I Sam 14:50 - Sơ̆p Hlabơar Nơ̆r 'Bok Kei-Dei

⁵⁰ Akăn Sôl anăn Ahinôam, kon drŏ-kăn Ahimaas. Yŏng lu linh anăn Apner, kon drŏ-nglo Nêr, sư 'noh ma 'bok Sôl.

I Sam 14:50 Referans Kwoze

II Sam 2:8

Kơplah noh Apner, kon drŏ-nglo Nêr yŏng linh Sôl ba Isbôset,a kon tơdăm Sôl, ôn tơ pơlei Mahanaim;

II Sam 3:27

Lăp Apner brŏk hơlơ̆k truh tơ Hêbrôn, Jôap chông hơdrô̆ Apner weh tơ cheng kơ 'măng dur pơlei, nhen thoi wă pơma dơnuh tơdrong tơduă măr sư, wă 'mong pham đêl Apner pơlôch oh sư Asahel, na 'bet hloi klak, na Apner lôch hloi.

I Sam 17:55

Sôl 'bôh Đawit năm blah bơngai Philistin, na jet Apne yŏng pơgơ̆r linh: Ơ Apner, bơngai tơdăm mơlôh noh kon drŏ-nglo bu? Apner tơl khan: Ơ pơtao inh arih sot! Inh ưh kơ băt.

I Sam 10:14

Ma Sôl jet sư păng đam sư: Măr iĕm năm tơ yơ? Sôl drơ̆ng sư: Nhi chă lu aseh iĕ akăn Jrok; ưh kơ 'bôh; na nhi năm apinh Samuel.

I Sam 26:5

Đawit iung, năm truh 'bơ̆t anih Sôl pơm kơđông; sư 'bôh anih tep Sôl păng Apner kon drŏ-nglo Nêr, bơngai mă pơgơ̆r linh; Sôl tep lăm kơđông đei lu linh tep tăp dăr kơ sư.

I Ho 26:28

Đĭ-đăng lu tơmam mă Samuel, bơngai khan lê̆ adrol đơ̆ng Sôl, kon drŏ-nglo Kis, Apner, kon drŏ-nglo Nêr păng Jôap, kon drŏ-nglo Sêruia, păng lu bơngai nai đei pơyơ̆r Sêlômit păng lu 'nhŏng oh sư wei-lăng ngăl.

II Sam 3:6

Lăm kơplah khŭl Sôl hăm khŭl Đawit oei tơblah băl, na Apner dŏng gah Sôl.

II Sam 3:38

Pơtao khan kơ lu đĭch đam sư: “Lu iĕm ưh kơ băt ôh hă 'năr 'nâu, minh 'nu bơngai pơm tih minh 'nu bơngai yŏng mơng lăm lu bơngai Isơrael lôch boih.

I Ho 27:21

Iđô, kon drŏ-nglo Sachari bơngai wei-lăng minh puăt adrĕch adrung Manase tơ dêh Gileat. Jaasiel kon drŏ-nglo Apner bơngai wei-lăng adrĕch Bênjamin.