I Pot 8:1 - Sơ̆p Hlabơar Nơ̆r 'Bok Kei-Dei

¹ Pơtao Sôlômôn, krao akŭm đĭ lu kră pơgơ̆r, lu yŏng kơdră lăm adrĕch adrung Isơrael năm tơ sư tơ Pơlei Jêrusalem năm sơng Hom Pơgơ̆p Kră Yang đơ̆ng lăm pơlei Đawit tơ Siôn ba tơ Hnam akŭm Kră Yang.

I Pot 8:1 Referans Kwoze

I Ho 15:25

Na, Đawit, lu kră bơngai Isơrael păng lu yŏng pơgơ̆r minh-rơbâu linh, năm tung ba Hom Pơgơ̆p Kră Yang 'Bok Kei-Dei đơ̆ng hnam Ôbêt Eđôm hăm tơdrong hiôk chơt.

I Pet 2:6

Tơdrong noh thoi đe chih nơ̆r 'Bok Kei-Dei tơ lăm sơ̆p hla bơar Sư thoi âu: “Iĕm lăng Inh đei man minh pôm tơmo gĭt tơ Pơlei Siôn wă pơm hnam, tơmo noh gĭt tơpă na Inh iŏk Sư. Bu lui kơ tơmo noh huay kơ hli minh tơdrong kiơ ôh.”

Êsai 46:13

Inh ba tơdrong dŏng pơklaih truh jê̆, Sư ưh kơ ataih ôh, ưh kơ hiơ̆ ôh, Inh gô dŏng pơklaih pơlei Siôn, Ăn kơ bơngai Isơrael ư-ang kơ Inh bơngai.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Horiso 102:21

Wă kơ đe ră roi anăn Kră Yang lăm Siôn. Păng kơkuh bơnê kơ Sư tơ lăm Jêrusalem,

Horiso 9:11

Hơri bơnê bĕ kơ Kră Yang, Tơ'ngla oei lăm pơlei Siôn; Roi tơbăt kơ kon pơlei pơla tơdrong tih Sư pơm

Esơra 3:1

Truh khei tơpơh, kơplah kon pơlei Isơrael hlôi oei lăm pơlei sư kơdih boih, na kon pơlei akŭm băl minh pôm đon nhen thoi minh 'nu bơngai lăm pơlei Jêrusalem.

II Ho 30:1

Hesekia đei gơih nơ̆r sư kơ đĭ-đăng bơngai Isơrael păng lu bơngai Juđa, sư kư̆m chih hla bơar gơih ăn kơ bơngai Êphraim păng lu adrĕch Manase, wă kơ lu sư năm tơ Hnam Kră Yang tơ pơlei Jêrusalem, wă wang pơm giĕng Năm Brih 'blŏk hơdơ̆r kơ Kră Yang 'Bok Kei-Dei Isơrael.

I Ho 28:1

Đawit krao akŭm đĭ-đăng lu bơngai pơgơ̆r Isơrael, brŏk tơ pơlei Jêrusalem. Lu bơngai yŏng kơdră lăm adrĕch adrung, lu bơngai pơgơ̆r lăm khŭl mă bơ̆jang kơ pơtao, lu yŏng wei-lăng minh-rơbâu păng minh-hrĕng linh, lu bơngai wei-lăng mŭk tơmam lu sem dơrong pơtao hăm lu kon drŏ-nglo sư, hơdai hăm lu bơngai bơ̆jang lăm hnam pơtao păng đĭ-đăng lu bơngai gơh hơgei nuih pran kơtang.

I Ho 15:29

Lăp Hom Pơgơ̆p Kră Yang truh mơ̆t tơ lăm pơlei Đawit, na Mikal, kon drŏ-kăn Sôl, lăng đơ̆ng 'măng-'mŏk, 'bôh pơtao Đawit yŭn suang hiôk chơt, na lăm jơhngơ̆m sư areh ưh kơ lăp đon.

I Ho 15:3

Đawit krao akŭm đĭ-đăng bơngai Isơrael brŏk tơ pơlei Jêrusalem, wă iŏk Hom Pơgơ̆p Kră Yang 'Bok Kei-Dei 'măn tơ anih mă sư hơmet boih.

I Ho 11:7

Đawit oei lăm kơđông 'noh; na đe krao pơlei Đawit.

I Pot 3:15

Na Sôlômôn 'blơ̆ hơdơ̆r đơ̆ng tep mơn băt noh tơdrong apo. Sư iung brŏk tơ pơlei Jêrusalem, dơ̆ng 'bơ̆t anăp Hom Tơdrong Pơgơ̆p Kră Yang, pơyơ̆r tơmam soi 'buh păng pơyơ̆r tơmam soi bơnê păng pơih et sa tih hơdai hăm lu đĭch đam păng lu yŏng bơ̆jang kơ sư.

II Sam 6:6

Lăp truh tơ cham pơjuă 'ba Nakôn, Usa chro ti rôp Hom pơgơ̆p Kră Yang 'Bok Kei-Dei, yua kơ rơmo kơtơih.

Jôsuê 24:1

Jôsuê krao akŭm đĭ adrĕch adrung Isơrael tơ Sichem. Sư krao akŭm đĭ lu kră pơgơ̆r, lu kră sek tơlang păng lu yŏng pơgơ̆r linh; lu sư akŭm đĭ 'bơ̆t anăp Kră Yang 'Bok Kei-Dei.

Jôsuê 23:2

Jôsuê krao akŭm đĭ-đăng lu kră pơlei Isơrael, lu kră pơgơ̆r, lu kră sek tơlang păng lu yŏng pơgơ̆r linh na khan: Inh đĭ kră boih, arih sot, sơnăm đĭ lơ.

Jo 1:4

Bơngai kơdră pơgơ̆r lu adrĕch sư kơdih. Kư̆ lăm minh adrĕch athei đei minh 'nu bơ̆jang tơgŭm ih păng Arôn.

I Pot 2:10

Klaih kơ noh Đawit lôch, tep hiôk năm oei hơdai hăm lu 'bok yă sư, đe 'bŭ sư tơ pơlei Đawit.