I Pot 7:29 - Sơ̆p Hlabơar Nơ̆r 'Bok Kei-Dei

²⁹ Rim tơnăr 'noh sư hling đei rup dăm-brang, rup rơmo păng rup chêrubim, sư pơm kơpal păng ala kơ rup dăm-brang, rup rơmo, păng rup chêrubim đei chhơ̆ rup pơkao ngăl.

I Pot 7:29 Referans Kwoze

Tơdrông Tơ'bôh 5:5

Mă-lei đei minh 'nu lăm lu đe kră noh khan kơ inh thoi âu: “Ih 'nĕ pă nhơ̆m, to gô dăm-brang adrĕch adrung Juđa păng Đawit hek lăng hla bơar noh. Pôm Sư đĕch trŏ kơ hek lăng hla bơar noh, yua kơ Sư tơblah păng yang kơnê̆ jei Sư boih.”

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

Hêbrơ 9:5

Kơpal hom noh đe man 'bar tŏ rup linh jang 'lơ̆ng, đe anăn bre sư chêrôbin, bre sư bơyar pơnăr tơ kơpal kơ hom noh. Hom noh đe anăn anih 'Bok Kei-Dei pơklaih yoch, 'bar tŏ rup linh jang noh wă pơtih gia kơ 'Bok Kei-Dei oei lơ̆m anih noh. Inh kư̆m wă roi kơ iĕm tôm tơdrong noh, mă inh ưh kơ wăn ôh.

Hôsia 5:14

Inh gô jing thoi dăm-brang kơ lu bơngai Êphraim, thoi kon dăm-brang kơ bơngai Juđa. Inh boih gô kăp hek lu sư, na yak hloi tơ nai. Inh gô chông ba, ưh kơ đei bu gơh plah dŏng lu sư ôh.

Êsêkiên 10:14

Rim kơ chêrubim đei puăn tŏ muh măt; mă minh muh măt chêrubim, mă 'bar muh măt bơngai, mă pêng muh măt dăm-brang, mă puăn muh măt sem klang.

Êsêkiên 1:10

Muh măt lu sư thoi âu: Rim kơ lăm puăn tŏ noh đei muh măt thoi kon bơngai, rim lăm puăn tŏ noh đei muh măt dăm-brang gah 'ma; rim lăm puăn tŏ noh đei muh măt rơmo gah 'ngiĕo; păng rim lăm puăn tŏ noh đei muh măt sem klang.

I Pot 7:25

Bơng đak 'nâu dan kơpal kơdŭ rŏng mơjĭt-'bar tŏ rơmo tơwih băl kiĕng, pêng tŏ tơ'bong sư tơwih gah hơlĕch, pêng tŏ tơ'bong sư tơwih gah bơmơ̆t, pêng tŏ tơ'bong sư tơwih gah gơal, pêng tŏ gah yă-nơ̆m.

I Pot 6:27

Sôlômôn dan lê̆ 'bar tŏ rup chêrubim oei bơyar pơnăr noh lăm Anih Rơgoh Hloh lăm Hnam akŭm. Minh pah pơnăr pah âu hơtŭt kơ tơnăr pah âu, minh pah pơnăr pah to hơtŭt kơ tơnăr pah to, 'bar pah pơnăr tơ'bưh băl tŏk-bŏk lăm Anih Rơgoh Hloh.

Le 37:7

Pơm kơtă hloi 'bar tŏ rup chêrubim hăm maih 'bơ̆t 'bar pah jih Tơnglơ̆p Pơklaih Yoch.

Le 25:18

Kŭm pơm kơtă hloi 'bar tŏ rup chêrubim hăm maih, dan 'bar pah kơ̆l tơnglơ̆p tơdrong 'mêm mơnat,

Bl 3:24

Thoi noh Sư pơpuh tơweh kon bơngai đơ̆ng pơgar Êđen; đơ̆ng noh tơ gah hơlĕch Sư ăn Yang chêrubim hăm đao dăr rang mơnhal, wă kơ bơwei trong năm tơ tơnơm 'long tơdrong arih.

I Pot 7:28

Sư pơm gre 'noh sư hling tơnăr hăm kong kơtă kơ akâu gre.

I Pot 7:30

Rim kơ gre 'noh sư pơm puăn tŏ jơ̆ng păng tơnung sư hăm kong, puăn pah mum 'noh sư pơm đei jơ̆ng sư wă kơ pơdơ̆ng kơjăp. Puăn tŏ jơ̆ng 'nâu hling pơklep kơ akâu gre, gah đaih kơ jơ̆ng gre âu đei chhơ̆ rup pơkao tŏng-mŏng.