I Sam 10:21 - Sơ̆p Hlabơar Nơ̆r 'Bok Kei-Dei

²¹ Sư athei adrĕch Bênjamin năm jê̆ pơrĕng kiơ̆ kơtum kơtŏng, đơ̆ng noh hlang trŏ kơ hnam dơnŏ Matri. Đơ̆ng noh hlang lăng trŏ kơ Sôl kon drŏ-nglo Kis. Đe chă Sôl mă-lei ưh kơ 'bôh.

I Sam 10:21 Referans Kwoze

Jang 13:21

“Đơ̆ng noh lu bơngai Isơrael apinh 'Bok Kei-Dei ăn kơ lu sư đei minh 'nu bơngai wă pơm pơtao lu sư. Na 'Bok Kei-Dei ăn kơ lu sư 'bok Sôl pơm pơtao lu sư. Sôl ei sư kon 'bok Kis, sư bơngai đơ̆ng adrĕch adrung 'bok Bênjamin. Sư pơgơ̆r puăn-jĭt sơnăm.

I Sam 10:20

Samuel athei đĭ-đăng adrĕch Isơrael năm jê̆, na sư hlang lăng trŏ kơ adrĕch Bênjamin.

I Sam 10:22

Na lu sư jet Kră Yang dơ̆ng: Hăm pă đei bu nai năm tơ âu dơ̆ng? Kră Yang tơl: To, sư ôn lăm anih lê̆ tơmam noh.

II Sam 3:19

Apner kư̆m pơma pơđâu thoi noh hăm lu adrĕch Bênjamin; na sư năm tơ Hêbrôn roi tơbăt ăn kơ Đawit dôm tơdrong mă lu bơngai Isơrael hăm lu bơngai Bênjamin hơpơi.

Jôna 1:7

Đơ̆ng rŏng kơ noh, lu sư pơma tơduă lu sư khan: Lu bơ̆n athei hlang lăng wă kơ băt tơdrong truh kơ bơ̆n âu, yua kơ đơ̆ng bu. Na lu sư hlang lăng trŏ kơ Jôna.

I Sam 9:2

Kis đei kon drŏ-nglo, anăn sư Sôl, sư oei tơdăm kư̆m 'lơ̆ng hơbŏ. Lăm bơngai Isơrael ưh kơ đei bu 'lơ̆ng hơbŏ thoi sư; sư bơngai tih kơjung hloh kơ đe.

Tơdrông Pơđơk 18:18

Hlang lăng gơh pơtôch tơdrong pơjah. Plah 'bar pah pran huay pă pơjah.