I Pot 8:32 - Sơ̆p Hlabơar Nơ̆r 'Bok Kei-Dei

³² apinh Ih đơ̆ng kơpal plĕnh mơ̆ng păng tơl tơwih sek tơlang ăn kơ đĭch đam Ih, apinh Ih pơm plơ̆ kơ lu bơngai kơnê̆, đơ̆ng sư chă trong pơm kơnê̆ tuh plơ̆ tơ kơpal kơ̆l sư, apinh Ih tơgŭm bơngai 'lơ̆ng tơpăt. Ih apah bơnê kiơ̆ kơ tơdrong 'lơ̆ng tơpăt sư pơm.

I Pot 8:32 Referans Kwoze

Both 25:1

Tơdah đei tơdrong pơjah băl, 'bar pah athei năm apinh truh tơ anih sek tơlang, lu kră sek tơlang, sek tơpăt kơ bơngai 'lơ̆ng tơpăt păng sek phak lu bơngai mă đei yoch noh.

Êsêkiên 18:20

Bơngai bu pơm yoch bơngai noh kơdih sư gô lôch, kon sư ưh kơ đei pŭ tơdrong yoch 'bă sư păng 'bă sư kư̆m ưh kơ đei pŭ tơdrong yoch kơnê̆ kon sư. Tơdrong tơpăt lu bơngai 'lơ̆ng tơpăt gô 'măn kơ lu bơngai tơpăt, tơdrong kơnê̆ lu bơngai pơm kơnê̆ gô tơpŭ tơ lu bơngai pơm kơnê̆ noh.

Êsêkiên 18:13

ăn tŏk iŏk sa lơi adrol păng iŏk lơi lơ, kon sư noh hăm gơh arih ưh? Sư ưh kơ đei arih ôh! Yua kơ sư hlôi pơm yoch dôm tơdrong kơnê̆, tơpă sư gô lôch păng pham sư gô tuh kơ kơ̆l sư.

Le 34:7

Răk tơdrong 'mêm kơeng kơ lơ rơbâu jơhnơr kon bơngai, mơnat ăn tơdrong pơm kơnê̆, pơm yoch kơ tơdrong juăt mă-lei Inh ưh kơ lê̆ ôh gô phak bơngai pơm yoch păng jô̆ tơdrong yoch đơ̆ng Mĕ 'Bă sư pơm, inh gô phak truh tơ kon sâu sư dĭng truh tơ pêng puăn jơhnơr.

Rom 7:9

Sơ̆ kơplah inh tam mă băt kơ tơdrong yoch, inh oei hiôk; lăp đơ̆ng năr inh băt kơ tơdrong pơm yoch, jơhngơ̆m inh ưh pă hiôk boih, inh băt kơ inh trŏ kơ 'Bok Kei-Dei wă phak pơlôch.

Rom 2:13

'Bok Kei-Dei jô̆ bơ̆n bơngai 'lơ̆ng, ưh kơ sĭ yua kơ bơ̆n kơtơ̆ng tơdrong Sư pơkă đĕch ôh, yua kơ bơ̆n kiơ̆ tơdrong noh.

Êsêkiên 18:30

Thoi noh Kră Yang khan: “Ơ adrĕch Isơrael, Inh gô sek tơlang lu iĕm, rim 'nu kiơ̆ kơ tơdrong sư đei pơm. Athei wih tơbral bĕ păng hŭt lê̆ dôm tơdrong yoch kơnê̆ lu iĕm, wă kơ tơdrong kơnê̆ huay kơ pơgăn pơrăm lu iĕm.

Tơdrông Pơđơk 17:15

Bu dŏng bơngai kơnê̆ khan bơngai tơpăt. Bu băt jâu bơngai 'lơ̆ng tơpăt khan kơnê̆, 'Bar 'nu bre noh Kră Yang areh pơđĭ.

Tơdrông Pơđơk 1:31

Na lu sư gô luăn sa pŭ iŏk thoi trong lu sư kiơ̆, Păng phĭ hrăp lăm tơdrong lu sư hơlĕnh.

