I Sam 15:33 - Sơ̆p Hlabơar Nơ̆r 'Bok Kei-Dei

³³ Mă-lei Samuel khan: Dah đao ih pơm boih kơ bơngai drŏ-kăn hiong kon thoi yơ, na mĕ ih kư̆m gô hiong kon thoi noh mơ̆n. Đang kơ pơma, Samuel pơlôch hloi Agak 'bơ̆t anăp Kră Yang tơ Gilgal.

I Sam 15:33 Referans Kwoze

Lu 1:7

Kơplah noh Ađôni Bêsek khan: Sơ̆ đei tơpơh-jĭt 'nu pơtao đe chơ̆ng hơnglâu yŏng ti păng hơnglâu Yŏng jơ̆ng boih, lu sư chă dônh sa tơmam sa huŏng ala kơ 'bang inh. Tơdrong mă đêl inh pơm Kră Yang 'Bok Kei-Dei pơm tơwih kơ inh. Lu sư chông ba sư truh tơ pơlei Jêrusalem păng sư lôch tơ noh.

Bl 9:6

Thoi noh bơngai bu mă pơlôch đe, na kư̆m đei đe nai pơlôch sư, yua kơ Kră Yang 'Bok Kei-Dei pơjing lu iĕm hơbŏ thoi rup sư.

Mathiơ 7:2

Iĕm jô̆ kơ đe thoi yơ, 'Bok Kei-Dei jô̆ kơ iĕm thoi noh mơ̆n.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

Tơdrông Tơ'bôh 16:6

yua kơ lu sư pơlôch tuh pham lu kon Ih, păng lu bơngai pơtruh nơ̆r Ih, na dang ei Ih pơkăl ăn kơ lu sư huch pham 'noh trŏ tơpă.”

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

Je 48:10

Hiap bĕ lu bơngai jang kơ Kră Yang mă hơlĕnh pơdăr. Hiap bĕ lu bơngai ưh kơ yua đao gưm sư pơlôch đe!

Êsai 34:6

Đao gưm Kră Yang 'bĕnh kơ pham păng rơmă, thoi pham triu păng bơbe. Hăm rơmă đơ̆ng boh-lăn triu tơno. Yua kơ Kră Yang đei tơdrong soi sơmah tơ pơlei Bôsra, tơdrong pơlôch tih dêh tơ dêh char Eđôm.

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Jo 14:45

Kon pơlei Amalek păng kon pơlei Kanaan đơ̆ng kông noh jur druh blah prah pơlôch pơrăm lu kon pơlei Isơrael, dĭng truh tơ pơlei Horma.

Le 17:11

Wă Môis yơ̆r ti tơ kơpal, lei jei kon pơlei Isơrael wă tơjruh ti sư jei kon pơlei Amalek.

I Sam 15:32

Samuel khan: Chông ba Agak, pơtao bơngai Amalek năm tơ inh: Agak năm hơdar hơdêh truh tơ sư, tơchĕng lăm to khan: Tơdrong lôch pơmat-tat hlôi boih.

Je 18:21

Mă-lei ăn kơ kon sâu sư pơngot rơwĕt, ăn kơ lu sư lôch kơ đao gưm. Lê̆ lu drŏ-kăn hiong kon, sư păng adro po, Klo lu sư lôch hơbuh, ăn kơ lu kon tơdăm lu sư lôch kơ đao hơlă tơ anih tơblah.

Hôsia 6:5

Yua kơ thoi noh na Inh đei ăn boih lu bơngai khan lê̆ adrol pơbral lu iĕm, Inh pơlôch boih lu iĕm hăm nơ̆r pơma đơ̆ng 'bơ̆r Inh. Tơdrong Inh sek tơlang lĕch thoi hơdah măt 'năr lĕch.

Le 21:24

Răm măt 'mong măt, răm hơnĕnh 'mong hơnĕnh, răm ti 'mong ti, răm jơ̆ng 'mong jơ̆ng.

I Sam 10:8

Đơ̆ng noh, ih athei năm jur adrol kơ Inh tơ Gilgal, inh gô kiơ̆ ih tơ noh wă pơyơ̆r tơmam soi 'buh păng tơmam soi băt bơnê. Ih athei gô Inh truh tơ noh tơpơh năr Inh gô bơtho ih dôm tơdrong ih athei pơm.