I Sam 14:39 - Sơ̆p Hlabơar Nơ̆r 'Bok Kei-Dei

³⁹ Inh yua anăn Kră Yang arih ling-lang, dŏng pơklaih Isơrael, inh pơkă khan bơngai bu đei pơm yoch, mă Jônathan, kon drŏ-nglo inh kơdih, kư̆m trŏ kơ lôch! Lăm đĭ-đăng kon pơlei ưh kơ đei bu tơl nơ̆r sư.

I Sam 14:39 Referans Kwoze

II Sam 12:5

Đawit blĕk dêh kơ bơngai mơdrŏng noh, păng khan kơ Nathan: “Inh pơkă 'bơ̆t anăp Kră Yang arih ling-lang, bơngai pơm kơnê̆ dêh thoi noh trŏ kơ lôch!

I Sam 14:44

Sôl pơkă: Ơ Jônathan, dah ih ưh kơ lôch, apinh Kră Yang tơjur tơdrong truh trăp dêh kơpal inh!

I Sam 14:24

Kŭm lăm năr 'noh, bơngai Isơrael lap pă kĕ boih yua kơ Sôl athei 'blŏk nơ̆r đei pơkă pơkăm: Trŏ kơ hiap pơtê̆ bơngai ayơ mă sa tơmam kiơ adrol kơ 'năr kơsơ̆ huơ huĭnh wă măng, đang adrol kơ inh blah lu bơngai ayăt kơ inh! Yua kơ noh, na đĭ-đăng kon pơlei kơ̆m kơ pơ̆n sa tơmam kiơ hloi.

Bôk Bơthô 9:2

Tôm tơdrong đei hơgăt kơ kon bơngai lei-lăi băl ngăl: Bơngai pơm 'lơ̆ng dah bơngai pơm kơnê̆, bơngai 'lơ̆ng rơgoh dah bơngai 'mê̆-'mach, bơngai pơyơ̆r tơmam soi dah bơngai ưh kơ pơyơ̆r, bơngai 'lơ̆ng dah bơngai pơm yoch, bơngai đei nơ̆r pơkăm pơkă dah bơngai hli kơ nơ̆r pơkă, đĭ-đăng đei iŏk hơdai minh tơdrong đơ̆ng 'Bok Kei-Dei 'măn lê̆ boih.

I Sam 28:10

Sôl pao anăn Kră Yang pơkă hăm bơngai drŏ-kăn: Inh pao anăn Kră Yang mă arih ling-lang pơkă, ih ưh kơ đei yoch kiơ lăm tơdrong jang 'nâu.

I Sam 22:16

Pơtao tơl: Ahimelek, tơpă ih păng lu hnam dơnŏ ih gô lôch!

I Sam 20:31

Dah kon drŏ-nglo Jese arih sot lăm kơpal teh âu dĭng truh dang yơ, na e păng teh đak e kư̆m ưh kơ đei dang noh mơ̆n; dang ei hloi, chông ba sư tơ inh âu; sư trŏ kơ lôch.

I Sam 19:6

Sôl mơ̆ng nơ̆r Jônathan roi na sư pơkă khan: Inh pao anăn Kră Yang mă arih ling-lang, Đawit gô ưh kơ lôch ôh!

I Sam 14:40

Sư khan hloi kơ đĭ-đăng bơngai Isơrael: Iĕm athei dơ̆ng gah âu; inh păng Jônathan, kon drŏ-nglo inh, gô dơ̆ng gah to. Kon pơlei tơl. Pơm bĕ tơdrong ih khan 'lơ̆ng trŏ kơ pơm.

II Sam 14:21

Pơtao khan, kơ Jôap: “Inh ăn boih tơdrong ih apinh 'nâu, năm iŏk Apsalôm brŏk tơ âu bĕ.”