I Sam 15:35 - Sơ̆p Hlabơar Nơ̆r 'Bok Kei-Dei

³⁵ Samuel ưh pă 'bôh Sôl dơ̆ng truh tơ năr sư lôch; yua kơ sư sơ'ngon dêh gah tơdrong jang Sôl; gah Kră Yang hmach dêh đei pơk Sôl pơm pơtao lu bơngai Isơrael.

I Sam 15:35 Referans Kwoze

I Sam 19:24

Sư kư̆m plôh lê̆ ao sư kơdih, suang pơplŏng pơma khan lê̆ adrol 'bơ̆t anăp Samuel, na pơtao suang pơ̆k 'bĭch hloi tơ teh akâu hoh prăt măng lăm măng noh. Kơlih kơ thoi noh na, đei nơ̆r khan: Sôl kư̆m wang mơ̆t hơdai lu bơngai khan lê̆ adrol mơ̆n hă?

I Sam 15:11

Inh hmach dêh pôk boih Sôl pơm pơtao; yua kơ sư achăng lê̆ Inh, ưh kơ pơm kiơ̆ nơ̆r Inh. Samuel blĕk krao khan kơ Kră Yang prăt măng.

I Sam 16:1

Kră Yang khan kơ Samuel: Ih oei sơ'ngon kơ Sôl dĭng truh dang yơ? Inh achăng lê̆ sư boih, ưh pă ăn sư pơm pơtao bơngai Isơrael dơ̆ng. Tuh bĕ đak rơmă 'bĕnh kơ trôm hơke na ih năm; Inh wơh ih năm tơ'bơ̆p 'bok Jese Betlehem; yua lăm lu kon sư, Inh đei rơih iŏk minh 'nu wă pơm pơtao.

Philip 3:18

Mă-lei iĕm kơchăng hli kơ lu bơngai khan sư lui kơjăp mă ưh kơ 'mêm kơ tơdrong Yêsu lôch tơ 'long pơglang. Đei lơ bơngai thoi noh dang ei, thoi inh roi kơ iĕm boih; mă-lei inh wă roi kơ iĕm dơ̆ng. Tơdrong lu sư pơm, inh sơ'ngon dêh, đon 'brơ̆k đak măt đơng wă hmoi hloi.

Bl 6:6

Na Sư hmach kơdih Sư kơ tơdrong pơjing boih kon bơngai kơpal teh păng Sư sơ'ngon lăm jơhngơ̆m.

Horiso 119:158

Inh 'bôh lu bơngai hơlĕnh pơdăr, lăng krưp areh dêh kơ lu sư; Yua kơ lu sư ưh kơ wei răk nơ̆r Ih.

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

II Sam 6:23

Thoi noh, Mikal; kon adruh Sôl, ưh kơ đei pơjing hơ'lơ̆p ôh truh tơ sư lôch.