I Pot 6:12 - Sơ̆p Hlabơar Nơ̆r 'Bok Kei-Dei

¹² “Gah Hnam akŭm mă ih oei pơm dang ei 'nâu, tơdah ih chu pơm kiơ̆ nơ̆r Inh tơtă păng chĕp răk dôm tơdrong juăt Inh bơtho khan, wei răk nơ̆r Inh tơtă păng pơm kiơ̆, lei inh gô pơsĭt lu nơ̆r inh đei pơkă kơ 'bă ih Đawit lăm chăl arih ih.

I Pot 6:12 Referans Kwoze

I Ho 22:10

Sư boih gô pơm hnam kơ Anăn Inh. Sư gô jing kon drŏ-nglo Inh, păng Inh gô jing 'bă sư. Inh gô pơm tang-dŏ pơtao sư lăm char Isơrael ling-lang khŏm khŏm.

Kôlôsê 1:23

Na iĕm kư̆ kơ lui mă kơjăp, lui khŏm khŏm na huay kơ achăng lê̆ tơdrong 'nao 'lơ̆ng Sư, tơdrong mă bơ̆n gô oei hiôk jơnap hăm 'Bok Kei-Dei. Iĕm kơtơ̆ng boih đe anăn tơdrong 'nao 'lơ̆ng; tơdrong 'nao 'lơ̆ng noh boih đe bơtho jơ̆p-jang kơ teh đak, na inh dang ei kư̆m bơtho tơdrong 'noh mơ̆n.

Horiso 132:12

Tơdah lu kon ih wei răk nơ̆r Inh pơgơ̆p. Păng nơ̆r tơtă mă Inh gô bơtho kơ lu sư, Lei kon hơ'lơ̆p lu sư kư̆m gô oei tơ kơpal tang-dŏ pơtao ih ling-lang hlŏng hloi.”

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

I Pot 8:25

“Dang ei, ơ Kră Yang 'Bok Kei-Dei Isơrael! Apinh Ih pơm pơkeh bĕ đơ̆ng nơ̆r Ih pơkă hăm 'bă inh Đawit, đĭch đam Ih. Ih đei pơkă khan: “'Bơ̆t anăp Inh ih ưh kơ đei khăi ôh bơngai gô hơ-oei kơpal tang-dŏ pơtao Isơrael tơdah lu kon sâu ih năm rok trong ih mă năm adrol bơih 'bơ̆t anăp Inh.”

II Sam 7:5

“Athei năm khan kơ Đawit, đĭch đam Inh Kră Yang khan thoi âu” Ih wă pơm kơ Inh hnam oei hă?

I Pot 6:11

Đei nơ̆r Kră Yang khan kơ pơtao Sôlômôn:

I Pot 11:10

Khan kơ sư bơih ih 'nĕ kơ kiơ̆ lu yang nai; mă-lei sư ưh kơ chu kiơ̆ nơ̆r Kră Yang tơtă.

Je 7:5

Tơdah lu iĕm tơplih ming trong arih păng tơdrong jang lu iĕm tơpă, tơdah lu iĕm pơm 'lơ̆ng tơpăt tơduă lu iĕm mă tơpă.