I Pot 9:8 - Sơ̆p Hlabơar Nơ̆r 'Bok Kei-Dei

⁸ Hnam akŭm 'nâu, jing rơ̆m rĕk, rim 'nu bơngai năm rok trong Hnam akŭm 'noh lăng hlĭch, păng apinh tơduă khan; Yua kơ kiơ Kră Yang pơm kơ dêh char 'nâu păng Hnam akŭm 'nâu thoi âu.”

I Pot 9:8 Referans Kwoze

II Ho 7:21

Hnam 'nâu mă khan kơjung rŏ dang yơ, dah đei bu yak rok noh 'bôh hlĭch na jet! “Yua kơ kiơ Kră Yang pơm kơ char 'nâu păng hnam 'nâu thoi noh?”

Je 22:28

Hăm trŏ Jêhôiachin jing bô̆i teh pơchah boih, mă đe areh? Minh pôm bô̆i teh ưh kơ đei bu wă? Liơ sư hăm lu adrĕch adrung sư đe klơ̆m hŭt lê̆ ataih, tơ char mă lu sư ưh kơ băt?

Je 19:8

Inh gô pơm kơ pơlei âu jing juơ; ăn kơ đe gô che bơle; bơngai bu yak rok noh gô lăng krưp păng hiĕk kơ tơdrong răm noh.

Da 9:12

Ih pơsĭt kơ nơ̆r mă pơm tơwih kơ lu nhôn, kơ lu 'bok sek tơlang, đei sek tơlang boih kơ lu nhôn mă đei hlôi tơdrong răm truh kơ lu nhôn yua kơ jơ̆p teh đak tam mă đei tơdrong phak thoi noh, mă đei phak Jêrusalem.

Je 50:13

Yua kơ Kră Yang hil mĭl, Jơ̆p kơ dêh char noh jing juơ tơtŭng, ưh kơ đei bơngai oei, na lu bơngai yak năm rok trong Babilôn lăng hlĭch krưp păng che bơle, Yua kơ pơchah răm đĭ 'biao.

Je 49:17

Pơlei Eđôm gô jing rơ̆m rĕk; rim 'nu yak trong 'nâu tă kơ jăng krưp. Yua kơ 'bôh tơdrong truh tih krưp tơpă.

Êsai 64:11

Hnam Akŭm 'lơ̆ng rơgoh lu nhôn ư-ang, anih mă 'bok lu nhôn hơri bơnê ư-ang kơ Ih, ŭnh sa đĭ bơih. Đĭ-đăng dôm tơmam kiơ mă lu nhôn gĭt răm đĭ bơih.

Both 28:37

Lăm lu adrĕch adrung mă Kră Yang puh iĕm truh tơ yơ, đĭ-đăng kon pơlei tơ noh hli tơrơ, 'bôh tơdrong pơmat-tat lu iĕm. Lu iĕm jing bơngai pơm kơ đe pơjăm hiĕk ăr.

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

II Ho 36:19

Lu linh Babilôn soh hnam Kră Yang 'Bok Kei-Dei, teh pơchah lê̆ dur pơlei Jêrusalem, soh đĭ hnam pơtao păng pơrăm đĭ lu tơmam kăl yua lăm pơlei.

Je 5:19

‘Layơ kon pơlei ih jet: Liơ Kră Yang 'Bok Kei-Dei lu bơ̆n pơm kơ lu bơ̆n thoi âu?’ Ih gô tơl lu sư: ‘Lu iĕm đei achăng lê̆ Kră Yang, na bơ̆jang kơ lu yang nai lăm dêh char iĕm thoi yơ, lu iĕm gô bơ̆jang kơ lu yang nai lăm tơring tơmoi mă ưh kơ trŏ kơ char iĕm thoi noh mơ̆n.’

Je 16:10

Layơ ih roi ăn kơ đĭ-đăng kon pơlei dôm tơdrong âu, tơpă lu sư gô jet ih: ‘Liơ Kră Yang roi tơbăt ăn wă đei tơdrong răm truh kơ lu nhôn? Lu nhôn pơm tơdrong yoch kiơ? Lu nhôn đei pơm tơdrong glăi kiơ hăm Kră Yang 'Bok Kei-Dei lu nhôn?’

Je 18:16

Na teh đak lu sư jing bri juơ, pơm kơ đe hiĕk ling-lang; lu bơngai yak rok ei lăng chrơp, Na tơtreh kơ̆l.

Je 25:9

'nâu, Inh gô krao đĭ adrĕch adrung gah yă-nơ̆m păng đĭch đam Inh Nebukatnessar pơtao Babilôn,’ Kră Yang khan: ‘Inh gô ba lu sư blah iŏk dêh char âu hăm lu kon pơlei oei lăm char âu păng pơm kơ lu kon pơlei oei tăp dăr kơ char âu hai. Inh gô pơrăm đĭ lu sư, pơm kơ lu sư đe lăng 'brơ̆ krưp, đe pơjăm păng hiong răm hlŏng hloi.

Je 44:8

Liơ lu iĕm tơblĕk inh hăm ti lu iĕm pơm, soh nhang 'bâu phu ăn kơ lu yang nai lăm dêh char Êyiptơ, dêh char mă lu iĕm 'nao năm oei, pŭ iŏk tơdrong pơrăm kơdih akâu, pơm kơ đe che bơle, blei hiap tơ lăm jơ̆p-jang adrĕch adrung lăm teh đak?

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Both 29:23

'Bôh jơ̆p-jang kơ dêh 'nâu răm đĭ ŭnh păng 'boh sa đĭ teh ưh pă gơh rei pơtăm, ưh kơ đei kiơ gơh bluh chăt, ưh kơ đei minh tơnơm kiơ gơh chăt, nhen thoi pơlei Sôđôm Gômôrơ, Atma păng Sêbôlim, pơlei mă Kră Yang hil mĭl krưp pơlôch pơrăm lê̆ boih.

II Pot 22:17

Yua kơ lu bơngai Juđa achăng lê̆ Inh bơih, soh 'long 'bâu phu ăn kơ yang nai, tơblĕk, pơm kơ Inh areh yua kơ đơ̆ng tơdrong jang đêl tơpang ti lu sư pơm, noh bơih tơdrong Inh hil mĭl gô tuh 'bơ̆t anih 'nâu, inh ưh kơ layơ păt hơngăm.

II Ho 29:8

Thoi ei na Kră Yang hil mĭl kơ lu bơngai Juđa păng kon pơlei Jêrusalem, Sư pơm ăn kơ đe hli tơrơ păng ăn kơ đe hiĕk ăr, thoi lu iĕm đei 'bôh tơm măt boih.

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?