I Pot 4:31 - Sơ̆p Hlabơar Nơ̆r 'Bok Kei-Dei

³¹ Sư hơgei dêh hloh kơ đĭ-đăng lu bơngai hơgei, kư̆m hơgei hloh kơ Êthan, bơngai Esra, hloh kơ Hêman, hloh kơ Kalkôl păng hloh kơ Đarđa lu kon drŏ-nglo Mahôl. Păng tơdrong ư-ang kơ sư kơtơ̆ng tơ jơ̆p-jang kơ dêh char tăp dăr.

I Pot 4:31 Referans Kwoze

I Ho 15:19

Lu bơngai hơri, Hêman, Asap păng Êthan, preh chhar kong.

I Ho 2:6

Kon drŏ-nglo Sêra: Simri, Êthan, Hêman, Kalkôl păng Dara đei pơđăm 'nu.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Luka 11:31

Truh năr 'Bok Kei-Dei sek tơlang ning-mônh, đei yă pơtao đơ̆ng dêh Sêba jô̆ kơ lu jơhnơr iĕm dang ei bơngai yoch tih, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho hơgei. Iĕm âu đei bơngai bơtho hơgei hloh kơ pơtao Sôlômôn bơtho ră mă-lei kuă kơ tơbral kơdih tơdrong yoch.

Mathiơ 12:42

Truh năr 'Bok Kei-Dei sek tơlang ning-mônh kư̆m đei minh 'nu yă pơtao đơ̆ng dêh Sêba wang jô̆ kơ lu jơhnơr iĕm dang ei bơngai yoch, yua kơ sơ̆ sư đơ̆ng dêh ataih kư̆m adrin năm mơ̆ng pơtao Sôlômôn bơtho, mă-lei iĕm âu đei bơngai bơtho hơgei hloh kơ pơtao Sôlômôn bơtho ră pơm kuă kơ tơbral kơdih tơdrong yoch.

I Ho 6:33

'Nâu lu bơngai bơ̆jang hơdai hăm kon drŏ-nglo lu sư: Lăm kon sâu Kôhat: Đei Hêman bơngai gơh hơri, kon drŏ-nglo Jôel, Jôel kon drŏ-nglo Samuel,

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Horiso 88:1

Ơ Kră Yang, 'Bok Kei-Dei, Tơ'ngla dŏng pơklaih inh măng năr inh krao ôr 'bơ̆t anăp Ih.

II Ho 9:23

Đĭ-đăng lu pơtao lăm teh 'maih tơ'bơ̆p pơtao Sôlômôn, wă mơ̆ng đon gơh hơgei đei đơ̆ng Kră Yang 'Bok Kei-Dei ăn lăm kơ̆l đon tơchĕng sư.

I Ho 15:17

Na bơngai Lêwi athei hloi Hêman kon drŏ-nglo Jôel đơ̆ng lăm lu 'nhŏng oh sư, Asap, kon drŏ-nglo Bêrekia, đơ̆ng lu bơngai Mêrari, iŏk Êthan, kon drŏ-nglo Kusaia;

I Pot 10:6

Sư khan kơ pơtao Sôlômôn: “Dôm tơdrong inh kơtơ̆ng đe roi lăm char inh gah nơ̆r pơma păng tơdrong gơh hơgei ih trŏ tơpă bơih.

I Pot 10:1

Wă yă pơtao dêh char Sêba kơtơ̆ng đe ư-ang kơ pơtao Sôlômôn đơ̆ng anăn Kră Yang, sư năm tơ noh wă pơlong lăng tơdrong hơgei Sôlômôn hăm tơdrong pơpơn tơnat.

I Pot 5:7

Lăp pơtao kơtơ̆ng nơ̆r Sôlômôn pơma thoi noh, na sư hiôk dêh sư khan: Kơkuh bơnê kơ Kră Yang năr 'nâu Sư ăn kơ Đawit đei minh 'nu kon drŏ-nglo gơh hơgei tôm tơdrong wă pơgơ̆r kon pơlei pơla tih dêh thoi âu.

Da 1:20

Na pơtao apinh lu sư tôm tơdrong gah tơdrong gơh hơgei, na 'bôh lu sư gơh hơgei hloh kơ bơngai păng bơngai tơwir lăm jơ̆p kơ dêh char sư mơjĭt wơ̆t 'mơ̆i.