I Pot 7:2 - Sơ̆p Hlabơar Nơ̆r 'Bok Kei-Dei

² Sư pơm hnam pơtao tơ Bri Liban tor sư pơđăm-jĭt hlok, wơ̆l sư 'bar-jĭt pơđăm hlok, kơjung sư mơjĭt-pơđăm hlok. Sư pơtăm pêng trong jrăng hăm 'long hơngo; đei 'long tơpơng roh kơpal, jrăng sư kư̆m pơm hăm 'long hơngo.

I Pot 7:2 Referans Kwoze

I Pot 10:17

Pơtao kư̆m pơm pêng-hrĕng hlak khêl iĕ păng maih hling hơtăng, lăm rim kơ minh hlak khêl noh yua dang tơ 'bar kĭ. Pơtao tah 'măn khêl 'noh lăm hnam Bri char Liban.

II Ho 9:16

Păng pêng-hrĕng tŏ khêl iĕ hăm maih, minh hlak khêl trăp pêng-hrĕng beka maih; na pơtao 'măn khêl noh tơ lăm hnam Bri kơdrơ̆ng char Liban.

Hơri Hiôk 7:4

Hơko ih nhen thoi hnam thôt pơm păng bơla. Măt ih hlăng thoi đak dơnâu tơ pơlei Hesbôn, Jê̆ 'măng jang Bat Rabim. Muh ih nhen thoi hnam thôt char Liban. Lăng tơklă pơlei Đamas.

I Pot 10:21

Đĭ-đăng kơchŏk pơnhan wă nhă tă kơ pơm hăm maih ngăl păng đĭ-đăng dôm tơmam yua lăm hnam pơtao tơ Bri char Liban tă kơ pơm păng maih rơgoh, ưh kơ đei tơmam kiơ pơm păng hu. Lăm chăl pơtao Sôlômôn, hu ưh kơ gĭt ôh.

I Pot 9:19

Sôlômôn kư̆m đei pơm pơlei 'măn dôm tơmam, 'măn gre aseh, pơlei ăn kơ lu linh hao aseh oei păng dôm tơdrong Sôlômôn wă pơm lăm pơlei Jêrusalem, lăm char Liban păng đĭ-đăng lăm char sư pơgơ̆r.

I Pot 7:3

Ala bơbŭng hnam pơtao sư pơ̆ng sap hăm tơ̆r 'long hơngo, đei puăn-jĭt pơđăm tŏ hơpok pơjăng, minh trong roh mơjĭt-pơđăm tŏ, sư pơ̆ng hơgơn 'bơ̆t kơ̆l jrăng.

I Pot 9:1

Sôlômôn man Hnam akŭm Kră Yang, hnam sư kơdih păng dôm lu hnam mă sư man đang bơih.

Êsai 22:8

Sư iŏk lê̆ bơih tơmam bơwei dêh char Juđa, păng lăm năr noh iĕm gơnang kơ tơmam wă tơblah đơ̆ng hnam mong lăm bri.