I Sam 14:45 - Sơ̆p Hlabơar Nơ̆r 'Bok Kei-Dei

⁴⁵ Mă-lei kon pơlei tơl Sôl khan: Ưh ôh! Jônathan jơ̆ bơngai pơm ăn boih kơ bơngai Isơrael kĕ jei dang 'noh, liơ mă gơh trŏ kơ lôch? Tơdrong 'noh ưh kơ gơh! Nhôn apinh Kră Yang arih na pơm kơdranh kơ bơ̆n pơkă khan mă minh ioi sŏk kơpal kơ̆l sư kư̆m ưh kơ đei hơlŭng tơ teh; sư mă gơh kĕ jei năr âu noh đơ̆ng Kră Yang 'Bok Kei-Dei tơgŭm sư. Thoi noh kon pơlei dŏng Jônathan klaih đơ̆ng tơdrong wă pơlôch.

I Sam 14:45 Referans Kwoze

Jang 27:34

Na dang ei inh wă kơ bơ̆n sŏng sa wă kơ bơ̆n pran huay kơ rơmơ̆n. Iĕm 'nĕ pă mah hli dêh hŏ, inh băt ưh kơ đei bu jĭ kiơ ôh.”

Luka 21:18

Mă-lei gah tơdrong arih ling-lang, iĕm ưh kơ hiong kiơ ôh, mă khan minh dăng sŏk kư̆m ưh kơ hiong mơ̆n.

II Sam 14:11

Drŏ-kăn ei khan dơ̆ng: “Apinh pơtao krao apinh Kră Yang 'Bok Kei-Dei ih găn wă kơ lu bơngai pơm 'mong huay kơ iung kơting ưh pă pơrăm păng pơlôch kon drŏ-nglo inh.” Pơtao tơl: “Inh pao anăn Kră Yang arih ling-lang na pơkă khan, minh ioi sŏk đơ̆ng kơ̆l kon drŏ-nglo ih gô ưh kơ đei hơlŭng tơ teh!”

I Pot 1:52

Sôlômôn tơl: “Tơdah sư arih sa pơm 'lơ̆ng tơpăt lei mă minh dăng sŏk đơ̆ng kơ̆l sư ưh kơ đei huŏng ôh tơ teh, mă-lei tơdah đe 'bôh sư pơm yoch sư gô lôch.”

II Kor 6:1

Kơlih kơ thoi noh na nhôn bơngai jang tơgŭm tơdrong 'Bok Kei-Dei, nhôn wă khan kơ iĕm thoi âu: Iĕm sơng iŏk Yêsu Krist boih, iĕm 'nĕ kơ pơ'mêm tŭk Sư kư̆ kă;

Mathiơ 10:30

Sŏk bơ̆n Sư jô̆ băt tôm.

Tơdrông Tơ'bôh 19:14

Đĭ-đăng kơ linh kơpal plĕnh ti hrŭk ao kok rơgoh, tă kơ hao aseh kok kiơ̆ Sư ngăl.

Tơdrông Tơ'bôh 17:14

Đĭ lu sư iung blah Kon Triu, Kon Triu iung blah lu sư jei hloi Kon Triu, yua kơ Kon Triu Sư pơm Yŏng, Sư Yŏng kơ đĭ-đăng lu bơngai pơm yŏng; Sư pơm 'Bok Pơtao, Sư tih hloh kơ đĭ-đăng lu pơtao nai. Na dôm lu bơngai mă kiơ̆ Kon Triu, lu bơngai noh đơ̆ng 'Bok Kei-Dei rơih iŏk ngăl boih. Lu bơngai noh kiơ̆ tơpă ưh kơ wă achăng lê̆ Sư ôh.”

Jang 21:19

Pôl kơkuh kơ lu sư păng ră roi kơ lu sư dôm tơdrong 'Bok Kei-Dei tơgŭm lu bơngai tơmoi mă ưh kơ khŭl Juđê kơlih kơ tơdrong jang Pôl.

