I Pot 3:6 - Sơ̆p Hlabơar Nơ̆r 'Bok Kei-Dei

⁶ Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

I Pot 3:6 Referans Kwoze

I Pot 9:4

“Gah ih, tơdah ih yak kiơ̆ trong Inh kư̆m thoi Đawit, 'bă ih yak năm bơih hăm jơhngơ̆m đon rơgoh 'lơ̆ng tơpăt pơm kiơ̆ dôm nơ̆r Inh athei ih, wei răk dôm nơ̆r Inh pơkă tơtă khan kơ ih,

I Pot 1:48

păng khan: ‘Kơkuh bơnê ư-ang kơ Kră Yang 'Bok Kei-Dei bơngai Isơrael, năr 'nâu Ih đei ăn kơ măt inh đei 'bôh boih kon drŏ-nglo inh hơ-oei kơpal tang-dŏ pơtao inh.’ ”

II Kor 9:11

Sư ăn kơ iĕm gô jing mơdrŏng đei tôm tơdrong tơmam, wă kơ iĕm gơh tơgŭm đe ling-lang, thoi noh na nhôn gô roi kơ đe tơdrong iĕm hơlăng, na đe gô bơnê kơ 'Bok Kei-Dei.

I Pot 2:4

păng wă kơ Kră Yang gô pơsĭt nơ̆r Sư pơkă hăm inh khan: ‘Tơdah lu kon sâu ih kơchăng arih sa, tơdah lu sư wă yak năm 'bơ̆t anăp Inh, pơm kiơ̆ tơdrong juăt Inh hăm đĭ jơhngơ̆m klơm klak, lei ih ưh kơ'bah ôh bơngai hơ-oei kơpal tang-dŏ pơtao Isơrael pơtrơp ih.’

II Kor 9:5

Thoi noh na inh wơh lu 'nhŏng oh bơ̆n âu năm hơdrol, wă kơ lu sư tơgŭm iĕm rai hơmet ra lê̆ dôm tơdrong noh hơdrol. Ưh kơ sĭ nhôn pơgŏ iĕm ôh, kiơ̆ kơ iĕm đêl pơkă đơ̆ng sơnăm sơ̆ boih. 'Noh na lăp nhôn truh tơ iĕm, iĕm đei tôm boih.

Horiso 119:17

Pơm 'Lơ̆ng kơ inh đĭch đam Ih, wă kơ inh gơh arih; Inh gô wei răk nơ̆r Ih.

Horiso 116:7

Ơ bơhngol inh, brŏk dơ̆ng tơ anih pơdơh ih, Yua kơ Kră Yang pơm 'lơ̆ng kơ ih.

Horiso 15:2

Lu bơngai yak kiơ̆ trong tơpăt, pơm tơdrong trŏ. Sư pơma tơpăt lăm jơhngơ̆m sư;

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

II Sam 7:5

“Athei năm khan kơ Đawit, đĭch đam Inh Kră Yang khan thoi âu” Ih wă pơm kơ Inh hnam oei hă?

Jo 12:7

Đĭch đam Inh Môis ưh kơ trŏ thoi noh ôh, sư bơngai tơpăt tơnăp dêh lăm hnam Inh.

Horiso 13:6

Inh gô hơri bơnê kơ Kră Yang, yua kơ Sư pơm 'lơ̆ng kơ inh.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

I Pot 3:14

Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

II Ho 1:8

Sôlômôn tơl Kră Yang 'Bok Kei-Dei khan: “Ih đei tơ'bôh boih tơdrong 'mêm tih kơ 'bă inh Đawit păng kư̆m ăn kơ inh pơm pơtao pơtrơp sư.

Bl 24:40

Yŏng tơ'ngla inh tơl inh: ‘Kră Yang mă Tơ'ngla inh oei pơm kiơ̆ gô ăn linh jang Sư jur pơm pơkeh tơdrong jang ih; păng ih gô chă ăn kơ kon drŏ-nglo inh akăn đơ̆ng lăm adrĕch adrung inh, tơ hnam 'bă inh.

II Sam 22:21

Kră Yang đei apah inh kiơ̆ kơ tơdrong tơpăt hơnơ̆ng inh. Kră Yang tơwih kơ inh kiơ̆ kơ đêl ti inh 'lơ̆ng rơgoh.

II Sam 22:25

Na Kră Yang tuh tơdrong pŭn hiôk ăn kơ inh, yua kơ inh chu yom nơ̆r Sư, yua kơ Kră Yang băt kơ inh 'lơ̆ng rơgoh.