I Pot 5:6 - Sơ̆p Hlabơar Nơ̆r 'Bok Kei-Dei

⁶ Thoi noh na ih athei lu đĭch đam ih kăl tơgŭm inh 'long hơngo đơ̆ng char Liban, na inh kư̆m gô athei lu đĭch đam inh hai dai wang jang tơgŭm đĭch đam ih, inh gô apah lu đĭch đam ih gô mơ̆ng kơ đơ̆ng ih hơgăt, yua kơ ih kư̆m băt mơ̆n lu nhôn ưh kơ juăt kơ kăl 'long thoi lu kon pơlei Siđôn ôh.”

I Pot 5:6 Referans Kwoze

II Ho 2:8

Kŭm athei gơih ăn kơ inh 'long hơngo, 'long hơngo hla iĕ, 'long kơte đơ̆ng char Liban, yua kơ inh băt lu bơngai jang kơ ih juăt kơ kăl 'long đơ̆ng char Liban, lu bơngai jang kơ inh gô jang hơdai lu bơngai bơ̆jang đơ̆ng ih.

Philip 4:8

Ơ lu 'nhŏng oh, iĕm kơtơ̆ng boih tơdrong noh na iĕm athei tơchĕng tơdrong kiơ 'lơ̆ng, tơdrong kiơ tơpăt, tơdrong kiơ trŏ, tơdrong kiơ kăl, tơdrong kiơ đe ư-ang, tơdrong kiơ hơiă, tơdrong kiơ kon bơngai lăp đon, tơdrong kiơ đe tơ'mêm băl.

Êphêsô 4:7

Đơ̆ng năr bơ̆n pơtơm lui lăp pôm tơdrong hơgei đĕch Yêsu ăn kơ bơ̆n phara.

Rom 12:17

Đe pơm kơnê̆ kơ bơ̆n, bơ̆n 'nĕ pơm tơwih kơ đe, bơ̆n athei pơm 'lơ̆ng pơm trŏ, pơm kiơ̆ kơ tơdrong bôl buăl mă lăp đon; bơ̆n pơm thoi noh đĕch 'lơ̆ng.

Horiso 29:5

Nơ̆r Kră Yang pơm pơchah tơgơ̆ kơ 'long dơnơ̆ng pơchah. Tơpă, Kră Yang pơm tơgơ̆ kơ 'long dơnơ̆ng Liban.

Esơra 3:7

Lu sư asong ăn jên kơ lu bơngai gơh blah tơmo man păng lu bơngai gơh jang 'long păng ăn lu tơmam sa, đak nhă păng đak rơmă ăn kơ kon pơlei Siđôn păng kon pơlei Tirơ wă wơh lu sư chă 'long hơngo đơ̆ng Liban dui trong đak dơsĭ truh tơ Jôpa, đơ̆ng chơ truh tơ pơlei Jêrusalem kiơ̆ kơ Sirus pơtao đe Phersia đei tơjur athei.

II Ho 2:10

Inh gô ăn lu bơngai jang, kăl 'long đơ̆ng ih, 'bar-jĭt rơbâu kôr (dang 'bar-hrĕng puăn-jĭt kĭ) 'ba tơ'bâu, 'bar-jĭt rơbâu kôr 'ba mi, 'bar-jĭt rơbâu lit sik hơmu păng 'bar-jĭt rơbâu lit đak rơmă ôliwơ.”

I Pot 6:20

Lăm anih Rơgoh hloh noh tor sư mơjĭt hlok, wơ̆l sư mơjĭt hlok păng kơjung sư kư̆m lei-lăi mơjĭt hlok; sư lom anih Rơgoh hloh hăm maih rơgoh sư kư̆m lom chơnang soi hăm tơ̆r, 'long hơngo.

I Pot 6:16

Pơtao iŏk 'long hơngo, sư pĕng pơgăn anih mơjĭt hlok lăm Hnam akŭm, đơ̆ng hơnă truh tơ bơbŭng, noh Anih Rơgoh đe krao Anih Rơgoh Hloh.

Bl 10:15

Kanaan pơjing Siđôn, kon drŏ-nglo kơdră sư păng Hêt.

I Pot 5:7

Lăp pơtao kơtơ̆ng nơ̆r Sôlômôn pơma thoi noh, na sư hiôk dêh sư khan: Kơkuh bơnê kơ Kră Yang năr 'nâu Sư ăn kơ Đawit đei minh 'nu kon drŏ-nglo gơh hơgei tôm tơdrong wă pơgơ̆r kon pơlei pơla tih dêh thoi âu.

I Pot 9:27

Đơ̆ng noh Hiram wơh đĭch đam sư, wă khan lu bơngai hơgei huơ̆r thŏng-nan lăm đak dơsĭ năm tơgŭm hơdai lu đĭch đam Sôlômôn.

I Ho 22:4

Sư ăn 'long hơngo kư̆m ưh kơ kĕ jô̆ ôh yua kơ lu bơngai Siđôn hăm lu bơngai Tirơ chơ ba lơ dêh 'long hơngo ăn kơ Đawit.

Sa 11:12

Inh khan kơ lu sư thoi âu: “Tơdah iĕm tơchĕng khan trŏ ăn jên apah Inh, dah ưh lei lê̆.” Lu sư kŏng tơmam apah Inh, noh pêng-jĭt tơpei jên hu.

Both 17:16

Mă-lei pơtao ei 'nĕ kơ mah hiơ̆k dêh wă kơ đei aseh lơ, wă chông ba kon pơlei brŏk hơlơ̆k dơ̆ng tơ dêh Êyiptơ chă aseh; đơ̆ng Kră Yang khan: Lu iĕm 'nĕ pă wih brŏk dơ̆ng trong noh.

I Pot 9:19

Sôlômôn kư̆m đei pơm pơlei 'măn dôm tơmam, 'măn gre aseh, pơlei ăn kơ lu linh hao aseh oei păng dôm tơdrong Sôlômôn wă pơm lăm pơlei Jêrusalem, lăm char Liban păng đĭ-đăng lăm char sư pơgơ̆r.

I Pot 10:26

Pơtao Sôlômôn akŭm pơđĭ gre aseh păng aseh, minh-rơbâu puăn-hrĕng gre aseh păng mơjĭt-'bar rơbâu aseh. Sư 'măn gre aseh lăm lu pơlei lu linh đei lu gre aseh jê̆ pơtao tơ Pơlei Jêrusalem.

II Ho 1:14

Sôlômôn akŭm lu gre aseh păng aseh, đei minh-rơbâu puăn-hrĕng tŏ gre aseh păng mơjĭt-'bar rơbâu tŏ aseh; 'măn lê̆ lăm pơlei tah gre aseh kư̆m hơdai hăm pơtao lăm Pơlei Jêrusalem.