I Pot 4:20 - Sơ̆p Hlabơar Nơ̆r 'Bok Kei-Dei

²⁰ Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

I Pot 4:20 Referans Kwoze

I Pot 3:8

Inh đĭch đam Ih oei tŏk-bŏk kon pơlei pơla mă Ih rơih bơih, minh khŭl bơngai lơ kơdrâ̆m ưh kơ kĕ jô̆.

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 32:12

Na Ih đei khan thoi âu: Sĭt tơpă inh gô ăn pŭn hiôk kơ ih păng ăn kơ adrĕch adrung ih chek lar thoi chuơh đak dơsĭ, ưh kơ đei bu kĕ jô̆ yua kơ lơ tơpă.’ ”

Jang 2:46

Rim năr lu sư akŭm tơ hnam akŭm 'Bok Kei-Dei tơm, hăm akŭm tơ lăm hnam sư kơdih. Lu sư sŏng sa hơdai dih băl 'blŏk hơdơ̆r kơ Yêsu. Lu sư chơt hiôk tơpă.

Sa 9:15

Kră Yang Tih Hloh gô tơgŭm dŏng lu sư, lu sư gô pơrăm hăm jei kơplah klơ̆m tơmo, lu sư gô huch suai ôr tơjrông tơjrang đơ̆ng sik hơmu pơm kơ lu sư, lu sư phĭ hrăp thoi pơnhan thoi đe hling tơ lu mum jơ̆ng gơ'bang soi.

Sa 3:10

Kră Yang khan: “Lăm năr noh, lu iĕm gô krao pơtơm lu bôl buăl rông 'bôt hơ-oei ala tơm hơmu păng tơm 'long hơra.”

Mi 4:4

Rim 'nu gô tơoei ala tơm hơmu sư kơdih păng ala tơm 'long hơra sư, ưh pă đei bu wă pơm kơ lu sư hli tơtăm; yua kơ nơ̆r đơ̆ng 'bơ̆r Kră Yang Tih Hloh khan thoi noh boih.

Êsai 22:13

Mă-lei lăng to lăm lu iĕm đei tơdrong chơt hiôk kư̆ kă 'bet sa rơmo, 'buh sa triu, sa 'nhĕm, et tơdrô: “Et sa bĕ yua kơ dơning bơ̆n gô lôch!”

Bôk Bơthô 2:24

Tơdrong 'lơ̆ng hloh mă kon bơngai gơh pơm noh sŏng sa, nhă đak păng chơt hiôk lăm tơdrong jang. Inh 'bôh boih tơdrong noh Kră Yang 'Bok Kei-Dei ăn.

Tơdrông Pơđơk 14:28

Kon pơlei đei lơ noh jing ư-ang kơ pơtao. Bơngai kơtuei kon pơlei tŏ sĕt noh răm kơ bơngai pơgơ̆r.

Jop 1:18

Bơngai âu oei pơma, na minh 'nu bơngai nai dơ̆ng truh năm roi: “Lu kon drŏ-nglo păng kon drŏ-kăn ih oei et sa tơ hnam 'nhŏng kơdră lu sư.”

I Ho 12:39

Lu sư oei hăm pơtao Đawit pêng năr păng sŏng sa hơdai tơ noh yua kơ 'nhŏng oh lu sư hơmet ăn.

I Sam 30:16

Bơngai Êyiptơ chông ba lu sư năm truh. Lu sư 'bôh kon pơlei Amalek jơ̆p-jang kơ teh, et sa, chơt hiôk, yua kơ lu sư tơgar iŏk lơ tơmam đơ̆ng lăm dêh Philistin păng lăm dêh Juđa.

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 13:16

Inh gô pơm ăn kơ adrĕch adrung ih lơ thoi 'mui teh; kơna dah bu kĕ jô̆ 'mui teh, lei sư kư̆m kĕ jô̆ adrĕch adrung ih.

I Pot 4:29

'Bok Kei-Dei ăn kơ Sôlômôn hlôh băt tih dêh hăm đon hlôh wao dêh pă kĕ jô̆ nhen thoi chuơh cheng đak dơsĭ.

II Pot 18:31

'Nĕ kơ mơ̆ng Hesekia, pơtao đe Asiri khan: “Athei hiôk hăm nhôn păng kŭp kơ̆l yơ̆r ti kơ nhôn bĕ; na rim 'nu lăm lu iĕm gô đei sa plei 'long lăm pơgar hơmu iĕm kơdih păng plei hơra iĕm, păng nhă đak sơlŭng iĕm kơdih,

I Ho 22:9

Ih gô đei minh 'nu kon drŏ-nglo; sư gô jing minh 'nu bơngai drŏ-nglo hiôk rơnŭk, inh gô ăn kơ sư rơnŭk rơnua păng ăn pơdơh đơ̆ng đĭ-đăng ayăt tăp dăr kơ sư. Krao anăn sư Sôlômôn, Inh gô ăn tơdrong hiôk rơnŭk kơ lu bơngai Isơrael lăm chăl sư pơgơ̆r.

I Pot 5:9

Lu đĭch đam inh gô dui hor 'long noh đơ̆ng char Liban ba tơ đak dơsĭ, na chô̆ pơm thoi thŏng-nan chơ ăn kơ ih truh tơ anih mă ih tơhlâu ăn kơ inh. Inh gô yuih lê̆ tơ noh ih gô iŏk đơ̆ng noh. Ih athei bơngơ̆t kiơ̆ thoi inh wă ăn kơ đĭ ŭnh hnam nhôn tơmam sa.”