I Pot 9:24 - Sơ̆p Hlabơar Nơ̆r 'Bok Kei-Dei

²⁴ Lăp kon drŏ-kăn pơtao Pharaôn năm đơ̆ng pơlei Đawit năm tơ hnam pơtao sư kơdih, mă hnam Sôlômôn pơm ăn kơ sư; pơtao kư̆m pơm dur wă găn lu ayăt.

I Pot 9:24 Referans Kwoze

II Ho 32:5

Sư adrin, man tơiung ming dur mă đĭ păk hơlih lap gleh tơpă; hăm man lu hnam thôt kơpal noh! Sư kư̆m man minh tăl dur plơ̆ng tơ đaih kơ pơlei noh. Sư kư̆m man ming kơjăp Milô pơlei Đawit păng tuh hơjơ̆m lơ khêl đao tơmam tơblah.

I Pot 11:27

'Nâu tơdrong yua kơ kiơ mă sư iung blah pơtao: Sôlômôn man tơiung dur găn păng hơmet ming dur mă hlôh pơchah lăm pơlei Đawit 'bă sư.

I Pot 7:8

Hnam mă pơtao Sôlômôn oei sư pơm gah rŏng kơ hnam tih 'noh. Sư man lei-lăi thoi noh mơ̆n. Sư kư̆m pơm minh pôm hnam, ăn kơ akăn sư, kon drŏ-kăn Pharaôn, sư pơm lei-lăi thoi noh mơ̆n.

II Sam 5:9

Đawit oei lăm kơđông anăn kơđông pơlei Đawit. Sư man dur puăn pah đơ̆ng groi Milô năm tơ gah lăm.

I Pot 3:1

Sôlômôn pơgơ̆p hơdai hăm Pharaôn dêh Êyiptơ, iŏk kon adruh Pharaôn pơm akăn, chông ba sư brŏk oei tơ pơlei Đawit, oei tơ noh dĭng truh sư keh pơm hnam pơtao sư, pơm hnam akŭm kơkuh kơ Kră Yang păng man dur tăp dăr pơlei Jêrusalem.

II Ho 8:11

Sôlômôn ba kon adruh pơtao Pharaôn đơ̆ng pơlei Đawit năm oei tơ hnam pơtao mă sư đei pơm ăn boih; yua kơ sư khan: Akăn inh ưh kơ oei lăm hnam pơtao Đawit, pơtao đe Isơrael yua kơ tơ anih ayơ Hom Kră Yang truh jing anih 'lơ̆ng rơgoh.

II Sam 5:7

Mă-lei Đawit kư̆m blah iŏk kơđông Siôn, đe krao plei Đawit.