I Pot 6:1 - Sơ̆p Hlabơar Nơ̆r 'Bok Kei-Dei

¹ Lăm sơnăm puăn-hrĕng tơhngam-jĭt đơ̆ng rŏng kơ lu bơngai Isơrael lĕch đơ̆ng dêh char Êyiptơ; sơnăm mă puăn lăm chăl Sôlômôn pơgơ̆r lu bơngai Isơrael, kơplah khei Siu wă khan khei mă 'bar, sư pơtơm pơdơ̆ng tơiung pơm Hnam akŭm Kră Yang.

I Pot 6:1 Referans Kwoze

Jang 7:47

Mă-lei Đawit ưh kơ pơm ôh hnam ei, yua kơ 'Bok Kei-Dei ưh kơ ăn kơ sư pơm. Mă-lei kon Đawit Sôlômôn pơm.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Ho 29:19

Apinh Ih ăn kơ Sôlômôn, kon drŏ-nglo inh, đĭ jơhngơ̆m wei răk lu nơ̆r tơtă khôi juăt păng nơ̆r Ih pơkă pơkăm kư̆m pơm tôm tơdrong jang wă, man tơiung hnam mă inh đei chă hơmet lê̆ tơmam bơih.”

I Pot 6:37

Lăm sơnăm mă puăn, 'blep kơ khei Siu. Hnam akŭm Kră Yang man pơdơ̆ng jrăng.

Hêbrơ 11:10

Ưh kơ sĭ sư chang gô 'Bok Kei-Dei ăn kơ sư teh đak âu đĕch ôh, sư kư̆m chang gô 'Bok Kei-Dei wă ăn kơ sư oei tơ Pơlei 'Lơ̆ng 'Bok Kei-Dei tơ plĕnh ti. Pơlei noh pơlei dơnơ̆ng ling-lang ưh kơ tôch.

Hêbrơ 9:11

Na dang ei Yêsu Krist truh boih, Sư pơm 'bok soi ăn dôm tơdrong hiôk 'lơ̆ng kơ bơ̆n. Sư jang awih awăn tơ lăm hnam 'Bok Kei-Dei rŏ hloh kơ hnam akŭm lu bơngai noh sơ̆. Hnam Sư ei ưh kơ pơm păng ti kon bơngai ôh păng hnam ei ưh kơ trŏ kơ tơ teh âu ôh, hnam ei tơ plĕnh ti.

Kôlôsê 2:7

Sư pơm tơm kơ bơ̆n na iĕm athei gơnang kơ Sư mă tơpă wă kơ lui kơjăp kiơ̆ thoi đe bơtho iĕm sơ̆, na tơdrong lui iĕm rai đunh rai wơ̆. Mă tôm tơdrong kiơ kiơ athei bơnê kơ 'Bok Kei-Dei ngăl.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

I Kor 6:19

Akâu bơ̆n jing hnam Yang Bơhngol 'Lơ̆ng đơ̆ng 'Bok Kei-Dei ăn Sư oei lăm akâu bơ̆n. Na akâu bơ̆n ưh pă jing thoi lĕ tơmam bơ̆n ôh, dang jing tơmam 'Bok Kei-Dei boih,a

Sa 6:15

Lu bơngai đơ̆ng ataih năm păng tơgŭm pơjing pơdơ̆ng hnam Kră Yang; păng ih gô băt Kră Yang Tih hloh wơh boih inh năm tơ âu. Tơdah ih chơgăm pơnam pơm kiơ̆ nơ̆r Kră Yang 'Bok Kei-Dei ih, na tơdrong noh gô truh.

Lu 11:26

Lăm pêng-hrĕng sơnăm mă lu bơngai Isơrael blah iŏk oei tơ pơlei Hesbôn păng lăm lu pơlei iĕ pơlei Arôe hăm lu pơlei iĕ sư păng đĭ-đăng pơlei oei tơter đak Krong Arnôn; liơ mă ih ưh kơ blah iŏk teh noh kơplah noh?

Jo 1:1

Năr mônh khei 'bar, sơnăm mă 'bar, đơ̆ng rŏng kơ adrĕch bơngai Isơrael lĕch hlôi đơ̆ng char Êyiptơ, Kră Yang khan kơ Môis oei lăm Bơsŭn Anih Akŭm tơ Thŭng glă Sinai:

Jang 13:19

Đơ̆ng hơdrol sơ̆ lu bơngai Isơrael oei chang gô Kră Yang 'Bok Kei-Dei wă ăn kơ lu sư teh đak Kanaan ei dang oei pă puăn-hrĕng pơđăm-jĭt sơnăm 'mơ̆i na truh. Na truh boih puăn-hrĕng pơđăm-jĭt sơnăm, Kră Yang 'Bok Kei-Dei pơlôch pơrăm tơpơh khŭl bơngai ei na teh đak lu đe ei 'Bok Kei-Dei ăn kơ lu bơngai Isơrael. 'Bok Kei-Dei ăn kơ lu sư đei lu kră sek tơlang kơdih sư truh tơ 'bok Samuel, bơngai pơtruh nơ̆r 'Bok Kei-Dei sơ̆.

I Pot 6:2

Hnam akŭm mă Sôlômôn pơm ăn kơ Kră Yang 'noh, tor sư pêng-jĭt hlok, wơ̆l sư mơjĭt păng kơjung sư mơjĭt-pơđăm hlok.

I Ho 6:10

Jôhanan pơjing Asaria, bơngai mă pơm 'bok soi lăm hnam akŭm Sôlômôn man tơ pơlei Jêrusalem.

Esơra 5:11

Lu sư tơl nơ̆r thoi âu: Lu nhôn boih đĭch đam Kră Yang 'Bok Kei-Dei, Kră Yang pơgơ̆r đĭ-đăng plĕnh păng teh; lu nhôn oei wă pơm pơjing dơ̆ng hnam akŭm, đunh sơnăm boih adrol kơ âu đei minh 'nu pơtao mơdrŏng đe pơyua lăm Isơrael đei pơjing păng pơm.

Horiso 78:69

Sư pơdơ̆ng hnam 'lơ̆ng rơgoh Sư thoi anih tơ plĕnh ti Thoi plei teh mă sư đei pơjing boih kơjăp ling-lang

Hagai 1:8

Tŏk bĕ tơ kơpal kông, chĕp ba tơ̆r brŏk păng pơjing hnam, Inh gô iŏk chhơp jơhngơ̆m păng Inh đei ư-ang,’ Kră Yang khan thoi noh.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

II Ho 3:3

'Nâu hơnă mă Sôlômôn đei man wă pơm hnam Kră Yang 'Bok Kei-Dei: Să, kiơ̆ kơ hơgăt sơ̆, tor Sư tơdrâu-jĭt hơgăt; wơ̆l 'bar-jĭt hơgăt.

Êsêkiên 41:1

Sư anhăk ba inh tơ lăm anih 'lơ̆ng rơgoh, Sư pơtŏ lu jrăng tơjră, să sư đei tơdrâu hơgăt, jrăng rim pah tŏ ăi.