I Pot 8:53 - Sơ̆p Hlabơar Nơ̆r 'Bok Kei-Dei

⁵³ Ơ Kră Yang Tih Hloh, Ih klah lê̆ lu sư phara đơ̆ng lăm khŭl kon bơngai lăm teh đak âu, ih wă ăn kơ lu sư jing tơmam Ih, trŏ 'blep thoi Ih đei khan kơ 'bok Môis đĭch đam Ih sơ̆, đơ̆ng năr Ih pơklaih lu 'bok yă nhôn đơ̆ng lăm dêh char Êyiptơ.”

I Pot 8:53 Referans Kwoze

Both 32:9

Gah Kră Yang noh kon pơlei Sư, Jakôp noh gah Sư.

Both 14:2

yua kơ iĕm jing minh adrĕch 'lơ̆ng rơgoh ăn kơ Kră Yang 'Bok Kei-Dei iĕm; Kră Yang rơih iŏk boih iĕm đơ̆ng lăm lu adrĕch kon pơlei kơpal teh âu. Wă jing tơmam Sư kơdih lĕch đơ̆ng đĭ-đăng, adrĕch kon pơlei pơla oei ala teh âu.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Êphêsô 1:18

Inh apinh Sư pơih jơhngơ̆m đon iĕm, wă kơ iĕm hlôh băt tôm tơdrong hiôk 'lơ̆ng, thoi Sư pơkă khan wă ăn kơ bơ̆n bơngai mă Sư krao ăn jing kon Sư.

Je 10:16

Tơmam Kră Yang 'Bok Kei-Dei 'măn kơ Jakôp ưh kơ trŏ thoi noh ôh, yua kơ Sư boih pơjing kơ đĭ-đăng tôm tơmam, mă bơngai Isơrael kư̆m adrĕch adrung Sư; Kră Yang Tih Hloh noh anăn Sư.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Jo 23:9

Đơ̆ng kơpal kơ̆l kông, inh 'bôh lu sư đơ̆ng kông groi kơjung, inh lăng lu sư: To, minh khŭl kon pơlei oei hơdrô̆ phara ưh kơ jô̆ lu sư hơdai thoi kon bơngai lăm teh đak ôh.

Le 33:16

Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

II Sam 20:19

Lu nhôn jơ̆ bơngai oei hiôk-hian păng tơnăp lăm char Isơrael. Mă-lei ih chă đon wă pơrăm lê̆ minh pôm pơlei mĕ lăm Isơrael! Thoi yơ ih mă 'maih pơrăm lê̆ mŭk tơmam Kră Yang?”