưh kơ kăt tơdra akar.

Êsai 36:18

Kơchăng bĕ, kơnh hli kơ pơtao Hesekia pơhlŭ pơlung lu iĕm khan: ‘Kră Yang gô dŏng pơklaih lu bơ̆n hăm đei ưh yang lu teh đak đe nai, gơh dŏng pơklaih teh đak lu sư đơ̆ng ti pơtao Asiri?

Êsai 36:15

Kŭm 'nĕ ăn pơtao Hesekia pơdrŭt lu iĕm gơnang kơ Kră Yang na khan: ‘Kră Yang gô dŏng pơklaih lu bơ̆n ngei păng pơlei âu gô ưh kơ đei jao ăn lăm ti pơtao Asiri ôh!

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 17:35

na inh druh, teh sư, pơdŭng iŏk triu đơ̆ng 'bơ̆r sư tơdah sư ôr bruh tơ inh, inh rôp sŏk kang sư, teh pơlôch sư.

I Sam 17:37

Đawit khan dơ̆ng: Kră Yang pơklaih boih inh đơ̆ng dăm-brang păng đơ̆ng chơgơu, Sư kư̆m gô pơklaih inh mơ̆n đơ̆ng ti bơngai Philistin to noh, Sôl drơ̆ng: Năm bĕ, hơpơi Kră Yang oei hơdai hăm ih!

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.

I Sam 31:4

Sôl khan kơ bơngai chĕp tơmam tơblah sư: Toh bĕ tơju ih, 'bet inh wăi, kơnh lu bơngai ưh kơ chu kăt tơdra akar 'bet inh păng gô che bơle kơ inh. Mă-lei bơngai mă chĕp tơmam sư tơblah ưh kơ pơ̆n 'bet, yua kơ hli dêh; Sôl iŏk tơju glơ̆m akâu sư kơdih.

Êsêkiên 28:10

Ih gô lôch nhen thoi bơngai tam mă kăt tơdra akar. Lăm ti lu bơngai tơmoi, yua kơ Inh khan boih, Kră Yang khan.’”

II Ho 32:17

Pơtao kư̆m chih hla bơar pơjăm Kră Yang 'Bok Kei-Dei Isơrael păng khan: “Lu yang lăm dêh char nai ưh kơ kĕ dŏng pơklaih kon pơlei char lu sư đơ̆ng ti inh kư̆m lei-lăi mơ̆n Kră Yang 'Bok Kei-Dei Hesekia kư̆m ưh kơ kĕ pơklaih kon pơlei sư đơ̆ng ti inh!”

Da 5:23

Mă-lei pôk kơdih akâu blah Kră Yang kơpal plĕnh păng iŏk pơđĭ lu kơchŏk pơnhan hu maih đơ̆ng hnam akŭm Kră Yang păng yua huch tơdrô hơdai hăm lu yŏng lăm hnam pơtao, lu akăn tơm, akăn kơnhŏng pơtao. Pơtao kư̆m kơkuh kơ rup yang pơm păng hu păng maih păng kong păng mam păng 'long păng tơmo; lu yang mă đei măt mă ưh kơ gơh 'bôh, đei đon mă ưh kơtơ̆ng ưh kơ băt kiơ păng pơtao ưh kơkuh kơ Kră Yang 'Bok Kei-Dei Sư boih Yang Tơ'ngla mă chĕp tơdrong arih păng tôm lu trong gơlong pơtao pơm.