I Sam 12:23 - Sơ̆p Hlabơar Nơ̆r 'Bok Kei-Dei

²³ Gah inh, inh ưh kơ pơdơh kơ krao khan kơ iĕm. Wă kơ inh huay kơ pơm yoch hăm Kră Yang. Inh gô bơtho tơ'bôh lu iĕm băt kơ trong 'lơ̆ng păng tơpăt.

I Sam 12:23 Referans Kwoze

Kôlôsê 1:9

Thoi noh boih na đơ̆ng năr nhôn kơtơ̆ng tơdrong iĕm lui kơjăp, na nhôn krao khan kơ 'Bok Kei-Dei ăn kơ iĕm gơnang kơ Yang Bơhngol 'Lơ̆ng wă kơ iĕm hlôh băt tôm tơdrong 'Bok Kei-Dei, kiơ̆ thoi Sư lăp đon.

Rom 1:9

Inh adrin jang tơdrong 'Bok Kei-Dei, bơtho tơdrong 'nao 'lơ̆ng Kon Sư Yêsu Krist, na 'Bok Kei-Dei Sư 'bôh inh krao khan kơ Sư, Sư băt kơ inh krao khan tơgŭm iĕm ling-lang tơpă.

II Tim 1:3

Inh lui kơ 'Bok Kei-Dei trŏ thoi Sư wă, na inh ưh kơ hli. Lu 'bok kơdră inh lui sơ̆ thoi noh mơ̆n. Na inh krao khan kơ 'Bok Kei-Dei ling-lang wă kơ Sư tơgŭm ih păng inh kư̆m bơnê kơ Sư yua kơ ih lui kơjăp.

I Tes 3:10

Nhôn krao khan kơ 'Bok Kei-Dei ling-lang hăm đĭ jơhngơ̆m nhôn wă apinh Sư ăn kơ nhôn năm tơ iĕm dơ̆ng, wă bơtho iĕm wă kơ iĕm lui rai pran rai kơjăp.

I Pot 8:36

Apinh ih đơ̆ng kơpal plĕnh mơ̆ng nơ̆r lu sư, apinh ih mơnat ăn kơ tơdrong yoch lu sư, đĭch đam Ih lu kon pơlei Isơrael, apinh Ih bơtho pơhrăm lu sư trong 'lơ̆ng wă kơ lu sư rok kiơ̆, ăn kơ lu sư đak 'mi tơ ala teh âu, wă kơ lu sư jang sa đei tôm tơmam.

Jang 12:5

Hơtai Pêtrôs oei lăm hnam phak, na lu bơngai lui kơ Yêsu krao khan ling-lang kơ 'Bok Kei-Dei hăm đĭ jơhngơ̆m apinh Sư tơgŭm Pêtrôs wă kơ gơh lĕch.

Horiso 34:11

Ơ lu kon năm mơ̆ng Inh bĕ, Inh gô bơtho kơ lu iĕm băt hli yom kơ Kră Yang.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

II Ho 6:27

Lei apinh Ih Kră Yang oei kơpal plĕnh mơ̆ng bĕ păng mơnat ăn kơ tơdrong yoch lu đĭch đam Ih bơngai Isơrael Ih. Tơpă Ih đei bơtho tơ'bôh ăn boih trong 'lơ̆ng wă kơ lu sư yak kiơ̆, ăn 'mi jur tơ teh mă Ih đei ăn kơ kon pơlei Ih jang sa.

Kôlôsê 1:28

Tơdrong 'Bok noh boih nhôn bơtho dang ei, 'Bok noh boih mă nhôn gơnang kơ 'Bok Kei-Dei, wă kơ 'Bok Kei-Dei ăn kơ nhôn hơgei tôm tơdrong Sư na gơh năm bơtho khan kơ jơ̆p-jang bơngai. Yua kơ tơdrong 'Bok noh boih na nhôn pơjao kon bơngai kơ 'Bok Kei-Dei wă kơ kon bơngai wih đĭ tơ 'Bok Kei-Dei jing bơngai 'lơ̆ng tơpăt hăm Sư boih, pôm đon hăm Yêsu Krist.

Jang 20:20

Iĕm kư̆m băt mơ̆n inh bơtho ăn kơ iĕm tôm tơdrong wă tơgŭm iĕm. Inh ưh kơ hli bơtho dôm tơdrong 'Bok Kei-Dei 'bơ̆t anăp đe akŭm lơ, dah inh bơtho tơ rim hnam dơnŏ lu iĕm.

Bôk Bơthô 12:10

'Bok bơtho adrin nŏng kơ chơchă dôm lu nơ̆r 'lơ̆ng păng dôm lu nơ̆r mă trŏ ling-lang chih tơlĕch tơpăt păng sĭt tơpă.

Tơdrông Pơđơk 4:11

Inh ba ih rok trong gơh hơgei dui ih lăm trong tơpăt.

I Kor 9:16

Ưh kơ sĭ inh wă kơ đe ư-ang kơ inh chă bơtho tơdrong 'nao 'lơ̆ng Sư ôh. Inh bơtho tơdrong 'nao 'lơ̆ng Sư yua kơ đơ̆ng Sư wơh inh. Dah inh ưh kơ chu chă bơtho tơdrong 'nao 'lơ̆ng Sư, inh đei tơdrong pơmat-tat dêh.

Le 32:30

Năr dơning Môis khan kơ lu kon pơlei pơla lu iĕm pơm bơih minh tơdrong glăi tih. Mă-lei dang ei inh wă tŏk tơ kông năm tơ Kră Yang. Rŏ lăng inh kư̆m gơh apinh huai iŏk tơdrong yoch lu iĕm.

I Sam 12:19

Đĭ-đăng lu sư khan kơ Samuel: Apinh ih krao khan apinh Kră Yang 'Bok Kei-Dei ih ăn kơ lu nhôn, wă kơ lu nhôn huay kơ lôch; lu nhôn đei apinh wă kơ đei pơtao noh nhôn pơthim ăn tơdrong yoch kơ lu nhôn.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 27:18

Dah lu sư bơngai khan lê̆ adrol tơpă păng đei nơ̆r Kră Yang, lei lê̆ lu sư krao khan apinh Kră Yang Tih Hloh, wă kơ tơmam gĭt oei oei lăm hnam Kră Yang, lăm hnam pơtao Juđa păng pơlei tih Jêrusalem, đe huay kơ iŏk ba tơ char Babilôn.

Je 42:4

Jêrêmi bơngai khan lê̆ adrol tơl: “Inh kơtơ̆ng boih, 'nâu, inh gô krao apinh Kră Yang 'Bok Kei-Dei lu iĕm, wă kơ băt tơdrong kiơ Kră Yang bơtho khan, inh gô roi ăn kơ lu iĕm băt, ưh kơ đei ôn ôh.”

I Sam 8:6

Kơtơ̆ng nơ̆r lu sư apinh: Ăn bĕ kơ lu nhôn minh 'nu pơtao wă pơgơ̆r lu nhôn, nơ̆r noh Samuel ưh kơ lap đon ôh; na Samuel krao khan apinh Kră Yang.

Horiso 34:12

Bu 'maih wă đei tơdrong arih, Păng wă arih sota gô 'bôh tơdrong pŭn hiôk?

Horiso 122:6

Krao khan bĕ kơ Jêrusalem đei rơnŭk rơnua. Wă kơ bơngai bu 'mêm kơ ih gô đei tơdrong hiôk jơnap.

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”