I Pot 9:16 - Sơ̆p Hlabơar Nơ̆r 'Bok Kei-Dei

¹⁶ Pharaôn, pơtao char Êyiptơ tŏk tơgar blah iŏk pơlei Geser soh pơđĭ pơlei 'noh păng pơlôch đĭ kon bơngai Kanaan 'noh, đơ̆ng noh sư ăn kơ kon drŏ-kăn sư pơlei 'noh jing tơmam sư kơdih, kon drŏ-kăn sư 'noh akăn pơtao Sôlômôn.

I Pot 9:16 Referans Kwoze

I Pot 3:1

Sôlômôn pơgơ̆p hơdai hăm Pharaôn dêh Êyiptơ, iŏk kon adruh Pharaôn pơm akăn, chông ba sư brŏk oei tơ pơlei Đawit, oei tơ noh dĭng truh sư keh pơm hnam pơtao sư, pơm hnam akŭm kơkuh kơ Kră Yang păng man dur tăp dăr pơlei Jêrusalem.

I Pot 9:24

Lăp kon drŏ-kăn pơtao Pharaôn năm đơ̆ng pơlei Đawit năm tơ hnam pơtao sư kơdih, mă hnam Sôlômôn pơm ăn kơ sư; pơtao kư̆m pơm dur wă găn lu ayăt.

I Pot 7:8

Hnam mă pơtao Sôlômôn oei sư pơm gah rŏng kơ hnam tih 'noh. Sư man lei-lăi thoi noh mơ̆n. Sư kư̆m pơm minh pôm hnam, ăn kơ akăn sư, kon drŏ-kăn Pharaôn, sư pơm lei-lăi thoi noh mơ̆n.

Jôsuê 16:10

Mă-lei lu sư ưh kơ pơpuh tơweh lu kon pơlei Kanaan mă oei tơ Geser, na lu kon pơlei Kanaan oei hơdai hăm adrĕch Êphraim, mă truh dang ei, mă-lei pơgŏ athei jang trăp gleh.

Jôsuê 10:33

Kơplah noh, Hôram pơtao pơlei Geser, tŏk blah wă dŏng pơlei Lakis, Jôsuê blah pơrăm đĭ, dĭng mah ưh pă đei bu oei arih.