I Pot 7:47 - Sơ̆p Hlabơar Nơ̆r 'Bok Kei-Dei

⁴⁷ Pơtao Sôlômôn sư ưh kơ đei kŏng lăng tơmam 'noh ôh, yua kơ tơmam lơ dêh, sư kư̆m ưh kơ đei kĕ hơlen kŏng lăng kong 'noh dôm yơ mơ̆n.

I Pot 7:47 Referans Kwoze

I Ho 22:14

'Nâu inh gleh hrat chă wă kơ đei tơmam pơm Hnam Kră Yang, pêng-rơbâu puăn-hrĕng pơđăm-jĭt tân maih, pêng-jĭt puăn-rơbâu tân hu, kong hăm bơsei ưh kơ kĕ jô̆ ôh, inh kư̆m chă 'long lơ păng tơmo. Ăn kơ lu iĕm chă thim dơ̆ng.

I Ho 22:3

Pơtao Đawit ăn lơ bơsei wă pơm kơđĭnh pơm, măng jang, pơm lu gơwŏk sư ăn kong đei lơlap ưh kơ kĕ jô̆.

II Ho 4:18

Pơtao Sôlômôn man pơm đĭ-đăng lu tơmam noh lơ tơpă yua kong pơm pă kĕ jô̆ dôm yơ.

I Ho 22:16

hăm maih, hu, kong, păng bơsei, lơlap lơlang ưh kơ kĕ jô̆: Iung pơm bĕ! Apinh Kră Yang oei hơdai hăm ih!”

II Pot 25:14

Lu sư kư̆m iŏk ba lu gŏ kong, chơ'mŏng gơ'bênh, săng kăt brai ŭnh kơđeng, pơnhan păng đĭ lu tơmam pơm hăm kong wă răk yua lăm hnam kơkuh kơ Kră Yang.

II Pot 25:16

Na 'bar tŏ jrăng kong, bơng đak pơm hăm kong, păng dôm lu 'long tơjră hăm kong tơmam mă Sôlômôn pơm lăm Hnam akŭm kơkuh kơ Kră Yang, ưh kơ đei bu gơh kŏng, gơh jô̆ kơsô̆ kong đơ̆ng lăm dôm tơmam.

Je 52:20

Bĕ kơ 'bar tŏ jrăng kong, bơng đak đak dơsĭ păng mơjĭt-'bar tŏ rup rơmo tơno pơm păng kong tơ ala, jơ̆ng dan bơng đei tang-wang wă tŭn mă pơtao Sôlômôn pơm lăm hnam Kră Yang. Kong mă đe pơm đĭ-đăng lu tơmam noh ưh pă kĕ kŏng ôh.