I Pot 3:8 - Sơ̆p Hlabơar Nơ̆r 'Bok Kei-Dei

⁸ Inh đĭch đam Ih oei tŏk-bŏk kon pơlei pơla mă Ih rơih bơih, minh khŭl bơngai lơ kơdrâ̆m ưh kơ kĕ jô̆.

I Pot 3:8 Referans Kwoze

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

I Ho 21:2

Đawit khan kơ Jôap păng lu yŏng pơgơ̆r linh sư: Năm jô̆ bĕ đĭ lu bơngai Isơrael, đơ̆ng pơlei Bêrsêba truh tơ char Đan. Brŏk roi kơ inh. Wă kơ inh băt dôm yơ lu sư.

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 13:16

Inh gô pơm ăn kơ adrĕch adrung ih lơ thoi 'mui teh; kơna dah bu kĕ jô̆ 'mui teh, lei sư kư̆m kĕ jô̆ adrĕch adrung ih.

Horiso 78:71

Sư rôp iŏk Đawit đơ̆ng oei wei-lăng triu. Wă kơ Đawit jing bơngai wei-lăng adrĕch Jakôp, kon pơlei pơla Sư. Pơm pơtao Isơrael, kon pơlei pơla sư.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.

I Pot 4:20

Kon pơlei bơngai Juđa păng kon pơlei bơngai Isơrael lơlap lơlang thoi chuơh đak dơsĭ, lu sư sŏng sa păng chơt hiôk tơpă.

Lêwi 26:9

Inh gô 'mêm bơwei lu iĕm ăn kơ iĕm chek lar rai lơ păng pơjing tơdrong pơgơ̆p hăm lu iĕm kơjăp.