I Pot 6:23 - Sơ̆p Hlabơar Nơ̆r 'Bok Kei-Dei

²³ Sư kư̆m pơm lăm Anih Rơgoh Hloh noh 'bar tŏ rup chêrubim sư pơm hăm 'long ôliwơ kơjung sư pơđăm hlok.

I Pot 6:23 Referans Kwoze

I Pet 1:12

'Bok Kei-Dei tơbăt kơ lu sư dôm tơdrong lu sư wă pơma khan lê̆ hơdrol noh, Sư ưh kơ ăn truh chăl arih lu sư ôh, Sư ăn truh chăl arih lu bơ̆n dang ei. Thoi noh na 'Bok Kei-Dei ăn Yang Bơhngol 'Lơ̆ng Sư jur oei hăm lu 'bok bơtho tơdrong 'nao 'lơ̆ng Yêsu Krist, na lu 'bok bơtho noh roi tơbăt kơ iĕm boih tơdrong Sư wă pơklaih bơ̆n noh. Lu linh jang kơpal plĕnh kư̆m wă kơ hlôh tơdrong 'noh mơ̆n.

Hêbrơ 1:14

Đĭ-đăng kơ lu linh jang, 'Bok Kei-Dei wơh lu sư jur chă tơgŭm lu kon bơngai mă Sư pơklaih ăn oei hơdai hăm Sư ning-mônh.

Êsai 37:16

Ơ Kră Yang Tih Hloh, 'Bok Kei-Dei đe Isơrael, Tơ'ngla hơ-oei tŏk-bŏk chêrubim, lăp minh Ih đĕch jơ̆ Kră Yang 'Bok Kei-Dei mă pơgơ̆r rim teh đak; Ih bơih pơjing plĕnh păng teh.

Horiso 80:1

Ơ Kră Yang mă wei-lăng Isơrael. Ơ Kră Yang chông anhăk adrĕch Jôsep thoi khŭl triu. Pơgling đon mơ̆ng bĕ. Ơ Kră Yang oei tơ kơpal chêrubim pơchrang bĕ hơdah Ih,

Horiso 18:10

Sư hao chêrubim, na păr; Sư păr đông hăm pơnăr jơwa kial.

Bl 3:24

Thoi noh Sư pơpuh tơweh kon bơngai đơ̆ng pơgar Êđen; đơ̆ng noh tơ gah hơlĕch Sư ăn Yang chêrubim hăm đao dăr rang mơnhal, wă kơ bơwei trong năm tơ tơnơm 'long tơdrong arih.

I Pot 6:24

Minh pah pơnăr chêrubim să 'bar hlok minh puăt, minh pah dơ̆ng kư̆m 'bar hlok minh puăt, na đơ̆ng pah âu truh tơ jih pah to pơnăr đei pơđăm hlok.

I Pot 6:31

Trong wă mơ̆t lăm Anih Rơgoh Hloh, sư pơm 'bar pah tơnang 'măng hăm tơ̆r 'long ôliwơ, 'long pơdơ̆ng đei pơđăm pah.

I Pot 6:32

'Bơ̆t 'bar pah tơnang 'măng pơm hăm 'long ôliwơ noh, sư chhơ̆ rup chêrubim, 'long gol păng pơkao 'nao tơlang, sư hling hăm maih tơ rup chêrubim păng 'bơ̆t rup 'long gol rup pơkao 'nao tơlang.

Êsêkiên 41:24

Rim 'măng đei 'bar pah tơnang 'măng, noh tơnang 'măng gơh tang gah âu 'bar pah, gah to 'bar pah.