I Sam 15:17 - Sơ̆p Hlabơar Nơ̆r 'Bok Kei-Dei

¹⁷ Samuel roi khan: Ih adrĕch iĕ ưh kơ hơnhŏ pơm kơ̆l kơ adrĕch adrung bơngai Isơrael dah kiơ? Kră Yang tuh đak rơmă ăn kơ ih pơm pơtao lu bơngai Isơrael.

I Sam 15:17 Referans Kwoze

I Sam 9:21

Sôl drơ̆ng: Inh jĭ minh 'nu adrĕch bơngai Bênjamin minh adrĕch iĕ hloh kơ đĭ-đăng lăm Isơrael; hnam dơnŏ inh jĭ hnam dơnŏ iĕ hloh lăm hnam dơnŏ adrĕch Bênjamin. Liơ ih pơma hăm inh khan thoi ei lĕ?

I Sam 10:22

Na lu sư jet Kră Yang dơ̆ng: Hăm pă đei bu nai năm tơ âu dơ̆ng? Kră Yang tơl: To, sư ôn lăm anih lê̆ tơmam noh.

I Sam 10:1

Samuel iŏk minh gĕl getchai iĕ mong đak rơmă 'bâu phu, na tuh tơ kơ̆l Sôl, đơ̆ng noh chŭm sư păng khan: 'Nâu Kră Yang tuh đak rơmă 'bâu phu kơ ih wă kơ ih pơgơ̆r kon pơlei Sư.

Mathiơ 18:4

Dah iĕm pơm kiơ̆ bơngai 'lơ̆p âu ưh kơ pơang akâu, lei bơngai noh boih pơm tih lu bơngai mă 'Bok Kei-Dei pơgơ̆r.

Hôsia 13:1

Rim wơ̆t bơngai Êphraim pơma, lu đe hli tơtơ̆; đe pôk hơtŏk lu sư lăm char Isơrael. Mă-lei lu sư yoch boih yua kơ đơ̆ng kơkuh kơ yang Baal na pơm kơ lu sư lôch.

Lu 6:15

Giđêôn tơl: Mă-lei Ơ Kră Yang, liơ inh gơh dong pơklaih bơngai Isơrael? Adrĕch adrung nhôn iĕ đĕch lăm adrĕch Manase; na lăm adrĕch Inh âu boih bơngai iĕ hloh.

I Sam 15:16

Samuel khan kơ Sôl: Thôi! Gô Inh roi ăn kơ ih dôm tơdrong Kră Yang khan boih kơ inh măng âu Sôl tơl: Roi bĕ.