Jang 15:12

Lăp lu sư kơtơ̆ng Pêtrôs pơma thoi noh, lu sư pă đei drơ̆ng tơwih dơ̆ng. Pôm bre Pôl păng 'Barna'ba đĕch roi gah tơdrong Kră Yang 'Bok Kei-Dei tơgŭm bre sư pơm lơ tơdrong mơsêh mơyang 'bơ̆t anăp lu bơngai tơmoi mă ưh kơ khŭl Juđê.

I Kor 3:9

Nhôn jang tơdrong 'Bok Kei-Dei hơdai. Na iĕm dang mir 'Bok Kei-Dei, dang hnam 'Bok Kei-Dei mơ̆n.

Rom 15:18

Ưh kơ sĭ inh pơma gah tơdrong đe nai ôh. Inh pơma gah tơdrong jang inh mă đơ̆ng Yêsu Krist tơgŭm. Sư tơgŭm inh jang wă anhăk lơ bơngai tơmoi mă ưh kơ khŭl Juđê lui kơ Sư. Sư tơgŭm inh lăm tơdrong bơtho păng lơ tơdrong nai dơ̆ng wă kơ lu bơngai noh lui kơ Sư.

Jang 14:27

Lăp truh tơ pơlei ei boih, bre sư krao akŭm bơngai lui. Bre sư roi đĭ tơdrong 'Bok Kei-Dei tơgŭm bre sư păng tơdrong 'Bok Kei-Dei ăn kơ lu bơngai tơmoi mă ưh kơ khŭl Juđê lui kiơ̆ kơ 'Bok Kei-Dei.

Êsai 13:3

Inh tơtă ăn bơih kơ lu bơngai mă 'lơ̆ng rơgoh Inh; Inh krao bơih lu bơngai nuih kơtang Inh wă pơm pơtruh tơdrong Inh hil mĭl, lu Sư chhôk hal pơm tơdrong Inh wă.

Ne 9:27

Yua kơ thoi noh Ih jao boih lu sư lăm tơpang ti đe ayăt kơ lu sư; lu đe pơmat pơm kơnê̆ kơ lu sư, lăm lu sư đei tơdrong pơmat-tat lu sư ôr krao chă Ih păng Ih đơ̆ng kơpal plĕnh mơ̆ng lu sư; jơhngơ̆m 'mêm Ih tih dêh, Ih yua lu bơngai nuih pran kơtang dŏng pơklaih đơ̆ng lu bơngai ayăt kơ lu sư.

II Ho 19:11

Pơtao pôk ăn Amaria 'bok soi tơm pơm yŏng sek tơlang kơ tơdrong pơm glăi hăm khôi juăt Kră Yang păng Sêbadia kon drŏ-nglo Ismael, pơm yŏng kơdră bơngai Juđa, Sư pơm yŏng sek tơlang tơdrong glăi hăm teh đak pơtao păng kư̆m iŏk lu bơngai Lêwi pơm 'bok sek tơlang tơgŭm.” Pơtao kư̆m đei pơkă dơ̆ng: “Lu iĕm athei mă nuih na bơ̆jang! Kră Yang oei hơdai hăm lu bơngai pơm 'lơ̆ng tơpăt.”

I Sam 19:5

Sư hŭt akâu kơdih na mă pơlôch bơngai Philistin, yua kơ sư na Kră Yang đei ăn kơ bơngai Isơrael tơblah jei ngăl. Ih 'bôh boih păng chơt hiôk; lei na khan wă pơlôch pơrăm bơngai ưh kơ pơm yoch wă pơlôch Đawit tơdrong ưh kơđei?

I Sam 14:23

Kră Yang dŏng pơklaih bơngai Isơrael lăm năr 'noh; tơdrong tơblah lanh truh tơ Bêt Awen.

I Sam 14:46

Sôl wih brŏk, ưh kơ đei druh bơngai lu Philistin dơ̆ng; păng bơngai Philistin wơ̆t brŏk tơ dêh sư kơdih.

I Sam 11:13

Mă-lei Sôl tơl lu sư: Năr âu lu bơ̆n ưh kơ gơh pơlôch bu; yua kơ năr âu Kră Yang đĕch ăn kơ bơngai Isơrael đei jơnei tih.