I Pot 8:6 - Sơ̆p Hlabơar Nơ̆r 'Bok Kei-Dei

⁶ Lu 'bok soi tơm tung ba Hom Pơgơ̆p Kră Yang tơ anih sư, anih rơgoh hloh lu sư 'măn gah ala pơnăr chêrubim.

I Pot 8:6 Referans Kwoze

I Pot 6:27

Sôlômôn dan lê̆ 'bar tŏ rup chêrubim oei bơyar pơnăr noh lăm Anih Rơgoh Hloh lăm Hnam akŭm. Minh pah pơnăr pah âu hơtŭt kơ tơnăr pah âu, minh pah pơnăr pah to hơtŭt kơ tơnăr pah to, 'bar pah pơnăr tơ'bưh băl tŏk-bŏk lăm Anih Rơgoh Hloh.

I Pot 6:19

Pơtao kư̆m pơm hơmet Anih 'Lơ̆ng Rơgoh hloh wă tah hom tơdrong pơgơ̆p Kră Yang lăm noh.

II Sam 6:17

Lu sư ba Hom pơgơ̆p Kră Yang ming tơ anih bơsŭn Đawit đei hơmet lê̆ boih anih kơ Hom pơgơ̆p; đơ̆ng noh Đawit pơyơ̆r tơmam soi 'buh pơkhôi kơ Kră Yang păng tơmam soi et sa chơt hiôk.

Êsêkiên 10:5

Re jơwa đơ̆ng pơnăr chêrubim tơtuh đe kơtơ̆ng truh tơ cham 'nguaih, re thoi nơ̆r Kră Yang 'Bok Kei-Dei Tih Hloh pơma.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

II Ho 5:7

Lu 'bok soi tung tơmơ̆t Hom Pơgơ̆p Kră Yang tơ lăm anih 'măn lê̆ kơ Hom Pơgơ̆p, tơ anih 'Lơ̆ng Rơgoh Hloh lăm hnam Kră Yang 'Bok Kei-Dei, tơ ala lu pơnăr rup chêrubim.

I Pot 8:4

Lu sư tung ba hloi hnam khăn anih akŭm. Hom Pơgơ̆p chĕp ba dôm tơmam rơgoh năm hloi tơ anih noh; lu 'bok soi păng bơngai Lêwi tung hom pơgơ̆p 'noh.

II Sam 6:2

Sư păng đĭ-đăng lu bơngai kiơ̆ truh tơ pơlei Baala dêh Juđa wă năm tung iŏk Hom pơgơ̆p Kră Yang 'Bok Kei-Dei; Hom noh kon pơlei krao anăn Kră Yang Tih Hloh, Kră Yang mă dan tang-dŏ Sư kơpal rim kơ chêrubim kơpal tơnglơ̆p Hom pơgơ̆p.

I Sam 4:4

Thoi noh, lu sư wơh bơngai năm tơ Silô, tung iŏk Hom Pơgơ̆p Kră Yang Tih Hloh, Tơ'ngla mă oei tơ lăm lu chêrubim. 'Bar 'nu kon drŏ-nglo Hêli, jơ̆ Hopni păng Phinêhas, bre sư kư̆m năm kiơ̆ Hom Pơgơ̆p Kră Yang 'Bok Kei-Dei mơ̆n.

Le 37:9

Rup chêrubim bơyar pơnăr sư kơpal tơnglơ̆p tơdrong 'mêm mơnat, muh măt tơwih tơklă băl, muh măt chêrubim lăng Tơ Anih Tơdrong 'Mêm Mơnat.

I Pot 6:16

Pơtao iŏk 'long hơngo, sư pĕng pơgăn anih mơjĭt hlok lăm Hnam akŭm, đơ̆ng hơnă truh tơ bơbŭng, noh Anih Rơgoh đe krao Anih Rơgoh Hloh.

I Pot 8:3

Kơplah lu kră pơlei Isơrael truh, lu 'bok soi tung hloi Hom Pơgơ̆p Kră Yang.

I Pot 8:7

Dôm lu chêrubim bơyar pơnăr kơpal Hom Pơgơ̆p, sư klơ̆p lê̆ Hom Pơgơ̆p păng 'long tơnung tung.

I Ho 22:19

Dang ei đĭ jơhngơ̆m, đĭ bơhngol chơchă bĕ Kră Yang 'Bok Kei-Dei lu iĕm; iung bĕ păng pơm minh pôm anih 'lơ̆ng rơgoh kơ Kră Yang 'Bok Kei-Dei, lu iĕm tung ba bĕ Hom pơgơ̆p Kră Yang păng lu tơmam rơgoh 'lơ̆ng Kră Yang 'Bok Kei-Dei tơmơ̆t lăm hnam mă lu iĕm pơm boih hăm Anăn Kră Yang.”

Êsêkiên 41:4

Sư pơtŏ, tor anih 'lơ̆ng rơgoh 'bar-jĭt hơgăt, wơ̆l 'bar-jĭt hơgăt păng sư khan kơ inh: “'Nâu anih 'lơ̆ng rơgoh hloh”.

Horiso 80:2

'Bơ̆t anăp Êphraim, Bênjamin păng Manase, pơdah bĕ tơdrong mơsêh Ih. Păng năm dŏng pơklaih lu nhôn.