I Pot 3:14 - Sơ̆p Hlabơar Nơ̆r 'Bok Kei-Dei

¹⁴ Tơdah ih yak năm kiơ̆ trong Inh păng wei răk tơdrong juăt păng nơ̆r Inh tơtă thoi Đawit, 'bă ih, lei Inh gô pơthim ăn kơ ih arih sot soi.”

I Pot 3:14 Referans Kwoze

Tơdrông Pơđơk 3:2

Yua kơ tơdrong inh bơtho gô thim kơ ih arih sot, Păng đei hiôk jơnap.

Horiso 91:16

Inh gô ăn kơ sư arih sot păng chơt hiôk păng gô tơ'bôh ăn kơ sư tơdrong Inh dŏng pơklaih.”

Sa 3:7

“Kră Yang Tih Hloh khan thoi âu: ‘Tơdah ih năm yak kiơ̆ lăm trong Inh, chu yom, wei răk dôm nơ̆r Inh bơtho, na ih gô wei-lăng hnam Inh păng bơwei cham hnam Inh, Inh gô ăn kơ ih nơnăm tŏk-bŏk lu bơngai mă oei kơkuh kơ Inh âu.

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

Tơdrông Pơđơk 3:16

Lăm ti 'ma sư chĕp tơdrong arih sot; Lăm ti 'ngiĕo sư đei mơdrŏng tih păng ư-ang.

II Ho 34:2

Sư pơm 'lơ̆ng 'bơ̆t anăp Kră Yang, kiơ̆ trong Đawit, 'bok sư, ưh kơ weh gah 'ngiĕo dah gah 'ma.

I Pot 3:6

Sôlômôn tơl: “Ih đei tơ'bôh bơih tơdrong 'mêm mơnat tih kơ đĭch đam ih Đawit, 'bă inh, yua kơ sư đei đon lui păng jơhngơ̆m đon tơpăt 'bơ̆t anăp Ih: Ih oei tơ'bôh tơdrong 'mêm mơnat tih, na ăn kơ sư đei minh 'nu kon drŏ-nglo hơ-oei kơpal tang-dŏ pơtao sư truh năr 'nâu.

Jang 13:22

Klaih kơ noh 'Bok Kei-Dei tơlĕch 'bok pơtao Sôl, tơplih Đawit dơ̆ng pơm pơtao lu sư. Na 'Bok Kei-Dei jô̆ kơ Đawit thoi âu: ‘Inh lăp đon păng Đawit kon 'bok Jesê, sư gô pơm kiơ̆ kơ Inh wă ling-lang.’

Horiso 132:12

Tơdah lu kon ih wei răk nơ̆r Inh pơgơ̆p. Păng nơ̆r tơtă mă Inh gô bơtho kơ lu sư, Lei kon hơ'lơ̆p lu sư kư̆m gô oei tơ kơpal tang-dŏ pơtao ih ling-lang hlŏng hloi.”

Horiso 21:4

Sư apinh Ih tơdrong arih, Ih ăn hloi kơ sư Ih ăn kơ sư năr đunh sot ling-lang hlŏng hloi.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

Both 5:16

Athei lui yom kơ mĕ 'bă ih, kiơ̆ thoi Kră Yang tơtă boih kơ ih wă kơ ih gơh arih sot păng đei tơdrong pŭn hiôk tơ kơpal teh âu mă Kră Yang 'Bok Kei-Dei ih ăn kơ ih.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

II Ho 29:2

Sư pơm tơdrong 'lơ̆ng tơpăt 'bơ̆t anăp Kră Yang thoi Đawit 'bok sư đei pơm boih.

I Pot 3:3

Sôlômôn 'mêm yom kơ Kră Yang păng yak kiơ̆ dôm lu tơdrong juăt Đawit, 'bă sư, mă-lei sư pơyơ̆r tơmam soi păng soh 'long 'bâu phu tơ anih groi kơjung.

Both 25:15

Iĕm athei đei 'long kŏng trŏ păng tơpăt, wă kơ lu iĕm gơh arih sot soi jơnoi đunh tơ kơpal teh lăm dêh char Kră Yang 'Bok Kei-Dei iĕm ăn kơ iĕm.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

I Pot 11:34

“Mă-lei ră Inh ưh kơ iŏk đĭ ôh teh đak đơ̆ng tơpang ti Sôlômôn, lê̆ kơ sư oei pơgơ̆r đĭ chăl arih sư, yua kơ Đawit đĭch đam Inh, Inh rơih iŏk boih, sư boih wei răk nơ̆r Inh tơtă păng pơm kiơ̆ dôm tơdrong juăt Inh.

I Ho 28:7

Inh gô ăn kơ dêh char pơtao sư kơjăp ling-lang tơdah sư đei jơhngơ̆m đon kơjăp wei răk dôm nơ̆r Inh păng tơdrong juăt Inh nhen thoi dang ei.

Horiso 21:5

Đơ̆ng tơdrong dŏng pơklaih Ih, sư đei ư-ang tih tơpă: Ih ăn kơ sư tơdrong rang rŏ dêh.