I Sam 11:15 - Sơ̆p Hlabơar Nơ̆r 'Bok Kei-Dei

¹⁵ Đĭ-đăng kon pơlei wang năm tơ Gilgal; tơ ei, 'bơ̆t anăp Kră Yang lu sư pơk Sôl pơm pơtao. Tơ ei lu sư pơyơ̆r tơmam soi bơnê kơ Kră Yang. Đơ̆ng noh, Sôl păng đĭ-đăng kon pơlei Isơrael et sa chơt hiôk pă băt dang yơ.

I Sam 11:15 Referans Kwoze

I Sam 10:8

Đơ̆ng noh, ih athei năm jur adrol kơ Inh tơ Gilgal, inh gô kiơ̆ ih tơ noh wă pơyơ̆r tơmam soi 'buh păng tơmam soi băt bơnê. Ih athei gô Inh truh tơ noh tơpơh năr Inh gô bơtho ih dôm tơdrong ih athei pơm.

I Sam 10:17

Samuel krao akŭm đĭ kon pơlei Isơrael năm tơ Kră Yang tơ Mispa,

Ya 4:16

Mă-lei iĕm pơma thoi noh hei ưh kơ trŏ boih, noh dang iĕm wă pơang akâu iĕm kơdih đĕch, iĕm ưh kơ tơchĕng ôh kơ tơdrong 'Bok Kei-Dei ăn kơ iĕm arih. Tôm tơdrong kiơ iĕm kư̆ kơ pơma lê̆ hơdrol, noh iĕm yoch boih.

I Sam 12:17

Năr âu, hăm trŏ kơ bơyan kĕch 'ba mi dah kiơ? Inh gô krao khan kơ Kră Yang tơpă đơ̆ng lăm jơhngơ̆m; Sư gô ăn 'mi grơ̆m glaih, wă kơ lu iĕm băt păng 'bôh kơdih iĕm đei pơm yoch tih 'bơ̆t anăp Kră Yang, yua kơ iĕm apinh bơih minh 'nu pơtao.

I Sam 8:19

Kon pơlei sơngah ưh kơ wă mơ̆ng nơ̆r Samuel, na khan: Ưh ôh, wă kơ đei minh 'nu pơtao pơgơ̆r lu nhôn.

Le 24:5

Sư wơh lu tơdăm Isơrael năm pơyơ̆r tơmam soi 'buh păng tơmam soi 'blŏk bơnê kơ Kră Yang hăm rơmo dăm.

I Sam 12:1

Samuel khan kơ đĭ-đăng bơngai Isơrael: Inh chu kiơ̆ dôm nơ̆r lu iĕm apinh inh; inh đei pơk minh 'nu pơtao wă pơgơ̆r lu iĕm.

II Sam 19:15

Na pơtao iung brŏk truh 'bơ̆t đak Krong Jôrđăn. Lu bơngai Juđa kư̆m năm truh sơng iŏk pơtao 'bơ̆t Gilgal wă ba pơtao năm tŏk hlôi kơ đak Krong Jôrđăn.

I Sam 10:24

Samuel khan kơ kon pơlei: Lu iĕm lăng 'nâu bơngai mă Kră Yang rơih iŏk? Lăm đĭ-đăng kon pơlei hoh-hoy ưh kơ đei bu dang sư ôh. Đĭ-đăng kon pơlei jreo păng ôr khan: Ăn kơ pơtao arih ling-lang!