I Pot 8:13 - Sơ̆p Hlabơar Nơ̆r 'Bok Kei-Dei

¹³ Dang ei inh pơm Hnam akŭm 'lơ̆ng rŏ keh bơih; anih wă kơ Ih oei ling-lang.”

I Pot 8:13 Referans Kwoze

II Sam 7:13

Sư noh kơnh gô pơm hnam kơ anăn Inh oei păng Inh gô ăn kơ tang-dŏ dêh char pơtao sư kơjăp ling-lang.

Hêbrơ 9:24

Thoi noh na dang ei Yêsu Krist tŏk tơ plĕnh ti mơ̆t tơ hnam 'Bok Kei-Dei tơ plĕnh ti boih. Sư ưh kơ mơ̆t tơ hnam 'Bok Kei-Dei mă kon bơngai pơm tơ teh âu ôh, hnam 'Bok Kei-Dei mă kon bơngai pơm tơ teh âu noh, wă pơtih gia kơ hnam 'Bok Kei-Dei tơ plĕnh ti. Dang ei Yêsu Krist tŏk oei tơ noh tơpă boih, Sư oei 'bơ̆t anăp 'Bok Kei-Dei tang đĭ-đăng rim 'nu bơngai.

Le 15:17

Ơ Kră Yang! Ih gô ba lu sư mơ̆t păng pơtăm lu sư tơ kơpal kông Ih. Ơ Kră Yang; anih Ih đei hơmet boih, wă pơm anih Ih oei, Ơ Kră Yang! Anih 'lơ̆ng rơgoh mă ti Ih đei pơjing boih.

Jang 6:14

Nhôn kơtơ̆ng sư khan Yêsu gô pơrăm hnam akŭm 'Bok Kei-Dei tơm âu păng tơplih tơdrong juăt mă đêl Môis ată kơ bơ̆n sơ̆.”

II Ho 6:2

Dang ei inh đei pơm boih minh pôm hnam ăn kơ Ih oei, anih mă Ih gô oei ling-lang.”

I Ho 28:20

Đawit khan kơ Sôlômôn kon drŏ-nglo sư: “Mă pran kơjăp jơhngơ̆m đon na bơ̆jang; 'nĕ kơ hli, 'nĕ kơ bơ̆l hăl, yua kơ Kră Yang 'Bok Kei-Dei 'bă oei hơdai hăm kon; Sư ưh kơ đei layơ achăng hŭt kon, dĭng truh tơ tơiung hnam Kră Yang keh đang.

I Ho 28:10

Dang ei, lăng bĕ yua kơ Kră Yang rơih iŏk ih boih wă pơm tơiung minh pôm hnam 'măn anih 'lơ̆ng rơgoh. Nuih pran kơtang bĕ na pơm.”

I Ho 28:6

Sư khan kơ Inh: Sôlômôn kon drŏ-nglo ih, gô pơm hnam păng cham Inh yua kơ Inh rơih iŏk boih sư pơm kon drŏ-nglo Inh, păng Inh gô pơm 'bă sư.

I Ho 17:12

Sư boih gô pơm minh pôm hnam kơ Inh păng Inh gô ăn tang-dŏ pơtao sư kơjăp ling-lang.

Mathiơ 23:21

Na bơngai wă 'mong kơ đe tơmam, sư tơhlâu hnam akŭm 'Bok Kei-Dei tơm, noh kư̆m dang sư tơhlâu 'Bok Kei-Dei oei lăm hnam noh mơ̆n.

Êsêkiên 43:7

Sư pơma hăm inh khan: “Ơ kon bơngai, âu jing anih mă Inh dan tang-dŏ Inh, anih mă Inh dan jơ̆ng tơ âu Inh gô oei hơdai ling-lang hăm adrĕch adrung Isơrael. Adrĕch Isơrael ưh pă pơm kơnê̆ 'mê̆-'mach kơ anăn 'lơ̆ng rơgoh Inh dơ̆ng, lu sư dah pơtao lu sư lăm tơdrong pơm pơyô kư̆ kă lu sư păng đơ̆ng lu akâu pơtao lôch tơ anih kơjung;

Êsêkiên 43:9

Dang ei lu sư athei hŭt lê̆ tơdrong pơm pơyô kư̆ kă păng akâu lu pơtao lôch ataih đơ̆ng Inh, Inh gô oei hơdai lu sư ling-lang hlŏng hloi.