I Sam 16:13 - Sơ̆p Hlabơar Nơ̆r 'Bok Kei-Dei

¹³ Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.

I Sam 16:13 Referans Kwoze

I Sam 10:6

Yang bơhngol Kră Yang gô mơ̆t lăm ih gô suang khan lê̆ adrol hăm lu sư, ih gô jing bơngai nai.

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.

Lu 11:29

Kơplah noh Yang bơhngol 'lơ̆ng Kră Yang jur oei hăm Jeptha; sư năm hlôi kơ char Gileat păng char Manase, năm truh hloi tơ pơlei Mispa lăm char Gileat; đơ̆ng noh sư năm blah kon pơlei Ammôn.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

I Sam 16:18

Minh 'nu lăm lu đĭch đam sư khan: Inh 'bôh minh 'nu kon drŏ-nglo Jese, bơngai Betlehem; sư reh brŏ hơgei dêh, sư minh 'nu bơngai tơblah nuih, pơma dơnuh hơgei păng muh măt sư hơbŏ 'lơ̆ng. Kră Yang oei hơdai sư.

II Pot 9:6

Thoi noh, Jêhu gruih iung mơ̆t lăm hnam, na bơngai tơdăm ei tuh đak 'bâu phu kơpal kơ̆l sư păng khan: “Kră Yang 'Bok Kei-Dei Isơrael khan thoi âu: Inh rơih iŏk ih ăn kơ đe tuh đak 'bâu phu ăn kơ ih pơm pơtao đe Isơrael wei-lăng kon pơlei Kră Yang.

I Sam 11:6

Lăp Sôl kơtơ̆ng tơdrong noh, sư đei Yang Bơhngol đơ̆ng Kră Yang 'Bok Kei-Dei pơtrŭt sư păng sư hil blĕk ơh dêh.

Lu 14:6

Yang bơhngol 'lơ̆ng Kră Yang jur oei hơdai sư hăm tơdrong pran. Sư rôp hek hơđah kon dăm-brang nhen thoi hek kon bơbe hăm ti sư; mă-lei sư ưh kơ đei roi kơ mĕ 'bă sư băt ôh tơdrong sư đei pơm.

Lu 13:25

Yang bơhngol 'lơ̆ng Kră Yang pơih ăn kơ jơhngơ̆m sư pran kơplah sư oei tơ lăm tơring Mahaneh Đan sơlam pơlei Sôra păng Êstaôl.

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Hêbrơ 11:32

Na inh wă pơma kiơ dơ̆ng, inh pơma dôm noh iĕm hlôh boih. Inh roi kơ iĕm tôm tơdrong Gêdêôn, Barak, Samsŏng, Jêpti, Đawit, Samuel păng lu 'bok pơtruh nơ̆r 'Bok Kei-Dei sơ̆, mă inh ưh kơ wăn.

I Sam 2:35

Na inh gô rơih chă kơ Inh kơdih minh 'nu 'bok soi tơnăp tơpăt, bơngai noh gô pơm lăp kơ jơhngơ̆m Inh; Inh gô ăn kơ sư đei minh adrĕch 'lơ̆ng tơpăt wă kơ pơm 'bok soi ling-lang hloi hăm bơngai mă Inh đei hling đak pơgang 'bâu phu.

I Sam 18:12

Sôl hli kơ Đawit, yua kơ Kră Yang oei hơdai hăm Đawit, na achăng lê̆ sư.

II Sam 2:4

Lu bơngai Juđa năm truh tơ Hêbrôn tơ noh na lu sư tuh đak rơmă kơ Đawit pôk sư pơm pơtao bơngai Juđa. Đe năm roi ăn kơ Đawit: “Kon pơlei Jabes Gileat 'bŭ hơmet Sôl.”

II Sam 5:3

Đĭ-đăng lu kră bơngai Isơrael năm tơ pơtao Đawit tơ Hêbrôn; pơtao Đawit đei pơm tơdrong pơgơ̆p hăm lu sư tơ Hêbrôn 'bơ̆t anăp Kră Yang, na lu sư tuh đak rơmă pôk Đawit pơm pơtao Isơrael.

II Sam 12:7

Nathan khan kơ Đawit: “Pơtao boih bơngai noh! Kră Yang 'Bok Kei-Dei Isơrael đei khan: ‘Inh boih rơih ăn kơ ih pơm pơtao Isơrael, Inh boih dŏng ih klaih đơ̆ng ti Sôl.

II Sam 23:1

'Nâu boih lu nơ̆r pơtao Đawit pơma tuch-luch: Nơ̆r Đawit kon Jese nơ̆r mă bơngai đe pôk atŏk kơjung, mă Kră Yang 'Bok Kei-Dei Jakôp tuh đak pơgang 'bâu phu pôk ăn tơdrong jang; sư chă nơ̆r lu tơdrong hơri đei kon pơlei Isơrael lăp đon.

Horiso 89:20

Inh chă 'bôh boih Đawit, đĭch đam Inh, Tuh boih kơ sư đak rơmă 'lơ̆ng rơgoh Inh.

I Sam 1:19

Lu sư iung đơ̆ng hrôih drap kơkuh 'bơ̆t anăp Kră Yang; đơ̆ng noh lu sư wih brŏk tơ hnam lu sư tơ pơlei Rama. Êlkana oei hơdai hăm akăn sư Hana, Kră Yang 'blŏk kơ sư.

I Ho 11:3

Kơplah noh đĭ-đăng lu kră bơngai Isơrael năm tơ pơtao Đawit tơ Hêbrôn; na Đawit pơgơ̆p hloi hăm lu sư tơ Hêbrôn 'bơ̆t anăp Kră Yang; klaih kơ noh lu sư tuh đak rơmă 'bâu phu pôk Đawit pơm pơtao bơngai Isơrael thoi nơ̆r Kră Yang pơkă hăm Samuel.

Horiso 89:21

Ti Inh gô dŏng tơiung sư. Kơkŏng ti Inh gô pơm ăn kơ sư pran kơtang.