I Pot 7:18 - Sơ̆p Hlabơar Nơ̆r 'Bok Kei-Dei

¹⁸ Huram sư kư̆m hling 'bar trong plei gărnăt hăm kong chô̆ tơ hơdrao rim kơ̆l jrăng wă pơgong sư 'lơ̆ng hơbŏ.

I Pot 7:18 Referans Kwoze

II Pot 25:17

Jrăng minh pôm, kơjung sư mơjĭt-tơhngam hơgăt, kơpal jrăng ei đei kơ̆l jrăng đe pơm hăm kong, noh kơjung sư pơđăm hơgăt, đe pơm tơkon hơdrao pơ̆n tăp dăr, păng plei gărnăt kư̆m pơm hăm kong mơ̆n. Jrăng mă 'bar kư̆m pơm lei-lăi kơ noh mơ̆n pơ̆n tơkon hơdrao hăm kong.

Le 28:22

Ih athei pơm rơbưn glang păng maih rơgoh, thoi tơlei kŭi tơ bơnal 'băk tơ kơtơh;

Le 28:14

Pơm 'bar dăng rơbưn glang iĕ păng maih rơgoh, thoi tơlei maih 'noh tơmơ̆t lăm kơ gơwŏk.

I Pot 7:17

Sư kư̆m hling hơdrao hăm kong dan tơ rim kơ̆l jrăng; rim kơ̆l jrăng sư pơm tơpơh dăng tơlei rơbưn hăm kong tanh gơwŏk đơ̆ng hơdrao kơ̆l jrăng, rơbưn âu sư pơm nhen thoi pơkao.

I Pot 7:19

Rim kơ̆l jrăng lăm kơdeng anăp sư hling thoi pơkao 'brê tih sư puăn hơgăt.

I Pot 7:41

Pơm 'bar tŏ jrăng hăm kong, pơm kơ̆l sư hơgơn kơpal kơ 'bar tŏ jrăng kong, lu hơdrao hăm kong klơ̆p lê̆ kơpal kơ̆l jrăng.