I Pot 7:8 - Sơ̆p Hlabơar Nơ̆r 'Bok Kei-Dei

⁸ Hnam mă pơtao Sôlômôn oei sư pơm gah rŏng kơ hnam tih 'noh. Sư man lei-lăi thoi noh mơ̆n. Sư kư̆m pơm minh pôm hnam, ăn kơ akăn sư, kon drŏ-kăn Pharaôn, sư pơm lei-lăi thoi noh mơ̆n.

I Pot 7:8 Referans Kwoze

II Ho 8:11

Sôlômôn ba kon adruh pơtao Pharaôn đơ̆ng pơlei Đawit năm oei tơ hnam pơtao mă sư đei pơm ăn boih; yua kơ sư khan: Akăn inh ưh kơ oei lăm hnam pơtao Đawit, pơtao đe Isơrael yua kơ tơ anih ayơ Hom Kră Yang truh jing anih 'lơ̆ng rơgoh.

I Pot 3:1

Sôlômôn pơgơ̆p hơdai hăm Pharaôn dêh Êyiptơ, iŏk kon adruh Pharaôn pơm akăn, chông ba sư brŏk oei tơ pơlei Đawit, oei tơ noh dĭng truh sư keh pơm hnam pơtao sư, pơm hnam akŭm kơkuh kơ Kră Yang păng man dur tăp dăr pơlei Jêrusalem.

I Pot 9:24

Lăp kon drŏ-kăn pơtao Pharaôn năm đơ̆ng pơlei Đawit năm tơ hnam pơtao sư kơdih, mă hnam Sôlômôn pơm ăn kơ sư; pơtao kư̆m pơm dur wă găn lu ayăt.

II Pot 20:4

Êsai lĕch tam mă truh tŏk-bŏk pơlei, đei nơ̆r Kră Yang khan kơ sư:

I Pot 7:9

Đĭ-đăng hnam pơtao âu, sư pơm păng tơmo gĭt ngăl, sư bŏk blah teh tơmo âu pơtŏ hơgăt trŏ kiơ̆ gah rŏng păng gah klak. Mă đơ̆ng lăm truh tơ 'nguaih đơ̆ng ala truh tơ kơpal mă gah rŏng anăp.

I Pot 9:16

Pharaôn, pơtao char Êyiptơ tŏk tơgar blah iŏk pơlei Geser soh pơđĭ pơlei 'noh păng pơlôch đĭ kon bơngai Kanaan 'noh, đơ̆ng noh sư ăn kơ kon drŏ-kăn sư pơlei 'noh jing tơmam sư kơdih, kon drŏ-kăn sư 'noh akăn pơtao Sôlômôn.