I Sam 14:27 - Sơ̆p Hlabơar Nơ̆r 'Bok Kei-Dei

²⁷ Mă-lei Jônathan ưh kơ băt kơ nơ̆r 'bă sư đei pơkă boih hăm kon pơlei, na sư tôt hăm 'long jra sư tơ sal sut đơ̆ng noh iŏk hăm ti sư liah tơ 'bơ̆r, na măt sư 'blêr rai hơdah.

I Sam 14:27 Referans Kwoze

I Sam 30:12

kư̆m ăn kơ sư minh tơpei 'bĕng plei hơra kro, păng 'bar hơie plei hơmu kro. Sư sa, na đei jơhngơ̆m pran dơ̆ng; yua kơlăm pêng năr pêng măng sư ưh kơ đei sa kiơ, kư̆m ưh kơ đei nhă kiơ.

I Sam 14:43

Sôl jet Jônathan: Roi bĕ kơ inh băt ih đei pơm kiơ. Jônathan roi tơpăt: Inh đei tôt tơ sal sut hăm 'long jra inh na liah tŏ sĕt; na inh âu trŏ kơ lôch.

I Sam 14:29

Jônathan tơl khan: 'Bă inh pơm ăn kơ kon pơlei hơ'ngon; athei lăng măt inh hơdah hơdong dang yơ, yua kơ đơ̆ng inh liah tŏ sĕt đak sut âu.

Tơdrông Pơđơk 25:26

Bơngai tơpăt huŏng lăm bơngai pơm kơnê̆ pơhlŭ. Thoi đak sơlŭng gơsŏk đĭ, thoi đak mơlĕch mơgrĭ boih.

I Sam 14:28

Đei bơngai lăm kon pơlei khan: 'Bă ih đei pơkă hăm kon pơlei: Trŏ kơ hiap pơtê̆ bơngai bu mă sa tơmam kiơ lăm năr âu. Na kon pơlei rơmơ̆n pă kĕ kơ pơngot.

Tơdrông Pơđơk 24:13

Ơ dăm, sa bĕ đak sut, yua kơ sư 'ngam 'lơ̆ng. Kơ̆l sal sut jing 'ngam kơ hơlŏng ih.