I Pot 8:11 - Sơ̆p Hlabơar Nơ̆r 'Bok Kei-Dei

¹¹ Lu 'bok soi ưh kơ gơh dơ̆ng 'bơ̆t anih noh wă jang, yua kơ tơdrong hơdah rang mơnhal păng hơmơ̆l 'bĕnh kơ Hnam akŭm Kră Yang.

I Pot 8:11 Referans Kwoze

II Kor 4:6

Kơplah 'Bok Kei-Dei pơjing plĕnh teh sơ̆ Sư khan kơ măng mu athei đei hơdah na đei hloi. Na Sư kư̆m pơchrang tơdrong hơdah Sư tơ jơhngơ̆m đon nhôn, tơ muh măt Yêsu Krist, wă tơbăt kơ nhôn Sư Kră Yang 'Bok Kei-Dei mơsêh tơpă.

II Kor 3:18

Đĭ rim lu bơ̆n bơngai lui pơih lê̆ boih khăn noh, na lu bơ̆n gơh 'bôh muh măt Kră Yang Yêsu rang hơdah, khŏm khŏm lu bơ̆n rai đunh rai hơdah thoi Sư. Tơdrong hơdah noh Sư boih pơchrang ăn kơ lu bơ̆n. Sư kư̆m thoi Yang Bơhngol 'Lơ̆ng mă ăn kơ bơ̆n arih.

Êsêkiên 44:4

Đơ̆ng noh sư chông ba inh mơ̆t 'măng gah yă-nơ̆m tơ cham gah lăm 'bơ̆t anăp hnam akŭm. Inh lăng âu bơih, tơdrong ư-ang rang mơnhal Kră Yang 'bĕnh jơ̆p kơ hnam akŭm Kră Yang; na inh drap kŭp kơ̆l kơkuh.

Lêwi 9:23

Môis păng Arôn mơ̆t lăm Bơsŭn Anih Akŭm; kơplah sư wă lĕch đơ̆ng hnam noh, bre sư sơkat pŭn hiôk ăn kơ kon pơlei pơla. Na tơdrong ư-ang Kră Yang tơ'bôh 'bơ̆t anăp đĭ-đăng kon pơlei.

Tơdrông Tơ'bôh 21:23

Pơlei noh ưh kơ kăl kơ măt 'năr dah khei pơchrang hơdah ăn ôh, yua kơ tơdrong mơsêh 'Bok Kei-Dei hăm Kon Triu pơchrang ăn hơdah boih.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Êsêkiên 43:2

Inh 'bôh tơdrong ư-ang rang mơnhal Kră Yang 'Bok Kei-Dei Isơrael năm đơ̆ng gah hơlĕch đei jơwa nhen thoi đak ro tih, hơdah rang mơnhal ư-ang Kră Yang jơ̆p kơ teh.

Tơdrông Tơ'bôh 21:11

Pơlei ei 'lơ̆ng rŏ tơpă yua kơ đei 'Bok Kei-Dei oei tơ noh. Pơlei ei rang hơdah dang tơpei hu, dang tơpei maih, rang kok thoi amĭl.

Jang 7:55

Mă-lei Êtien 'bĕnh kơ Yang Bơhngol 'Lơ̆ng na Yang Bơhngol 'Lơ̆ng tơgŭm sư tơpă. Sư ngoi lăng tơ plĕnh 'bôh ŭnh pơchrang hơdah đơ̆ng 'Bok Kei-Dei. Sư kư̆m 'bôh Yêsu oei gah 'ma kơ 'Bă Sư mơ̆n.

Lêwi 9:6

Môis khan: 'Nâu tơdrong mă Kră Yang tơtă, lu iĕm pơm bĕ na tơdrong ư-ang Kră Yang gô tơ'bôh kơ lu iĕm.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Le 40:34

Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Le 40:35

dĭng mah Môis ưh kơ gơh kơ mơ̆t lăm Bơsŭn Anih Akŭm, yua kơ hơmơ̆l tơdrong hơdah rang mơnhal Kră Yang 'bĕnh kơ Bơsŭn.

I Pot 8:10

Kơplah lu 'bok soi lĕch đơ̆ng anih rơgoh đei hơmơ̆l gom 'bĕnh lăm Hnam Kră Yang.

I Pot 8:12

Kơplah noh pơtao Sôlômôn khan; “Kră Yang ih khan ih gô oei lăm hơmơ̆l măng mu.

II Ho 5:14

dĭng mah lu 'bok soi ưh kơ kĕ dơ̆ng wă bơ̆jang yua kơ hơmơ̆l jur tơdrong ư-ang rang mơnhal đơ̆ng Kră Yang mơ̆t 'bĕnh-'bang jơ̆p-jang kơ hnam akŭm 'Bok Kei-Dei.

Horiso 90:16

Apinh Ih tơ'bôh ăn kơ lu đĭch đam Ih tơdrong jang Ih. Păng tơdrong mơsêh ư-ang Ih pơchrang tơ kon sâu lu sư.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Le 29:43

Tơ noh Inh kư̆m wă gô tơ'bơ̆p lu kon pơlei Isơrael: 'Bơ̆t anih 'noh hăm tơdrong ư-ang Inh wă pơm kơ anih noh jing rơgoh 'lơ̆ng.

Êsai 6:1

Sơnăm pơtao Usia lôch, inh 'bôh Kră Yang tơoei kơpal tang-dŏ pơtao kơjung hloh kơ đĭ-đăng păng pơyom ao tai sư 'bĕnh kơ lăm hnam akŭm.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.