I Pot 5:9 - Sơ̆p Hlabơar Nơ̆r 'Bok Kei-Dei

⁹ Lu đĭch đam inh gô dui hor 'long noh đơ̆ng char Liban ba tơ đak dơsĭ, na chô̆ pơm thoi thŏng-nan chơ ăn kơ ih truh tơ anih mă ih tơhlâu ăn kơ inh. Inh gô yuih lê̆ tơ noh ih gô iŏk đơ̆ng noh. Ih athei bơngơ̆t kiơ̆ thoi inh wă ăn kơ đĭ ŭnh hnam nhôn tơmam sa.”

I Pot 5:9 Referans Kwoze

Êsêkiên 27:17

Char Juđa păng teh đak Isơrael mơdro sa hăm ih; lu sư tĕch 'ba mi, 'ba tơ'bâu, 'bĕng 'ngam, đak sut, đak rơmă ôliwơ păng pơgang 'bâu phu wă tơplih iŏk tơmam ih

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.

Jang 12:20

Pơtao Hêrôt đơ̆ng sơ̆ boih sư oei ơh kơ lu bơngai Pơlei Tirơ păng lu Pơlei Siđôn. Na lu bơngai ei năm tơ sư. Lu sư pơlung Blastơ tơgŭm lu sư na sư khan wă tơgŭm mơ̆n. Sư bơngai wei-lăng hnam pơtao Hêrôt. Lu sư wă kơ Hêrôt hiôk păng sư yua kơ lu sư wă năm răt tơmam sa ling-lang đơ̆ng dêh pơtao Hêrôt pơgơ̆r, yua kơ tơmam sa lăm pơlei sư ưh kơ gan mah.

II Ho 2:16

Na lu nhôn gô năm kăl 'long đơ̆ng char Liban kiơ̆ dôm yơ ih kăl wă, chô̆ pơm hơkĭ pơđông rok đak trong dơsĭ truh tơ Pơlei Jôpa, đơ̆ng noh ih gô iŏk hơtŏk ba tơ Pơlei Jêrusalem.”

II Ho 1:15

Pơtao akŭm mong lu hu maih lăm Pơlei Jêrusalem lơ thoi tơmo hơga păng akŭm 'măn 'long hơngo lơ thoi 'long hơra bri lăm thŭng dơnă.

Both 3:25

Inh apinh Ih ăn kơ inh gơh 'bôh teh đak 'lơ̆ng rŏ, hăm kông groi tih rŏ păng kông Liban mă oei pah to đak Krong Jôrđăn.

I Pot 5:8

Na Hiram sư wơh bơngai năm roi kơ Sôlômôn: “Inh kơtơ̆ng bơih nơ̆r ih wơh lu đĭch đam ih pơtruh kơ inh kiơ̆ thoi ih wă chă kăl 'long hơngo, hơngo hla iĕ.

I Pot 5:10

Thoi noh Hiram kăl ăn kơ Sôlômôn 'long hơngo păng 'long hơngo hla iĕ kiơ̆ thoi sư apinh wă.

I Pot 9:27

Đơ̆ng noh Hiram wơh đĭch đam sư, wă khan lu bơngai hơgei huơ̆r thŏng-nan lăm đak dơsĭ năm tơgŭm hơdai lu đĭch đam Sôlômôn.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

I Pot 4:20

Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

II Ho 9:22

Thoi noh boih na pơtao Sôlômôn đe ang hloh kơ lu pơtao kơpal teh âu kơ tơdrong sư mơdrŏng păng tơdrong sư hơgei.

Jop 32:8

Mă-lei đei Yang bơhngol 'lơ̆ng oei lăm kon bơngai, Păng hơyuh kial dui jơhngơ̆m Kră Yang Tih Hloh ăn kơ sư tơdrong hlôh gơh hơgei.

Bôk Bơthô 1:16

Inh pơma lăm to khan: “Âu inh đei boih tơdrong hơgei tih hloh kơ đĭ-đăng lu bơngai mă oei adrol kơ inh tơ pơlei Jêrusalem. Jơhngơ̆m inh 'bôh tơpă boih lơ tơdrong hlôh băt, gơh hơgei.”