10 Lăp 'blep 'bar-jĭt sơnăm kơplah Sôlômôn pơm keh 'bar tŏ Hnam, pơm hnam akŭm păng hnam pơtao sư kơdih.
Lăm sơnăm mă puăn, 'blep kơ khei Siu. Hnam akŭm Kră Yang man pơdơ̆ng jrăng.
Sôlômôn man Hnam akŭm Kră Yang, hnam sư kơdih păng dôm lu hnam mă sư man đang bơih.
Sôlômôn pơgơ̆p hơdai hăm Pharaôn dêh Êyiptơ, iŏk kon adruh Pharaôn pơm akăn, chông ba sư brŏk oei tơ pơlei Đawit, oei tơ noh dĭng truh sư keh pơm hnam pơtao sư, pơm hnam akŭm kơkuh kơ Kră Yang păng man dur tăp dăr pơlei Jêrusalem.
Truh tơ sơnăm mă mơjĭt-mônh, 'blep kơ khei Bul wă khan khei tơhngam, đĭ-đăng dôm tơdrong jang man Hnam akŭm Kră Yang noh keh đang ngăl bơih kiơ̆ 'blep thoi đei hơgăt lê̆ adrol să iĕ, hơbŏ hnam noh. Pơtao Sôlômôn pơm Hnam akŭm 7 Kră Yang keh đĭ-đăng tơpơh sơnăm 'mơ̆i.
Sôlômôn pơm hnam pơtao sư keh đang lăm mơjĭt-pêng sơnăm.
Na kơplah 'noh pơtao Sôlômôn pơjao ăn kơ Hiram pơtao pơlei Tirơ, 'bar-jĭt tŏ pơlei lăm dêh Galilê, yua kơ Hiram ăn kơ pơtao Sôlômôn 'long hơngo, 'long hơngo hla iĕ păng maih, mơ̆ng kơ sư wă dôm yơ.
Lu sư tơl nơ̆r thoi âu: Lu nhôn boih đĭch đam Kră Yang 'Bok Kei-Dei, Kră Yang pơgơ̆r đĭ-đăng plĕnh păng teh; lu nhôn oei wă pơm pơjing dơ̆ng hnam akŭm, đunh sơnăm boih adrol kơ âu đei minh 'nu pơtao mơdrŏng đe pơyua lăm Isơrael đei pơjing păng pơm.