Jo 5:27

Tơdah đang kơ ăn kơ bơngai drŏ-kăn noh huch đak tăng tơdrong hiap, tơdah bơngai đei pơm kơnê̆ 'mê̆ brư̆ kơđang kơ̆l hơko klo sư lei đak tăng noh pơm kơ sư hơ̆-hang chhŭr nuih klak sư pơpông tih, blu sư ôm, lei na bơngai drŏ-kăn noh jing bơngai đe hiap pơtê̆ lăm lu kon pơlei sư.

Le 23:7

Ih 'nĕ kơ chu kiơ̆ dôm lu nơ̆r hơlĕnh pơdăr; 'nĕ kơ pơlôch bơngai ưh kơ pơm yoch păng bơngai 'lơ̆ng tơpăt, yua kơ inh ưh kơ đei achăng bơngai kơnê̆ ôh.

II Sam 22:21

Kră Yang đei apah inh kiơ̆ kơ tơdrong tơpăt hơnơ̆ng inh. Kră Yang tơwih kơ inh kiơ̆ kơ đêl ti inh 'lơ̆ng rơgoh.

Horiso 18:25

Hăm lu đei đon lui, Ih gô tơ'bôh Ih boih Kră Yang sĭt. Hăm lu bơngai tơpăt, Ih boih Tơ'ngla tơpăt;

Êsai 45:25

Lăm Kră Yang đĭ-đăng kon sâu Isơrael gô đei 'lơ̆ng tơpăt păng bơnê ư-ang kơ Kră Yang.

I Sam 2:25

Tơdah minh 'nu bơngai pơm yoch hăm bơngai nai, Kră Yang 'Bok Kei-Dei pơm 'long sơlam bre sư; mă-lei tơdah pơm yoch hăm Kră Yang, bu mă gơh krao tơgŭm sư? Mă-lei bre sư ưh kơ wă mơ̆ng ôh nơ̆r 'bă lu sư; Thoi noh Kră Yang pơlôch bre sư.

I Pot 2:32

Kră Yang gô pơm tơwih kơ Jôap đêl sư pơlôch tuh pham tuh plơ̆ tơ kơ̆l sư dơ̆ng, mă-lei Đawit 'bă inh, ưh kơ băt sư pơlôch 'bar 'nu bơngai 'lơ̆ng tơpăt hloh kơ sư, hăm đao gưm noh bre Apner kon drŏ-nglo Nêr, yŏng linh bơngai Isơrael păng Amasa kon drŏ-nglo Jêther, yŏng linh bơngai Juđa.

I Pot 2:33

Thoi noh pham bre noh gô tuh tơ kơpal kơ̆l Jôap păng tơ kơpal kơ̆l adrĕch adrung sư ling-lang; mă-lei Đawit păng adrĕch adrung sư, hnam dơnŏ, tang-dŏ pơtao sư Kră Yang gô ăn đei tơdrong hiôk-hian ling-lang.”

Esther 9:25

Mă-lei kơplah yă Esther năm 'bơ̆t anăp pơtao wă roi tơdrong noh, na pơtao tơjur nơ̆r chih thoi âu: Tơdrong kơnê̆ Haman chă đon wă pơrăm adrĕch Juđa noh thoi tuh plơ̆ tơ kơ̆l sư kơdih, đơ̆ng noh đe hrek atol sư păng lu kon drŏ-nglo sư tơ kơpal 'long gơ̆ng.

Horiso 7:9

Ơ Kră Yang 'Bok Kei-Dei tơpăt! Ih boih Kră Yang lăng lăm jơhngơ̆m kon bơngai, Apinh Ih pơtôch lê̆ dôm tơdrong kơnê̆ lu bơngai kơnê̆ wă pơm. Mă-lei pơm bĕ kơ lu bơngai tơpăt mă kơjăp.

Êsêkiên 9:10

Gah Inh, măt Inh lăng kư̆m pă mơnat păng Inh kư̆m pă đei lê̆ lu sư oei arih; Inh gô tuh tơ kơ̆l lu sư dôm tơdrong mă lu sư đei pơm.”