I Sam 10:26 - Sơ̆p Hlabơar Nơ̆r 'Bok Kei-Dei

²⁶ Sôl kư̆m brŏk tơ hnam sư kơdih tơ Gibêah, đei lu linh pran kơtang mă Kră Yang 'Bok Kei-Dei ăn lu sư kư̆m brŏk kiơ̆ Sôl.

I Sam 10:26 Referans Kwoze

I Sam 11:4

Thoi noh lu bơngai đei wơh ei năm tơ Gibêah, pơlei đe Sôl, roi dôm nơ̆r ei ăn kơ kon pơlei pơla kơtơ̆ng. Đĭ-đăng kon pơlei nhơ̆m ôr.

I Sam 15:34

Na, Samuel wih brŏk tơ Rama; gah Sôl brŏk tơ hnam sư kơdih tơ Gibêah.

Jôsuê 18:28

Sêla, Halep, pơlei tih bơngai Jêbus, noh krao pơlei Jêrusalem, Gibêah, Kiriat, đĭ-đăng noh mơjĭt-puăn tŏ pơlei tih păng pơlei iĕ lu sư. Noh boih anih jang sa kơ lu kon sâu Bênjamin, kiơ̆ kơ adrĕch adrung lu sư.

Jang 13:48

Pôl pơma thoi noh boih, na lu bơngai lăm noh mơ̆n mă ưh kơ bơngai Juđê, lu sư kơtơ̆ng thoi noh jơhngơ̆m lu sư chơt hiôk tơpă. Lu sư khan: “Nơ̆r 'Bok Kei-Dei hiôk 'lơ̆ng tơpă iih?” Na lu bơngai 'Bok Kei-Dei rơih wă kơ sư arih ling-lang, lu sư lui kơ Kră Yang Yêsu.

Jang 7:10

Păng tơdrong anat anot sư 'Bok Kei-Dei kư̆m dŏng mơnat kơ sư mơ̆n. 'Bok Kei-Dei ăn kơ sư đei 'bơ̆r đon hơgei na 'bok pơtao Pharôn đe Êyiptơ lăp đon kơ Yôsep, na 'bok pơtao ăn kơ sư pơm kră pơgơ̆r dêh đe Êyiptơ păng pơgơ̆r hnam pơtao mơ̆n.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

II Sam 21:6

Apinh pơtao pơjao ăn kơ lu nhôn tơpơh 'nu kon sâu bơngai noh, wă kơ lu nhôn hrek hơtol lu sư 'bơ̆t anăp Kră Yang, tơ Gibêah, pơlei pơtao Sôl, pơtao mă Kră Yang rơih?” Pơtao tơl: “Inh gô jao lu sư ăn kơ lu iĕm”

Lu 20:14

Lu bơngai Bênjamin lĕch đơ̆ng pơlei lu sư păng năm akŭm băl tơ pơlei Gibêah wă tơblah bơngai Isơrael.

Esơra 1:5

Kơplah noh, lu kơdră adrĕch Juđa păng Bênjamin, lu 'bok soi păng bơngai Lêwi, đĭ-đăng dôm lu đe bu mă Kră Yang 'Bok Kei-Dei đei pơtrŭt lăm jơhngơ̆m lu sư wă, năm pơjing hnam akŭm Kră Yang tơ pơlei Jêrusalem.

I Sam 13:2

Na sư rơih iŏk pêng-rơbâu 'nu, đơ̆ng lăm bơngai Isơrael 'bar-rơbâu 'nu wă kơ oei hơdai sư tơ Mikmas păng tơ groi kông Bethel, oei pă minh-rơbâu 'nu noh oei hăm Jônathan tơ Gibêah lăm dêh Bênjamin. Kon pơlei mă oei oei dôm yơ noh, sư ăn brŏk, rim 'nu brŏk tơ bơsŭn lu sư kơdih.

Êsai 10:29

Lu sư rok trong kuĕt kuĕl sơlam kông, lu sư 'bĭch 'bơ̆t pơlei Gêba; kon pơlei Rama hli tơrơ, kon pơlei Gibêah kơdâu ôn đĭ noh pơlei Sôl sơ̆.