I Sam 15:28 - Sơ̆p Hlabơar Nơ̆r 'Bok Kei-Dei

²⁸ Samuel khan kơ sư: Năr 'nâu Kră Yang kư̆m hek teh đak Isơrael đơ̆ng ih kư̆m thoi noh mơ̆n, na pơjao ăn kơ bơngai nai đơ̆ng, trŏ hloh kơ ih.

I Sam 15:28 Referans Kwoze

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Rom 13:1

Đĭ-đăng kơ bơ̆n athei chu yom kơ bơngai mă pơgơ̆r bơ̆n. Tơ̆ng 'Bok Kei-Dei ưh kơ ăn, ưh kơ đei bu gơh pơgơ̆r. Đĭ-đăng lu bơngai pơgơ̆r đơ̆ng 'Bok Kei-Dei ăn ngăl.

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

Da 4:32

Đe gô tơweh lê̆ ih đơ̆ng kon bơngai, ih gô oei hơdai lu sem brem; kư̆m sa 'nhĕt thoi rơmo, dĭng truh tơpơh sơnăm, dĭng mă ih 'blŏk băt thoi âu: Kră Yang 'Bok Kei-Dei Tih hloh pơgơ̆r teh đak kon bơngai păng Sư wă ăn kơ bu mơ̆ng kơ Sư wă.

Da 4:17

Tơdrong hơgăt noh đơ̆ng lu yŏng mă wei-lăng pơkă păng nơ̆r lu bơngai 'lơ̆ng rơgoh đei roi tơbăt, wă kơ lu bơngai oei arih băt kơ Kră Yang 'Bok Kei-Dei Tih hloh pơgơ̆r lăm teh đak kon bơngai; Sư wă ăn kơ bu mơ̆ng kơ Sư wă păng gô tơiung lu bơngai răm-'băm tơ anih pơgơ̆r noh.

I Sam 16:12

Na, Jese năm wơh bơngai năm krao iŏk sư. Muh măt akâu jăn sư hơbŏ 'lơ̆ng. Kră Yang khan kơ Samuel: 'Nâu boih; iung bĕ tuh đak rơmă kơ sư.

I Sam 13:14

Mă-lei dang ei, dêh char ih ưh kơ kơjăp ôh. Kră Yang đei rơih iŏk ăn kơ Sư kơdih minh 'nu bơngai kiơ̆ kơ jơhngơ̆m Sư, ăn bơngai noh pơgơ̆r kon pơlei Sư, yua kơ ih ưh kơ wei nơ̆r Kră Yang tơtă.

I Sam 18:8

Sôl blĕk dêh kơ dôm lu nơ̆r hơri 'nâu ưh kơ lăp jơhngơ̆m sư, sư khan: Đe khan Đawit pơlôch mơjĭt-rơbâu rơbâu 'nu, mă-lei gah inh khan rơbâu rơbâu 'nu đĕch; oei pă minh tam mă gơh pơm pơtao đĕch!

II Sam 3:9

Apinh Kră Yang phak Apner mă trăp, tơdah inh ưh kơ kiơ̆ Đawit pơkeh dôm tơdrong Kră Yang đei pơkă hăm sư.

II Sam 3:10

Kră Yang đei pơkă khan wă iŏk lê̆ tơdrong pơgơ̆r teh đak đơ̆ng pơtao Sôl, ăn kơ Đawit pơm pơtao pơgơ̆r Isơrael păng Juđa, iŏk đơ̆ng pơlei Đan truh tơ Bêrsêba.

II Sam 3:18

Na dang ei iĕm athei pơm bĕ; yua kơ Kră Yang đei pơkă hăm Đawit: ‘Inh gô yua Đawit đĭch đam Inh gô dŏng pơklaih adrĕch Isơrael Inh đơ̆ng tơpang ti bơngai Philistin păng đơ̆ng dôm lu bơngai ayăt nai.’ ”

II Sam 6:21

Đawit tơl khan: “Inh suang wă ư-ang kơ Kră Yang Tơ'ngla mă rơih iŏk inh ưh kơ rơih 'bă ih păng đĭ kơ adrĕch sư, Sư pôk inh pơm pơtao kon pơlei Isơrael, jing kon pơlei Kră Yang, lei na inh suang chơt hiôk wă ư-ang kơ Kră Yang.”

I Ho 10:14

Sôl ưh kơ krao apinh Kră Yang; na Kră Yang pơlôch sư, teh đak sư ăn kơ Đawit, kon drŏ-nglo Jese.

I Sam 25:30

Layơ mă Kră Yang pơm 'lơ̆ng mă sư hlôi pơkă wă ăn kơ ih, păng kư̆m pơk ih pơm yŏng pơgơ̆r lu bơngai Isơrael,

I Pot 11:11

Na Kră Yang khan kơ Sôlômôn: “Yua kơ ih pơm tơdrong 'nâu, ih ưh kơ wei răk tơdrong Inh pơgơ̆p păng tơdrong juăt Inh tơtă kơ ih, na Inh gô hek lê̆ teh đak mă ih pơgơ̆r 'nâu, asong ăn kơ đĭch đam ih.

Jop 34:24

Kră Yang pơrăm đĭ lu bơngai pran kơtang ưh kơ kăl kơ jet pơnhen, Na tơplih tơmơ̆t bơngai nai 'bơ̆t anih noh.