I Sam 1:3 - Sơ̆p Hlabơar Nơ̆r 'Bok Kei-Dei

³ Rim sơnăm Êlkana lĕch đơ̆ng pơlei sư tŏk năm tơ pơlei Silô akŭm kơkuh păng wă pơyơ̆r tơmam soi kơ Kră Yang Tih Hloh. Tơ noh đei 'bar 'nu kon drŏ-nglo Hêli, bre Hopni păng Phinêhas, pơm 'bok soi Kră Yang.

I Sam 1:3 Referans Kwoze

Luka 2:41

Rim sơnăm trŏ kơ năr giĕng mă đe anăn Giĕng Năm Brih na bre mĕ 'bă Yêsu juăt kơ năm tơ Pơlei Jêrusalem.

Jôsuê 18:1

Đĭ-đăng kon pơlei Isơrael, đei akŭm tơ pơlei Silô, pơm pơdơ̆ng Bơsŭn anih akŭm blŭng-a tơ noh: Lu sư pơgơ̆r jơ̆p teh đak.

Le 34:23

Lăm minh sơnăm pêng wơ̆t, đĭ-đăng lu kon drŏ-nglo lu iĕm athei dơ̆ng tơ'bôh 'bơ̆t anăp Kră Yang 'Bok Kei-Dei Isơrael.

Le 23:14

Lăm rim sơnăm pêng wơ̆t pơm giĕng et sa kơkuh kơ Inh.

I Sam 1:21

Êlkana păng đĭ-đăng hnam dơnŏ sư tŏk năm wă pơyơ̆r kơ Kră Yang tơmam soi lăm rim sơnăm, wă pơsĭt tơdrong sư đei pơkă bơih.

I Sam 1:9

Đang kơ lu sư sŏng sa tơ pơlei Silô bơih, Hana iung, kơplah noh Hêli, oei ngôi hơ-oei kơpal tang-dŏ jê̆ 'măng mơ̆t tơ hnam Kră Yang.

Both 16:16

Rim 'nu bơngai drŏ-nglo, rim sơnăm pêng wơ̆t, athei năm kơkuh kơ Kră Yang 'Bok Kei-Dei iĕm, tơ anih mă Sư gô rơih, noh lăm năr pơm giĕng sa 'bĕng ưh kơ đei 'Buih Pông, pơm giĕng kĕch yuă phĕ păng pơm giĕng Bơsŭn; ưh kơ đei bu năm kơkuh kơ Kră Yang hăm tơpang ti hoh.

Lu 18:31

Lu sư oei kơkuh kơ rup yang đơ̆ng Mika man. Kơplah lăm chăl hnam akŭm Kră Yang 'Bok Kei-Dei oei tơ Silô.

Horiso 78:60

Sư weh lê̆ đơ̆ng anih akŭm Sư tơ Silô, Anih mă Sư oei hăm kon bơngai;

I Sam 4:11

Hom Pơgơ̆p Kră Yang 'Bok Kei-Dei đe blah iŏk, 'bar 'nu kon drŏ-nglo Hêli, Hopni păng Phinêhas, lôch.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.

I Sam 3:13

Inh đei khan lê̆ adrol bơih Inh gô phak hnam dơnŏ sư ling-lang, yua kơ sư băt boih bre kon drŏ-nglo sư pơm yoch pơjăm Kră Yang 'Bok Kei-Dei, mă-lei sư ưh kơ găn bre sư.

I Sam 2:34

Tơdrong âu gô truh kơ 'bar 'nu kon drŏ-nglo ih Hopni păng Phinêhas wă tơbăt kơ ih; dôm tơdrong gô trŏ thoi Inh đei khan bre sư gô lôch lăm minh năr.

Le 23:17

Pêng wơ̆t lăm minh sơnăm athei đĭ-đăng bơngai drŏ-nglo năm 'bơ̆t anăp Kră Yang, 'Bok Kei-Dei iĕm.

Lu 21:19

Na lu sư khan: Iĕm lăng rim sơnăm bơ̆n đei pơm giĕng 'blŏk hơdơ̆r kơ Kră Yang tơ anih Silô, oei gah yă-nơ̆m kơ pơlei Bethel, gah hơlĕch kơ trong năm đơ̆ng pơlei Bethel truh tơ pơlei Sichem, gah gơal kơ pơlei Lêbơna;

I Sam 2:19

Rim sơnăm mĕ sư tanh ăn kơ sư minh blah ao tai iĕ, năm ba kơ Samuel, năm hơdai klo sư năm wă pơyơ̆r tơmam soi lăm rim sơnăm.

I Sam 14:3

Ahija, kon drŏ-nglo Ahitup, 'nhŏng Ikabôt, kon drŏ-nglo Phinêhas, kon Hêli, pơm 'bok soi kơ Kră Yang tơ Silô kon pơlei ưh kơ băt kơ Jônathan năm.