I Pot 7:40 - Sơ̆p Hlabơar Nơ̆r 'Bok Kei-Dei

⁴⁰ Sư kư̆m pơm gŏ glah chơ'mŏng păng kơthao. Thoi noh. Hiram bơ̆jang keh dôm tơdrong jang mă pơtao Sôlômôn pơjao ăn kơ sư jang lăm Hnam akŭm Kră Yang.

I Pot 7:40 Referans Kwoze

II Ho 4:8

Sư kư̆m pơm mơjĭt tŏ gơ'bang, tah lăm hnam akŭm, pơđăm tŏ gah gơal, pơđăm tŏ gah yă-nơ̆m, kư̆m đei pơm minh-hrĕng tŏ kơlăm păng maih wă mong pham.

I Pot 7:28

Sư pơm gre 'noh sư hling tơnăr hăm kong kơtă kơ akâu gre.

Le 24:6

Môis iŏk minh puăt pham mong lăm kơthao păng minh puăt nai dơ̆ng tuh tơ kơpal chơnang soi,

I Pot 7:39

Sư dan pơđăm tŏ gre gah gơal pơđăm tŏ gre gah yă-nơ̆m kơ hnam akŭm. Sư kư̆m pơdơ̆ng bơng đak 'bơ̆t mum thoi dơnâu 'noh sư kư̆m 'măn gah 'ma, sư tơwih gah hơlĕch gơal kơ Hnam akŭm.

I Pot 7:41

Pơm 'bar tŏ jrăng hăm kong, pơm kơ̆l sư hơgơn kơpal kơ 'bar tŏ jrăng kong, lu hơdrao hăm kong klơ̆p lê̆ kơpal kơ̆l jrăng.

I Ho 18:8

Đawit kư̆m blah iŏk mam kong lơ dêh, đơ̆ng pơlei Tiba hăm pơlei Kun lăm teh đak Hadadêser; mam kong noh pơtao Sôlômôn yua pơm bơng mong đak, jrăng păng lu tơmam yua nai.

II Ho 4:6

Sư kư̆m đei pơm mơjĭt tŏ bơng iĕ, wă ôp hơrao dan pơđăm tŏ gah gơal, pơđăm tŏ gah yă-nơ̆m, wă ôp dôm lu tơmam soi 'buh; bơng tih wă lê̆ kơ lu 'bok soi ôp hơrao tơ noh,

Le 27:3

Ih athei pơm kơthŭng mong ngar gŏ bô̆i mong tơnuh, kơthao mong đak, gơ'bênh, chơkrơ. Kơthŭng mong ngar pơm hăm kong ngăl.