I Sam 16:14 - Sơ̆p Hlabơar Nơ̆r 'Bok Kei-Dei

¹⁴ Yang Bơhngol 'Lơ̆ng Kră Yang lĕch đơ̆ng Sôl; Kră Yang wơh minh 'nu yang kơnê̆ pơm kơ đon sư hơwơ̆l hơwang hli tơrơ.

I Sam 16:14 Referans Kwoze

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

I Sam 18:12

Sôl hli kơ Đawit, yua kơ Kră Yang oei hơdai hăm Đawit, na achăng lê̆ sư.

I Sam 28:15

Samuel jet Sôl: Yua kơ kiơ ih pơhrơ inh krao inh tŏk wă pơm kiơ? Sôl tơl: Inh đei tơdrong truh tih, yua kơ lu bơngai Philistin tơblah păng inh. Na Kră Yang 'Bok Kei-Dei achăng lê̆ inh, Sư ưh kơ tơl nơ̆r inh dơ̆ng yua 'bơ̆r lu bơngai khan lê̆ adrol, dah đơ̆ng apo. Thoi noh na inh khŏm krao ih tŏk, wă kơ ih roi tơ'bôh ăn kơ inh băt inh athei pơm kiơ.

Lu 16:20

Drŏ-kăn ei khan: Ơ Samsơn bơngai Philistin năm blah rôp ih. Sư iung khan: Inh gô lĕch klaih hlôi thoi brei mơsơ̆ păng inh gô klaih đơ̆ng ti lu sư. Mă-lei sư ưh kơ băt ôh Kră Yang lĕch jăk đơ̆ng sư boih.

Lu 9:23

Na Kră Yang ăn yang kơnê̆ pơm kơ Abimêlek păng kon pơlei Sichem; lu pơlei Sichem areh ayăt kơ Abimêlek.

I Sam 18:10

Năr đơ̆ng rŏng, Kră Yang 'Bok Kei-Dei ăn Yang kơnê̆ mơ̆t lăm Sôl; sư hli tơrơ pơma kư̆ kă lăm hnam sư, thoi bơngai wơnh, na Đawit reh brŏ thoi krô hmă. Sôl chĕp minh hlak tơju tơ ti sư.

Hôsia 9:12

Mă khan lu sư 'me rong lu kon hơ'lơ̆p, Inh gô pơlôch lê̆ đĭ-đăng pă đei bu oei arih dơ̆ng. Răm-'băm dêh kơ lu sư. Mưh inh achăng lê̆ lu sư!

I Pot 22:22

Kră Yang jet: ‘Ih pơhlŭ sư thoi yơ?’ Yang 'noh tơl: ‘Inh gô năm pơm yang pơma hơlĕnh lăm 'bơ̆r lu bơngai khan lê̆ adrol mă jang kơ sư.’ Kră Yang khan: “Trŏ bơih, ih gơh năm, pơhlŭ sư lei ih năm bĕ păng pơhlŭ sư thoi nơ̆r ih pơma 'noh.’

I Sam 11:6

Lăp Sôl kơtơ̆ng tơdrong noh, sư đei Yang Bơhngol đơ̆ng Kră Yang 'Bok Kei-Dei pơtrŭt sư păng sư hil blĕk ơh dêh.

Lu 16:29

Samsơn rôp kơjăp 'bar tŏ jrăng tơm dŏl hnam akŭm tih sư rôp kơjăp; ti gah 'ngiĕo sư rôp jrăng minh pơm; ti gah 'ma sư kư̆m rôp jrăng nai

I Sam 16:15

Lu đĭch đam sư roi: Đei minh 'nu yang kơnê̆ mă Kră Yang 'Bok Kei-Dei wơh truh pơm kơ đon pơtao hơwơ̆l hơwang.

I Sam 16:16

Apinh pơtao wơh lu nhôn chă kơ ih minh 'nu gơh reh tĭng-nĭng, tơdah layơ Kră Yang 'Bok Kei-Dei wơh yang kơnê̆ truh tơ ih, na bơngai ei gô reh brŏ, na ih gô oei hiôk hơđơ̆ng.

I Sam 16:23

Na mưh Kră Yang 'Bok Kei-Dei ăn yang kơnê̆ mơ̆t pơm kơ Sôl hli, na Đawit iŏk brŏ tĭng-nĭng reh, pơlung Sôl pran hiôk, na yang kơnê̆ noh lĕch đơ̆ng sư.

II Sam 7:15

Mă-lei tơdrong 'mêm Inh ưh kơ weh đơ̆ng sư thoi Inh weh đơ̆ng Sôl, bơngai mă Inh achăng lê̆ wă pôk hơtŏk ih pơm pơtao.

I Pot 22:19

Mikai tơl: “Thoi noh, mơ̆ng bĕ nơ̆r Kră Yang khan: Inh 'bôh Kră Yang hơ-oei kơpal tang-dŏ pơtao păng đĭ-đăng linh jang 'lơ̆ng dơ̆ng awih awăn gah 'ma gah 'ngiĕo kơ Sư.